ما ادري من العيب فيه

السلام عليكم ورحمة الله وبركاته
يا اخواتي ابيكم تنصحوني ايش اسوي
انا متزوجه من سنه ونصف ماعندي نونو اعالج ويقولون مافيني شي الا مره وحده ارتفاع هرمون الحليب وتعالجت منه الحمد لله
ورغم ذلك استخدمت منشط ومافيه حمل تعبت جدا
المشكله هي انه مايجلس في البيت الا للنوم فقط يعني فندق واحيانا يجلس الصباح معي والباقي عند اهله ولا طالع
جلس فتره يوم يروح لهم ويومين او ثلاث مايروح وهكذا وكان يقول انا احب بيتي احس افرح اذا جيته الامور كلها تمام الحمد لله
والان كل شي تغير ورجع يروح لاهله يوميا من الظهر الى 11 او 12 الليل طبعا ايام الاربعاء والخميس والجمعه وباقي الايام في دوامه لانه بعيد عني انا كل يوم كلام كلام مافيه فايده ابدا كل يوم ابكي عنده مافيه فايده واكيد عندنا مشاكل ثانيه مثل اي بيت عادي الحين ابيه يعالج رافض قلت له قلبي يتقطع ابي يكون عندي اطفال من حقي وهات ياكلام بعد مافيه فايده وبعدين قلت له ترا والله العظيم وقعدت اقسم واحلف له لو يصير شي في تحليلك ان ما اخليك ولا اتركك ومهما كان عندنا مشاكل مستحيل اخليك انا قلت ها الكلام علشان ابيه يرتاح قلت يمكن هو خايف من كذا
قلته ولا ماقلته طار فيني طيره جرحني قال تتوقعين انك اذا تركتيني بضيق ولا تظلم الدنيا في عيني ترا عاااااادي وهات يا كلام
يابنات عمره في حياته ماقال كذا
معليش طولت عليكم بس والله ابي افضفض تعبت
وقبل ها الكلام كان مضيقني ومقصر في اشياء كثيره وجلست ابكي طبعا مو عنده وبعدها رحت له
واكلمه اكلمه بعد فتره حسيت اني ماكنت كذا ابدا صرت اكلمه ابيه يضيق ابيه يصارخ علي يعني ادور الشر وصرت افكر في كلامي انه فيه اشياء كثيره مو صح وانه ماقصر علي في شي ما ادري ليش صرت كذا :44:
والحين قلت له انا بعالج وبدخل على الدكتوره وبتدخل معي اقتنع بس بسرعه غير رايه وقال ماراح اعالج وبعده قال بس بدخل معك
بنات احسه مقصر معي واذا فكرت والله ما قصر الا في انه ما يجلس معي بس
والله اول يموت فيني مستحيل يزعلني واذا زعلني يراضيني على طول
الحين تعبت معه