أختي كماااشة .. كلنا مقدرين حيرتك .. لكن عندي حل بما انك قلتي البيت مافيه مكان عشاء إلا للرجال ..
وش رايك تحطين الرجال في يوم والحريم في يوم ؟؟
الحين في العروس العادية الكبيرة يسوون كذا أحياناً .. بالعكس حتى يعتبرونها الحريم أريح لهم عشان يتركون العياال مثلاً عند أزواجهم ،، تعرفين
:)
فهذا حل يريحك ويمكنك طبعاً من دعوة أمه وأخواته لأنه ترى مو معناه انك لازم تكبرينها . بس للعلم ترى لااابد من جية أمه .. مهما كان السبب أصلاً هذي بداااية حياتك الزوجية كيف تبين تخربين العلاقة من أولها :) الله لايقدر طبعاً
وبعد عرسك لك الحرية ممكن ما تدخلينهم بيتك خير شر :)
المهم انك سويتي الواجب
وفي النهاية انتي لحالك لك القرار وتأكدي ان أهلك مايبون إلا الأفضل لك ( دائماً عندهم خبرة أكبر في هالأمور ) وإذا كانت وجهة نظرك صحيحة تأكدي انهم بيقتنعون ولو بعد فترة
:)

أختي منتى غلطانة
الله يوفقك دنيااااااااااااااا واخرة ويتمم عليكي على خير يارررررب
بس أختي لا ترفضين ان امه واخواتة ما يحضرون والله حطي نفسك مكانهم لازم يحضرون فرح ولدهم وخصوصا امة
خليها على رب العالمين والله ان شاء الله تعالي ربي يوسع البيت عليكم وعليهم وتقولين *البسمة* قالت
توكلي على رب العباد
والله يوفقك
ويسهلك مناكي

أخيتي الحبيبة كماشه ..

أولا أبارك لك زواجك وأسأل الله تعالى أن يوفقك في الدنيا والآخرة ..


نشاهد الآن وللأسف من يبالغون في ليلة الزواج ويصرفون الأموال الطائلة وهذا خطأ كبير وعليهم ان يتقوا الله عز وجل ويخافون من عقابه ..

وبالمقابل من ذلك نجد أناس قد أخذوا عقدة وأخذوا درس من هؤلاء الذين يسرفون وأعلنوا أن الزواج يكون رجال فقط أو أي شي آخر فيقترون على أنفسهم وهذا أيضا خطـــــــــأ


أختي الحبيبة دعا الرسول صلى الله عليه وسلم إلى اعلان النكاح واظهار الفرح والسرور و اعلان النكاح بالدف " أعلنوا النكاح "
‏حدثنا ‏ ‏نصر بن علي الجهضمي ‏ ‏والخليل بن عمرو ‏ ‏قالا حدثنا ‏ ‏عيسى بن يونس ‏ ‏عن ‏ ‏خالد بن إلياس ‏ ‏عن ‏ ‏ربيعة بن أبي عبد الرحمن ‏ ‏عن ‏ ‏القاسم ‏ ‏عن ‏ ‏عائشة ‏
‏عن النبي ‏ ‏صلى الله عليه وسلم ‏ ‏قال ‏ ‏أعلنوا هذا النكاح واضربوا عليه بالغربال


والأفضل والأحسن لكِ أختاه أن نأخذ الأمر على حد ما دعت وسمحت لنا الشريعة الاسلامية
تضعين زواجك في استراحة من الاستراحات بعد رؤيتها وفحصها ولا تدعون أحد إلا أهله وأهلك فقط وطبعا ما يشملهم من خالاتك وغيرهم ..
تكون مختصرة وبذلك تدخلين الفرح والسرور في قلوب والده ووالدته وأهله وكذلك لأهلك
فأسعديهم حتى تسعدين في حياتك الزوجية ان شاء الله تعالى ..
وفيه تكريم للزوج والزوجة بابتهاج الأقارب والأصدقاء الصالحين بزواجهما وبدعائهم لهما بالصلاح والفلاح واليمن والتوفيق وهذا من حقوق الاخوة الإسلامية بين المسلمين ..

فأظهري عند فرح أهل السماء بكِ
فرح أهل الأرض بكما .......
وأسأل الله تعالى أن يحفظكم ويوفقكم ..

اختي...

ا..تدرين انا ناوية بإذن الله اسوي مثلك..

بس اختي لله يهديك هذولي اهله..مايصير..وشلون بتقولين له...ماابي امك تحضر وخواتك
مارح يفهمها ان البيت ضيق
وصراحه مو بعذر

حتى اهله رح يتقبلون


الوسع بالقلب اختي...مايخالف...حتى لو كان البيت ضيق..ماجت عليهم هم

نصيحه اختي


لا تقولين له كذا

بلاش مشاكل من البدايه

إلا إذا كان هو عارف من اول واهله تتوقعين عندهم عادي

الله يدلك



بس حرام ينحرمون اهله من شوفة ولدهم وشوفه عروسة:27:

الله يوفقك ويدلك على الصح

والف مبروك مقدما

أنا اعرف وحدة تطلقت قبل دخلتها بأسبوعين بسبب أنها قالت لزوجها عن امه وليش أمك كذا وكذا ..وهو توهم يقولون ياهادي من اولها بدت بالنذالة...قام طلقهاااااا... الولد يحب امه ويحترمهااا و تسوى عنده الدنيا ومافيها...يعني معليش مع احترامي لك انتي وش تجين جنب امه؟؟.. ...نصيحة خلك ساكتة ولا تجيبين طاري اهلة ولا امه بالعكس حطيها فوق راسك....وبعدين امه وخواتة أولى انهم يحضرون زواج ولدهم من حريم اخوانك!!!!!!بصراحة الحق ينقال .. واذا ماوسعهم البيت توسعهم عيونك...وخلية يتساعد مع اهلك وحطوا الزواج باستراحة ومافي ارخص من كذااااا فكري بعقلك وبمنطق وبذكااااء فهمية بطريقة ذكية ان بيتكم صغير ...تساعدي انتي وياه واهلك وحطوة باستراحة... واعقلي بس مو من اولها تخلينهم ياخذون فكرة شينة عنك ويحطونك براسهم..هذا بدال ماتبدين بداية حلوة معهم تخلينهم ياخذون فكرة زي الزفت عنك ويقولن وش هذي ماتعرف السنع ولا الذرابة مو بس انتي بيقولون كذا عن أهلك؟؟؟؟ لا تجيبين سيرة انك ماتبين يحضرون خلك ذكية..واتركي عنك هالتصرفات الصبيانية...معليش انا قسيت عليك بس لآني اشوف الموضوع من منطق العقل وحطيت نفسي بمكانك..لا يمكن اقول كذا