ما احب العيد تدرون ليش؟؟!

مرحبا خواتي

قبل ايام من بداية العيد اكون فرحانة مع عيالي ونجهز انفسنا من ملبس وكل شيء

وبعد أذان وصلاة العيد احس بحزن ولوعه بنفسي

لاني وحيدة انا وعيالي

اشوف الكل حولي متهني ومستانس مع زوجتة

والله غصب عني ما اقدر اقاوم هالشعور

طول ايام رمضان الكل يطلع عياله ويفرحهم الا انا عيالي ما احد يدري عنهم

ابوهم ......... حسبي الله ونعم الوكيل مو داري عنهم خير شر

اصلا هم ما يعرفونه الا بالصورة

في رمضان وبالضبط بالعشر الاواخر لزمت علي بنتي الا تروح معي صلاة التراويح

وبعد ما خلصنا قالت لي

امي تدرين انا دعيت من كل قلبي .... قلتلها بشنو
قالتلي ان الله يعطينا ابو (اب ) يحبنا ويخاف علينا

انا من غير شعور والله نزلت دمعتي
يالله يارب يا مجيب الدعاء ... ويا منزل السحاب واسالك يا الله
يا الواحد الأحد الفرد الصمد الذي لم يلد ولم يولد ولم يكن له كفواً أحد،

استجيب لدعاء ابنتي وارزقني الزوج الصالح الذي تحبة وترضاة
ويصون ابنائي

اللهم آمين