ما احس بالسعاده وافكر بالموت دائماً ...تعبت

بداية انا تزوجت وعمري 15 بالاكراه من والدي ووالدتي .. والأن عمري 26 وعندي ثلاث اطفال اكبرهم ١٠ سنوات ..
اعاني بحياتي وماقدرت اتخطى الماضي .. ابكي كل يومين واتذكر احداث قديمه حصلت لي .، من ضرب واذى جسدي ونفسي ، من تزويجي بالاكراه والضرب ، من تحرش والدي فيني . اشياء كثييره ماني قادره اتخطاها ،.. ما احس بالسعاده في حياتي مهما حاولت اكون سعيده افشل وارجع للماضي وللي صار اول وارجع تعيسه .. كثير احيان لما اجي انام مقدر انام وانا متطمئنه انام وانا خايفه اخاف زوجي يقتلني تجيني تخيلات ان احد بيقتلني بالسكين اتخيل سكين حاده واخاف وادخل ع نفسي وابكي .. كل هذا بسبب امي وابوي اللي مايستحقون اطفال بهالحياه !!! كانوا اذا زعلوا مني يجرون ورايا بالسكين يخوفوني لانهم يعرفون اني ارتعب من السكين وكنت وقتها بالمتوسط والى الان اجد اثرها في نفسي ..
وغير كذا زوجي نفس الشي بعد ماتزوجني كان يضربني ويعاملني معامله سيئه وصبرت كثيير لين قررت انفصل عنه !!
والان اشعر بالكره الشديد لوالدي وقررت اقاطع والدي لانه اذاني جسدياً ونفسياً وقررت اقاطع امي لانها اذتني نفسياً وكانت تحرض والدي ع تزويجي لاني عار ولازم تفتك منه وهي الان تسوي مصايب الدنيا وعادي ماكانها سوت لي شيء !!
و والدتي بعد ماقاطعتها تقريباً خمسه شهور جات تتصالح معي وجابت لي ورد واسوره و تقول عشان يروح الزعل منك!!
الان صرت اتكلم معاها عادي كلمه ورد غطاها لكن بقلبي ماقدرت انسى او اتخطى كل اللي سوته .. ولا اعتقد اني اقدر ...
كثيير مرات افكر اني انتحر.. تقريباً اخر مرا قبل اربعه شهور كتبت وصيتي وفكرت اقدم بالانتحار ومنعتني صديقتي المقربه لقلبي بكلامها وقربها مني ..
كيف اتغير .. كيف اصر انسانه سعيده واعيش حياتي .. كيف !!! كيف انسى الماضي ..