PLUM AND PEAR :

بنتك تستمد قوتها منك .. انتي أمها وهي في سن تحتاجك فيه من فين بتصير شخصيتها قوية وانتي بعيدة عنها وكل همك ترتاحي من الازعاج وتهربي لغرفتك ؟؟ طول ما انتي كذا ولاعمرها بتتغير وبتكبر على هذا الحال وبتصير انطوائية وبيصعب تغييرها ولانها ضعيفة وماترادد ولا تطلب بتصير انقيادية ممكن اي وحدة تتعرف عليها في المدرسة تسحبها معاها وتوقعها في مشاكل هي في غنى عنها عطي اولادك وقت واقعدي معاهم كلميهم واحكي لهم حكايات وديهم المكتبة وخلي كل واحد يختار كتاب مناسب لسنه وقولي لهم اللي يقرا كتابه له جائزة حلللوة اللي يخلص الكتاب يجيبه وانا اسأله اسئلة اشوف هو فعلا قراه والا لا واللي تحسي عنده لعثمة خليه يقرا قدامك كم صفحة بصوت عالي .. مايقضي على اللعثمة الا القراءة بالصوت وتصحيح الاخطاء كمان قراءة القران قراءة صحيح بصوت مسموع افضل علاج للعثمة وللارتباك في الكلام ويخلي الواحد جريء يتكلم بدون خوف خصصوا لهم يوم في الاسبوع انتي وابوهم لاتقولوا مالنا خلق .. اغصبوا نفسكم اعتبروه واجب لازم يتسوى مرة خذوهم لمطعم وخلوها جلسة تعليم ايتيكيت.. كيف نمسك الشوكة والسكينة.. وعيب نحط اكواعنا على الطاولة .. مانتكلم اثناء الاكل .. وناكل بهدوء من غير ازعاج عشان الاكل نعمة من الله لازم نحترمها .. الازعاج عيب في الاماكن العامة يخلي الناس يضحكوا علينا ويقولوا ياريتهم يروحوا ونفتك منهم المرة اللي بعدها احجزوا شاليه او استراحة خلوهم يسبحوا وينبسطوا بنتك علميها كيف تعتني بنفسها وبشعرها وببشرتها .. جيبي لها مكياج على قدها حقيقي مو لعبة اختاري لها قلوس وبلاشر الوان بنوتات ومناكيرات ملونة وخذي لها شنطة تحط اغراضها فيها اجلسي معاها جلسات طويلة كلميها عن نفسك وتكلمك عن نفسها وايش تتمنى .. عيشي معاها احلامها .. خليها تحس ان تحقيق احلامها صار مسؤولية عليها لانه صار حلمك انتي كمان .. كذا تقوي اصرارها وعزيمتها .. علميهم كلهم النظام والترتيب .. العبوا وسووا اللي تبغوه بس ماتناموا الا وانتو مرتبين غرفتكم قد ماكان سن الطفل صغير فيه عمل يقدر يسويه على الاقل يشيل منديل من الارض يوديه للزبالة .. وخلي الشغالة تسوي الباقي دخليهم معاكي المطبخ سوي اكلات خفيفة خليهم يساعدوكي فيها .. كب كيك .. بيتزا .. ساندويشات .. هذي الشغلات سهلة وكل واحد ممكن يسوي شي ويفرحوا بعدين بطبختهم والله حرام تاركتهم للشغالة وانتي موجودة في حياتهم وهاربة لغرفتك !! الصراخ واللعب والازعاج زايد معاهم حبتين لانهم زهقانين وعندهم طاقة ولازم تطلع خرجيهم من البيت وكوني معاهم انتي وابوهم عطوهم من وقتكم وحسسوهم انهم مهمين في حياتكم كذا تقوى شخصياتهم ويتعلموا يتكلموا بفصاحة ربي يخليهم لك ويبلّغك فيهم ويسعدهم ان شاء الله :)

بنتك تستمد قوتها منك .. انتي أمها وهي في سن تحتاجك فيه من فين بتصير شخصيتها قوية وانتي بعيدة عنها...