ما احي ايش اكتب بس اشياء لصحة وجمال البشرة مهم

السلام عليكم ورحمة الله وبركاته

انا ما انزل مواضيع كتير لاني ملخبطة نومي والمدارس عشان كذا الموضوع اكيد راح تستفيدي دحين او بعدين او تفيدي احد
راح اقولكم اشياء مفيدة للبشرة و موجودة فكل بيت بس يبغالها صبر وكلنا عارفين مافي شي يتغير بليلة وضحاها
اول شي



العسل
للوجه مفيد بشكل فظيع كان
بالوجه حساسية زي الحرق وطبقات كتيرة مرة لدرجة تعدى مرحلة الحرق وصار زي العفن مرة يفجع حطينا عسل يومين بس اختفى وصار بس احمرار


الشفايف
يفتحها يرطبها وكمان يقشرها مع اليمون والملح او السر



تاني شي

الزبادي
تحذير اذا بشرتك جافة لا تحطيه لانو ينشف دهون الوجه ويصير وجهك مرة ناشف يمكن رطب اول ما تغسليه وبعدين شوفي كيف يصير
اما اذا دهنية تقدري تحطيه
لانو يفتح ويخفف الحبوب الي بالوجه واذا كان لونها احمر يخففه يخفف مو يزيلها
موتدعون عليا
لا تحطيه بالمنطقة حول العين لانو طلع لي حبوب ما ادري ليش بس اتجنبيها

الليمون

الليمون اساسي :luvkiss:
من تفتيح ولاتقشير ولا تصفية ونقاء
ناس تقول ما حطو بشرتي جافة بالهكس فيه مواد مرطبة يعني يرطبها او يسيبها بحالها
ولشفايف يفتح اللون تحطيه مع العسل والسكر البني يفتح ويقشر مرة حلو لوتستمري عليه حتشوفي نتيجة حلوة


الكركم

يفتح الوجه مرة حلو وللهالات السوداء الي عقدت البنات
حطيه مع عسل او فازلين بمقادير متساوية





نصائح مهمة

اذا تتبعي نظام ترطيب للبشرة وانتي ما تشربي موية ماراح تستفيدي الايمكن يوم تحطيه يقعد شوية وبس



والاجهزه الي تقدين عليها 24ساعة ترا تعدم وجهك تزيد الهالات




والشمس ابتعدي عنها

وجهك لاتفرطي بغسلو بالصابون بالاخص اذا بشرتك جافة اما الدهنية لاتفرطي طبيعي عادي يعني




الشفايف

شفايفك لاتعضيها ولاتقطيعيها باسنانك :29:

هاذي كلها نعرفها ومتعودين نسمعها بس ما نطبقها <<احس نفسي ابلة مع نفسي

والبنات الي لسا صغار 14 15زي كده ما تحتاج بشرتهم ترطيب ولا شي بس شوية كريم مرطب بس عشان تساعد البشرة عالترطيب،



الي استفادت من الموضوع تدعيلي انو ارتاح

وال ما استفادت لاتدعي عليا
ولاتنسوا انو الجمال جمال الروح وصفاء القلب والاخلاق مو العيون الكبار والشعر الطويل الكثيف والغمازات الي ملية الوجه

والسلام عليكم ورحمة الله وبركاته