طبـ ع ـآ هذا موضوع للنقاش
وابدأه بموقف حصل لي في مرة من المرات كنت في احد الفنادق في جده افطر وانا واهلي وقريباتي >>لازم تعلمهم من كان معه
الموهم كنت افطر بالطاوله في حال سبيلي كافه خير شري >>لايكثر بس واخلصي علينا ،،
مادريت الا بالطاوله اللي وراي على طاوله اسمع بنت متحمسه وتتكلم تقول الكلام بيطير بس للاسف هذا مو هو اللي شدن بالضبط اللي شدنـ ـي....
طبعآ هي كانت غير سعوديه و وواضح من لهجتها انها اماراتيه او قطريه آو شي من هذا القبيل
وكانت تقول ان مافي حب بين الرجل والمراه بالسعوديه يعني الرجل مستحيييييييل يحب بنت من بنات ديرته >> اللي هي السعوديه طبعا
الموهم انها تتكلم على صديقاتها اللي معها على الطاوله وتقول : انها متعرفه على واحد سعودي ويكلمها ويحبها وناوي يتزوجها وهي تقول توقعته يلعب بس كان جاد وجا وخطبني من اهلي ولما سالته ليش ماتتزوج من بنات ديرتكـ
قال ماابغا اتزوج زواج تقليدي
قالت له كلم لك وحده وحبها وتزوجها
((قهرني رده الصراحه ))
قال :ما ابغا اتزوج من سعوديه اكلمها لان كل السعوديات اللي ممكن يكلمووني يكلموون مليون غيري ((وقال بكل بجاحه ))مستعملها ومستانس معها واحد غيري وهي خانت اهلها ومدري وشو ...>>تعرفون من هالكلام اللي يقولونه الشباب
انا ممكن اقول معه حق
بس هو يكلم وحده امارتيه ويبي يتزوجها ليش ماتكلم عنها وقال ممكن تكون مكلمه واحد غيري جالس يسب ببنات السعودية ماكنهم بنات ديرته
المهم هي سالته وقالت له زين انا ماتخاف اني مكلمه غيرك
قال : انتي عادي بس السعوديه اذا كلمت واحد غيرها تصير زباله (معليش على هالكلمه)
وماعاد يوثق باخلاقها وعلى طوول تندفن حيه تحت التراب ..!!
بس انتي اكيد لانك متعوده على الاختلاط ماتبيعين نفسك بالساهل ومدري ايش ...الخ
>>انا عن نفسي لما سمعت هالكلام كان ودي اقوم وقلب الطاوله عليها
وتمنيت انوو هالواطي اللي تكلم عن بنات السعودية قداامي كنت ذبحته >>تحمست
بس عن جد غليت من الداخل اذا هذي نظرته
يحتفظ فيها لنفسه مايحتاج يشوه صورتنا عند العالم الثانيه
انا متاكده ان اغلب السعوديين نظرتهم كيذآ بس ممكن يحتفظون فيها لانفسهم
((طبعآ انا ماقلت كلهم قلت اغلبهم))
انا الصراحه ضاق صدري لما سمعتها تتكلم عنآ بعد كيذآ بالشينه وتقول ان كلنا لعاباات وماعندنا يالسعودين لابنت ولا ولد شي اسمه حب
مع انه كل الحب والمشاعر المتدفقه فينآ
>>لا يكثر
انا ابغآ افهم ليش السعوديين يحسون ان بنات العالم الثاني عآدي لو يتزوجهالو هي غلطانه اكبر غلط (انا مااتكلم عن كل السعودييين )
بعض السعودييين يجيكـ يقول انا مااتزوج من البنات اللي يتحجبون مااتزوج وحده كلن شايفها
بس لو وحده من ديرة ثانيه عآيدي عنده
انزين يمكن وجهة نظري انا غلط >>فهمونآ وشو الصح
بكل صراحه:-
وش رايكم بنظرة هذآ الشاب عن بنات السعوديات ؟؟!
وهل فعلا لايوجد شي اسمه وفاء وحب بين السعوديين (الاناث & الذكور )..؟؟!
وسؤال عام :
هل تـ ع ـترف بوجود الحب في هذآ الزمن ..؟؟!
وابـ غ ـى تعليقاتكم على اي شي ودكم تقولونه ..
وسلامتكم حبايبي..،،
