ما احب اقرا قرآن

السلام عليكم / صباح الخير

——
اخواتي والله العظيم ما ابالغ انا تعبت من نفسي كل مره احاول اتغير و ما اقدر .

اولاً قبل سنتين وربي مستحيل اترك الوتر و الاذكار و محافظة عليها جداً وكنت اخاف لو يبدا اليوم الثاني وانا ماصليتها ،. و حاولت اعود نفسي اصليها مانفع معي ، والاذكار كنت لازم اقراها و ادعي لامي وابوي وعيالي واحصن نفسي وبيتي و ارتتااااح بعد ما اخلص منها .. والحين صرت اتثاقلها و اقراها مره ايه و عشره لا ،،

مع ذلك انا مو محافظة ع الصلاة في وقتها من زمان و احاول اتغير و اروح و اقرا عن تأخيرها و اتأثر تأثر لحظي و بعدين ارجع لعادتي ، و احاول من سنين اني احافظ ع قراءه لو سوره او صفحة من القران و اقراه والله ما قدرت اجيبه قدامي و اقول شوي بقرا لو صفحة و برضه يجي شي يشغلني بدون قصد .. و كل مره اقول من الجمعة الجاية بقرا سورة الكهف و لا اقراها😭.. انا حتى صلاتي استغفر الله احسها مدري كيف ذهني شارد فيها و احيان كثير انام وقت الاذان ما اقدر اقاوم مع اني اقعد عشانها

انا ولله الحمد مافيني لا سحر ولا عين ولا احتاج رقية ولا شي .. انا بعرف وش فيني ليه كذا ما اتلذذ بالقرآن زي الناس مع العلم اني برمضان والله العظيم نفسيتي تتغير ١٨٠ درجة لاني اواظب ع الصلاة بوقتها و القران و الحمدلله احس بأثرها ع طول بس ينتهي رمضان يرجع كل شي لوضعه .. تخيلوا والله حتى بوستات انستقرام اذا جاء قران ع طول اغير ما احب اسمع الا قُراء معينين و كثير منهم ما احب اصواتهم تجيب لي اكتئاب .

في احد مثلي و كيف اغير من نفسي ، و انا والله اسعى بس ربي مو موفقني لهالشي احاول احط لي جدول و امشي عليه بس ما يضبط معي .، تكفون ادعولي ربي يردني له رداً جميلا يارب العالمين 😞😞