ما ابي ولدي ينضرب نهائي

السلام عليكم ورحمة الله 

للعلم ولدي الي بتكلم عنه لسا ما تم السنتين 

انا بعمري وبحياتي ماضربته وانا ضد الضرب حتى لو اخطأ اعاقبه ما اخليه يمسك جوالي او ما اخليه يلعب ويتأدب حبيبي والله مؤدب ويسمع الكلام لكن ابوه مايعرف له 
امس زوجي متابع برنامج وانا على كتابي وولدي يلعب ويدور من عند ابوه ويقوله روح لامك كل ماجاه قاله روح لامك اخر شي اخذ جوال ابوه ويضحك يبي ابوه يلاعبه يابعد عمري ابوه صرخ وقاله جيب الجوال ولدي خاف وركض جوا للغرفه وهو يركض رمى جواله وانكسر انا جالسه بمكاني ولحق ولدي ضربه وشد شعره و يصرخ عليه وهو خايف اول مره احد يسوي فيه كذا والله طول امس وهو يتفزز بالليل مانام زين ويبكي
قلت له انا ماعودت ولدي ينضرب ولا عاد تضربه بعدين يطلع ضعيف ومهزوز وبيصير عنيد الضرب مو حل عاقبه ويتأدب 
قال ترا هذا ولدي مثل ما هو ولدك لا تجلسين تتفلسفين  ابوي كان يضربنا لما يطبع على اجسامنا ولا طلعنا مهزوزين ولا ضعوف خليه يتربى ويتعلم يسمع الكلام 
 ساعدوني شلون امنعه من ضربه هذي اول مره يضربه وما ابيها تتكرر نهائيا لا الحين ولا بعد مايكبر