ما احب الخلطات السحريه.. بس هذي فاجأتني

صباحو سكر للسكر ..

كيفكم يا بنات

كالعاده ارجعي لارشيفي بتلاقيني اشتكي واصايح من شعري المحروق..
ناعم ايه
يلمع ايه
بس وش الفايده وهو مسحوب لونه + محروق من الصالون+ من الصبغه + متساقط من الحجاب طول اليوم !!

المهم قريت مدح موطبيعي على هالخلطه وقلت والله يابنت عندك الاغراض.. قبل لاتخرب الزيوت.. حطي حيلك يلا!!

بنات .. من اول غسله ورب البيت اللي خلقني وخلقكم .. امسك شعري وانا مو مصدقه !! كل شوي المس شعري واتبسم!! هههههههههههههههههههه
بعد الغسله الاولى ياناس تحسن بنسبه ملحوظه!! وش ذاالزين ؟؟؟

الكثافه قاعده تتحسن <<< منيب منصبه عليكم واقول لكم بمعدل 3 ساعات يطلع لي شعره! معليش الشعر له معدلات نمو مهما اسرعت ما تصير متر بالشهر و شبر بالاسبوع ومدري وشو!!


بس بصراحه .. يعني اكتفيت فيها لاني شفت العافيه من وراها .. جربوا وبتفهموني..


تراها مو جديده.. تعرفونها بس اكيد مثلي خزنتوها مع الاف الخلطات .. بس بليز تكفون جربوها

شعرك خشن؟ جاف؟ تالف؟ خفيف؟ دهني زيي انا ؟ ناعم زيي؟ حابه تفردينه طبيعي بدون فرد ؟؟ حابه ترطبينه بدون بلسم؟ حابه تسوين له علاج شامل ؟؟

سويها ... لاني احبكم في الله الح عليكم تسوونها.. بليز



وهي كوب ماء نغلي فيه بصله + 4 فصوص ثوم وخليه يقلب لين ياخذ لون البصل والثوم
انا اضافاتي الخاصه : بابونج لان شعري مصبوغ اشقر..

سدر بمعدل 4 ملاعق تقريبا لطول شعري وهو لتحت الكتف بشويه وخفيف شويه مو ثقيل!!
تقدرين تسرين النتايج باضافه ملعقه وحده بسسسسسسسسسسس سمنه لو شعرك نااااشف وتااااااالف و يعني مره متأزمه او توك لاعبه فيه وحارقته <<< جرايمي بشعري الاعدام حرقا!!

زيت زيتون بمعدل بياله او اقل او اكثر يعني بالنظر..
انا احط خلطة زيوت .. تحتوي على زيت الزيتون+زيت الخروع+ زيت الحلبه+زيت براشوت+دابر املا و منقوع في هالخلطه محلب وثوم

طبعا ما له داعي اقول لكم ان زيت الحلبه ينعم ويفرد الشعر لكني اخففه بالزيوت هذي بيكوز الريحه فتاكه
لين الحين ترى ريحة الزيت مو شي
و لا بكذب عليكم .. تراها تعلق بالشعر حتى بعد ما تهلكينه فرك بالشامبو والعطر والبخور

اللي معرسه .. تحترم وضعها الاجتماعي و تحذف الحلبه عشان لا تقول اني تسببت فيها!



حطي هالخلطه ((مغلي الثوم والبصل والسدر والزيت)) لمدة 4 ساعات وحتى 6 ساعات يعني فتره زينه
لا تطولين لسبب
ان الخلطه ثقيله عالراس يعني تحسين تسحب الشعر وتعورك و مو زين سحب الشعر وخصوصا وهو مبلل كذا وضعيف..

بس اغسليها عاااااااتي بالشامبو
انا اغسلها مرتين لان الزيوت ثقيله

وبس

بالنسبه لي انا اتعطر زين واعطر شعري ((مع العلم اني موظفه بس الحمدلله مع الاهتمام ما احد يشم شي))
ثاني غسله تروح الريحه يعني مو شي أزمه


بتلاحظين بعد الغسل علطول فرررررررررررررررق شاسع .. مو تحسن بالرطوبه
يعني عندي النتايج احسن من الحنا !!

جربوا و قولوا لي..