السلام عليكم
بدخل بالموضوع على طول
انا الاسبوع اللي فات رايحه بيت اهلي وصار هواش بين بنات اخوي واكبرهم 5 سنوات وبين ولدي 3 سنوات
وعيالي هادين صراحه والله دايم يجووون يبكون ينضربوووووووون :44:ومايضربوووووون ابد
وبنات اخوي مدلعات ياويل احد يقول لهم شي الوسطى ماتعرف الا لغة ( التفال ) الله يكرمكم يعني البصق للي مايعرف:35:
وام 5 سنوات لسانها طويل تتكلم عليك عااااادي ...
انا كنا اسوف مع زوجة اخوي ومنسدحه تعبااااااانه بالشهر التاسع وجاء ولدي يبكي بكاء يقطع القلب يقول ضربته الكبيره ناديتها وهاوشتها وانا منسدحه من التعب الدلوووعه راحت تصاااااارخ كأن احد لمسها اصلا ودخلت للمجلس الرجال تشتكي لابوها اللي هو اخوي الكبير وهو جالس مع اخواني وشوي الا جاااء يركض المخفه :44:
طول وعرض وتسحبه بنته قال وشفيها من ضربها قلت ماحد هي اللي ضربت ولدي وانت تعرف انه هااادي مايضرب احد سكت قال تعالي معاي وراحت وهي تناظر فيني وتهددني قالت هين ماني شاريه لولدك بطاااااااطس بيشتري لي بابااااااا قلت طيب مانبي منك شي ... واضحك اكمل سواليفي مع زوجة اخوي :hahaha:
وامي راحت للصاله تشوف قنوات المجد وجلست لوحدها حسيت انها زعلانه على ايش ما ادري
رحت لبيتي بعد ساعتين جاء زوجي وطلعنا لبيتنا
من بكره الظهر اكلم امي وسااااكته وسكرت السماعه بوجهي وانا اسولف 5 دقايق قالت باي بروح اصلي قلت باي
واليوم اللي بعده نفس الشي باارده وهي تكلمني ثم قالت باي فجأه قلت باي
وجلست يومين ماكلمتها لعل تنسى واليوم كلمتها الظهر ووانا جالسه اسولف قطعت كلامي قالت ماشاء الله عليه زوجك يحب اخوانه ياليتنا نستفيد شوي :44: قلت يمه وش تقصدين قالت ما اقصد شي
قلت الا تقصديني صح لاحظوا مانست الموضوع وزعلانه بعد مع انه مالها دخل بس متضايقه مني ليش هاوشت بنت اخوي :44: مساكين اطفالي محد اعطاهم وجه مرره
المهم ذكرتها بنفسها زماااان يوم تتهاوش مع زوجة خالي وكان وقتها عندها 5 اطفال يعني هي وزوجة خالي كباااار كلهم وقلت الضنا غالي يمه وانا ماتهاوشت مع اخوي ولا حتى مع زوجته بس ينضربون اطفالي واسكت وبنات اخوي المدلعات يضربون ويبكوون ويروحون ابوهم وكالعاده يراضيهم بشوكولاتات من البقاله ياكرهي لهالدلع اللي ماله داعي:mad:
قالت لي انتي اصلا من تجين البيت عندي وانتي تصارخين حتى على اخوانك الاصغر منك وهم 2 بالجامعه وو1 مدرس واانا يعلم الله اني ما اتهاوش ولا شي بس مره اخوي المدرس هذا يقول لاطفالي كلام مايقوله متخلف
(((يقول راح اخذ وصخ من انفي واحطه على وجهك )))دايما مزحه وصخ ويضحك وبنتي عمرها 6 سنوات هي الكبيره قالت له عيب يا وصخ راحت تقول لابوها هالكلام لما رجعنا بيتنا قال زوجي الله يهديه انا صار وجهي كذا :44: مابي احد يتكلم على اخواني علشان كذا انا هاوشت اخوي لما رجعت لهم مره ثانيه قلت له ارجووك ابي سمعتكم زينه مابي يطلع عليكم كلام ولو صغيره قال ايش فيه قلت بنتي راحت تقول لابوها قال طيب اوريها مااشتري لها من البقاله وبنتي تسمع بالله هذي تربيه وبس هذا اللي صار
شوي الا امي اقول لها هالكلام من شوي عالخط وقعدت تصااارخ قالت اسمعيني زين نفاااسك اجلسي ببيت زوجك
لا تجيني وانتي تصارخين قلت يمه مالي غناة عنكم :44: قالت انا ماني فاضية لك وهي تصرخ وسكرت السماعه
بالله بنات انا راح انجن امي وش دخلها بالموضوع الحين انا مابيني ولا بين اخوي وزوجته شي اتصل في زوجي امس يسولف ويضحك ويسأله عن معرض الكتاب وانا وزوجة اخوي بيننا رسايل ومكالمات عاااادي الوضع يعني ليش زعلت امي هذا اللي بيرفع ضغطي من جد والحين انا كنت ناويه اروح لاهلي بكره واخذ اغراضي كلها هناك علشان خلاص الولاده قربت وصدمتني امي بكلمتها لا تجين عندي ما ابيــــــــــــك :44:
يعني احس امي تبيها من الله لانها من فتره تقول لي ترى اذا بتقعدين بيت زوجك عااادي بنفاسك وسمعت ان بنت خالتي اللي هي اخت امي سمعت ان بنتها راح يكون نفاسها في بيتها وهي بنفس عمري وحامل بالنونو الثالث وقالت ماشاء الله عليها سنعه وانا طنشت وسكتت وقتها لان مالي غير اهلي
الحين انا بموت من الحيره وش بقول لزوجي بجلس ببيتي وانا مرتبه الوضع في بيت اهلي ومصلحه امي كنب جديد ووحركات طبعا مو لي كذا تغيير في البيت
احس صعبه غير نظره الناس لي وحتى زوجي ماراح يشتاق لي لاني بكون عنده بالبيت 24 ساعه وحلبه وحااااله حتى اهل زوجي راح يتشمتون فيني وش الحل
ام شوشو وميدو @am_shosho_omydo
محررة برونزية
يلزم عليك تسجيل الدخول أولًا لكتابة تعليق.
الفهد777
•
هدي بالك ياغليه وروقي تصير في احسن العائلات انا ياما عانيت من التفرقه العنصريه من ابوي وامي الله يخليهم لي بس اطنش واكبر عقلي والله اذا تجمعنا وكان اخوي في بيت اهلي مايصيح واحد من عيال اخوي الا وابوي وامي محضرين وهاتك ياسب لعيالي وعيال اخواتي بس نطنش هم اهلنا ويحبونا بس ذولا اللي هم عيال ولدهم يحملون اسمهم ويمكن عشان كذا تجيهم الفزعه لاتتضايقين واعتذري لامك وحبي راسها وجيبي لها هديه رمزيه وقولي لها يوميمتي ياحبيبتي ترين احبكم واحب اخواني وعيالهم اكثر من عيالي ومن نفسي بس ماحب الظلم لاحد ولو ولدي غلط والله اجلده وصدقيني راح تنحل الامور اهم شي روقي والله الدنيا ماتسوى وانا اختك وترين العصبيه والقهر والهم والحزن ماتجيب غير الامراض الله يكفينا شرها ومحد بيتالم في الاخير غيرك بعيد الشر عنك ربي يريح قلبك ويحنن قلب امك عليكي ويخليها لك ويرزقك برها ويجعل عيالك بارين بك تقبلي مروري اختك بدور الطايف
خلطة عطر
•
يا حلوك انتى واهلك
احس ان مشكلتك هينه وانتى مكبرتها
والكل حساااس جداا
فالافضل تحمليهم ولا تطلعين لزوجك شى
ودام انتى محتاجه لهم بكره لا ولدتى اصبرى
وفرفشى معاهم وطوفى شغلات كثيره لانهم اهلك اولا وانتى مجبوره تتحملينهم ولانك محتاجه لهم
والله يسعدك ويقومك بالسلامه
احس ان مشكلتك هينه وانتى مكبرتها
والكل حساااس جداا
فالافضل تحمليهم ولا تطلعين لزوجك شى
ودام انتى محتاجه لهم بكره لا ولدتى اصبرى
وفرفشى معاهم وطوفى شغلات كثيره لانهم اهلك اولا وانتى مجبوره تتحملينهم ولانك محتاجه لهم
والله يسعدك ويقومك بالسلامه
الله يخليلك امك حاولي انك تروحين عندها وتبوسين راسها مهما زعلت عليك هاذي امك وبعدين سبحان الله اغلب الامهات عندهم عيال الولد اغلى طيب كلمي احد من اخوانك يكلمها ويفهمها وان شاء الله انها ترضى عليك
الصفحة الأخيرة