ما ادري فجاه اعتفس حالي

ان جبت خادمه إثيوبيا كانت زينه و كانت خوافه لما اقولها سوي كذا تقول ان شاء الله مدام


أما الحين أكلمها تتطالعني بنظرات استحقار و ما ترد بكلمه ان شاء الله ..


إذا ناديتها قالت أنتي ليش تنادي أنا اصلي وأنتي مره ثانيه لا تنادي إذا أنا اصلي قلت لها ويش عرفني إذا أنتي في صلاه أو لا تطالعني نظره حقد و تروح


لأكن ما علينا منها ولدي عمره سنتين قام يسوي حركات اول مره يسويها يطلع و يهرب من السابع للحوش في عز الظهر و مرات يطلع بشارع ما عمره سواها بيوم الا هالاسبوع
يدخل الحمام و يلعب باللوعة الإفرنجية هو إذا جاه ماي على ملابسه يبكي و يوسخ حفاظته بشكل مريب خاصه إذا طلعنا ألاقي كل ملابسه وسخ حفاظ و الريحه صاكه الدنيا وارجع للبيت و تتخترب الطلعه


لما اكلم زوجي عنه انه اخذه ع المستشفى ينقلب وحش كني سابه ل احد من أهله
يقول بطلع برع البيت لو يبتي طاري المستشفى ل لولدي ما قدرت أتكلم من كثر ما يرادد و يرادد و يهدد إذا قلت له مستشفى بيطلع ...


آه وليدي رحت بيت اهلي و يلعب بالطين و يمسح على شعره اول مره هو يكره الوسخ قبل لا توسخ شوي يبكي و يبكي لأكن ولدي ويش جاه فجاه ما ادري ..
أنا لما ادخل الحمام احس كنه احد وراي و احس احد يمسح على ظهري و أفز ما ألقى احد ..


هاي الأعراض بس من أسبوعين
شفت لزوجي حركات عمره ما سواها ...