ام التونا :

نفسسسي قسم اول ماجبت ولدي البكر ههههههه كان اذا بكى ارميه على السرير واقول لابوه انا ماابيه ماني مضطره اعتني فيه واسكته وهو مايسمع كلامي ويسكت و كنت ارميه على ام زوجي وامي وانااااااااااام واذا شفته صحى وانا فيني توم احس احقد عليه مرررره و ماقدرت افضفض لاحد بهالمشاعر الين كبرت هذي المشاعر وانقلبت ضدي و صار اكتئاب حاد و رحت لدكتور نفسي و عدها رحت لمشايخ وانا ماتمه بقلبي مافضفضت لااحد لو اني فضفضت و سمعت تجارب الناس وعرفت ان هذا الشيء طبيعي ماكان صار اللي صار بس زمان الوحده ماتقضفض تربي عيالها وهي ساكته ومنطمه لا يقعدون يتشرهون عليها وعلى مشاعرها ياربي احس انا كنت مسكينه مرررررررررره مره ومن كثر ماكنت اخاف اقعد من اي تجمع بنات ومااحب اسمع كلام عيب تخيلوا دخلت غرفة الولاده بولدي البكر وانا ورب البيت احسبهم بيطلعونه من بطني تخيلوا امي ماكانت تسولف قدامنا اي شيء و كل شيء عيب عيب عيب لكن كبر ولدي وبدا يمشي و حسيت اني تعلقت فيه و اشوف الناس يحبونه يموتون عليه وانبسسسطت و دايم اشتري له اشياء وتحسنت نفسيتي مع العلاج النفسي و قعدت عاد افكر بالحمل هههههه النفس امارة بالسوء قلت ليش مااعيد التجربه لاني مااستمتعت بالحمل والولاده والتربيه تذكرت صح ماعندي ادري وشو وحم بس احس بيتي كان له ريحه اثاري هذا الشيء طبيعي لكن انا ماكنت ادري انه طبيعي وكل يوم انظف البيت كل يوم احسب انه وسخ ههههه وكانت بطني كل يوم تمغصني و انا ساكته وكاتمه واقول يالله ليش بطني لها كم شهر توجعني وجع غريب لايكون فيني شيء خطير اثاريه وحم مالت علي استاهل لاني كنت حياويه بزياده و مااحب تجمعات البنات وسواليفهم ولااحب اسال امي واختي استحي موووت الحمدلله وين ووين صرت بس ماانسى يوم ارمي ولدي ع السرير واقول لهم خوذوه انا ماابيه مااعرف له و هو مايسمع كلامي

نفسسسي قسم اول ماجبت ولدي البكر ههههههه كان اذا بكى ارميه على السرير واقول لابوه انا ماابيه ماني...

أم الهذلي :

السلام عليكم ابغا اسال الامهات انا وحدة ما تحب الاطفال و عمري ما استلطفتهم ماني شريرة، لكن طبيعتي كذا، ما احبهم بس ما اكرههم و ما آذيهم ابدا و بحياتي ما ضربت او اذيت طفل. ربي اكرمني بطفل و الحمد لله، لكني للاسف واجهت نفس المشكله مع ولدي الي من بطني. ما احبه. و بالرغم من ذلك،. الا اني اخدمه بعيوني و ما ابغا اقصر في حقه، لانه ما له ذنب. عمر طفلي ٤ شهور، زاد التعب علي في العناية فيه و السهر معاه، لقيتني للاسف بديت ادعي عليه و اسبه، بيني و بين نفسي و يمر اليوم كله و انا اصبر نفسي، و اخر الليل لما انومه اقعد ابكي. ما احبه و ما احب حياتي الحالية. كلها عذاب و ما اعرف كيف اقدر انجب طفل ثاني. هل مريتو باحساسي. ؟ كل يوم افكر بالطفل الثاتي و اقول لااا ما رح اخلف ثاني.. هذي الحياة عذاب ما اقدر اعيش هالتجربة المؤلمة مرة ثانية. انا امرأة واعية ،و اعرف حكم تحديد النسل،. لكن الله لا يكلف نفسا إلا وسعها. و انا ماني قادرة اكمل اكثر. ما ابغا أظلم ولدي و ما ابغا اظلم زوجي معي. زوجي موافق ع فكرة الطفل الواحد. اختي تقول كل الحريم كذا يمرون بهالفترة و يحرمون انهم يحملون. هل فعلا هذا طبيعي؟ و هل فكرتو تبطلون حمل و انجاب بعد الطفل الاول؟ ثم رجعتو في كلامكم؟ شاركوني تجاربكم عشان ما احس اني وحيدة خففو عني و ارفقو بي و لا تقسون علي بكلامكم.. نفسيتي جدا متعبة و احتاج مواساة او تشجيع مو تحبيط و استهزاء 💔 الله يحفظ لكم اهلكم و احبابكم

السلام عليكم ابغا اسال الامهات انا وحدة ما تحب الاطفال و عمري ما استلطفتهم ماني شريرة، لكن طبيعتي...