شمس الغياب @shms_alghyab

عضوة فعالة

ما ادري شفيني يابنات ؟

السلام عليكم ورحمة الله وبركاته

ما ادري من وين ابتدي بس احس اني مخنوقه ما ادري شفيني صايره عصبيه بدرجه لا تحتمل حتى زوجي مل

والله ماكنت كذا من يوم صاروا عيالي يمشون خلاص ماعاد اتحمل شي حتى الشغاله ماسلمت مني بعد ماكنت زي العسل معاها خلاص ماعاد اتحمل منها اي غلطه واحيانا امد يدي :44: واجلس ابكي طول الليل ليه صرت كذا واليوم الثاني احس بتانيب الضمير وانزلها السوق تشتري اللي نفسها فيه ما ادري حتى زوجي ما اتحمل منه اي غلطه لو يغلط غلط صغير تلاقوني انواع الملاسنه وانت وانت وانت

واحيانا اذا كان جنبي ادفه من يده :( غصب عني والله غصب بس زين انه ساكت مايرد لو يرد ما ادري وش بسوي فيه شكله خايف مني << :mad: مو وقت مزح

لا صدق حتى رحت لاهلي بهذلت اولاد اختي هذا وهي نفاس عند اهلي الضعيفه عيالها ماسلموا مني بس الخيزرانه بيدي طول الوقت اختي مبسوطه مني تقول احسن يازين الادب << تقصد عيالها

بس انا احس بتانيب الضمير الا ابموت وا اقول شفيني كذا عصبيه لدرجه لاتطااااااق كرهت نفسي خالتي جتنا ذاك اليوم بس تسميني فلفله :icon33:

حاولت اكون ريلاكس واشوف الاسباب ماقدرت المشكله ما اخذ حبوب منع حمل عشان اقول منها ولا عندي مشاكل مع زوجي اقول يمكن منه والله ما ادري وش الاسباب اجلس ادعي طول الليل يارب اتغير للاحسن لاني احس اني دايم في النازل يمكن بعضكم تشوفها مشكله تافهه بس والله انها مسببه لي ازمه نفسيه مايعلمها الا الله حتى جيراني احس مساكين كل يوم يتصبحون على صراخي في البيت ويتمسون عليه :44:

افكر اروح لطبيب نفسي يعطيني مهديات او شي يمكن يكون مرض والله ما يجي الليل الا وراسي خلاص بينفجر خاصه اني ما اخذ كفايتي من النوم ابدا لان عندي ولدي دايم تعبان وبكا في الليل كل شوي يصحى
لان عنده مشاكل في الانف والصدر

ما ادري اذا فيه وحده مرت بزي حالتي وراحت عنها الحاله او راحت لطبيب نفسي وشخصه لها

يلزم عليك تسجيل الدخول أولًا لكتابة تعليق.

تسجيل دخول

حولا محترمه • 12 سنة

يبغى لك تمشيه او سفرة عشان تتجدد نفسيتك

شنطة ام امان • 12 سنة

ورب البيت كأنكـ تتكلمين عني
والمعذره ضحكت عليكـ يوم قلتي جيراني احس مساكين كل يوم يتصبحون على صراخي في البيت ويتمسون عليه :44:

وقاعده أفكر آخذ علاج نفسي
لأني بجد تعبت وتعبتهم معي
وأحس عيالي بيتعقدون ومابيدي حيله
بس لو سمحتي لو لقيتي حل وجاب نتيجه لاتنسيني أرسلي لي رساله عالخاص
ربي يفرج لنا

شمس الغياب • 12 سنة

حولا محترمه ربي يسعدك لازم اذا صحى زوجي اوريه ردك : )

كل فدوه لعيونك • 12 سنة

الدكتوره اكيد بتريحك ..

بس مو زين تاخذين احبوب والله تدمنين عليهم وماترتاحين الا وانتي مستخدمتهم ..

مثل ماقالت لك اختي حولا محترمه ..

سافري طلعي تمشي ..

غير جو وكذا ترتاحين ..

ام سالفه الحبوب ماا انصحك ..

وقري على نفسك وعلى ولد الرقيه الشرعيه كل يوم ..

وصوره البقره ..

ربي يسر لك كل امورك ويسهلها ..

::

شمس الغياب • 12 سنة

شنطة ام امان لاتكون ذيك اللي في يدها الشنطه وتصير اعاصير وزلازل وسيول والشنطه معلقه بيدها ماتطيح خخخخخ