ما ادري من وين ابتدي وكيف انتهي ..قصتي مع زوجي من الالف الى الياء ابي مشورتكم

السلام عليكم ورحمه الله وبركاته
اول شي اتمنى لكل وحده تقرا هالكلام الحياه السعيده اللي تنور لها حياتها وين ماراحت لاني كل تجارب الحياه الصعبه مريت فيها مع العلم ان عمري ٢٩ سنه لاكن الحمد لله على كل حال

بدايه مشكلتي مع زوجي اكتشفت من السنه الاولى انه مستحيل احمل طبيعي مثل اي بنت والمشكله كانت منه لازم انابيب ونا توني صغيره بس شفته بيموت على الضنى ويتمنى رحت سويت انابيب ونجحت وجبت له احلى بنت بهدنيا سويت العمليه عمري ٢٥ صغيره حتى الدكتور كان يطردني يقول انتي صغيره وكنت مصره اني اسويها حالته الماديه ضعيفه وكانت تجيني عقود تدريس قبل كنت اخذ فيها ضربه فلوس واعطيه النص قصرت ولا لا وزود على كذا ذهبي كله راح وعطيته يوم شفته محتاج بس انا قلت دامه حليو معي يستاهل وكنت اسكت اتغاضى عن اشياء كثير مثل تطنيشه لي يسهر برآ يكون مبسوط برا واذا رجع صار مكتم مع اني بشهاده اللي حولي مرحه وجميله جدا يعني مو ناقصني اي شي واشوفه اذا احد ربعه كلمه يطير من الفرحه وعقب بس عصامت يعني مافي نقاش بينا طلعات وتمشيه مافيه يتحجج بالفلوس مافي حتى الى قلت له على حسابي يحاول يوديني بدري عشان يرجع يلحق على السهره تخيلوا اه وش اقول المهم كبرت بنتي طبعا عشت انا وبنتي وشغل البيت بدون خدامه وماذوق الراحه لاني ملتزمه بدوامه وبنتي وبيتي يعني مافي مجال للراحه الا اذا رحت لاهلي يريحوني خواتي ياخذون بنتي يخلوني اسولف استانس ويتكفلون فيها لحد مروح بيتي المهم قرر ان احنا نرجع نسكن مع اهله بحجه ان عندنا بنت ويبي لها مصاريف ومن هالكلام طبعا الشقه باجار وافقت رحت عند اهله اهله كانوا طيبين معي بس حسيت انه يبي يفهمهم انه مصيطر علي وانه كاتم انفاسي ومن هالكلام لدرجه انه صار يدعي علي باتفه سبب وقدام اهله صرت الح عليه لحد ماجاب لي واخيرا خدامه قال لي انه ناوي يدخل جمعيه من ١٠ الاف عشان ينبسط فيها بالاجازه قلت له انا مالي حق انا استاهل ما ابخل عليك بشي صار يصارخ ويسب ويشتم وانتي مترحمين معرف ايش سكت جاء بعد كم يوم قلت له بنتك ماعندها لا حليب ولا حفايظ الله يكرمكم قال دبري عمرك واصرفي عليها لان بنتي من اول ماستلمت حافز وانا متكفله فيها بس البنت احتاجت الاغراض قبل لاينزل بحسابي حافز قلت عطني شوي بس يسد حاجتها لحد متنزل اعانتي رفض رحت لامه قلت يرضيك قالت هو ماعنده ومن هالكلام قلت انا من وين لي لا وظيفه ولاشي بس انطر هالحافز وصرت ابكي جاني قدام امه قال ليش تشحذين امي قلت هذي بنتكم اذا ماقلت لها من وين اصرف عليها قلت له ودني لهلي مليت من تصرفاتك وصرت اناقشه طول الطريق وهو من عصبيته يددني بالضرب والله لو ماسكتي لاضربك وكنت ابكي من القهر لاني مقدر اطلع اللي بقلبي حتى صار يهددني يقول متستاهلين يجيك خدامه وبسفرها ومن هالكلام سكت ورحت للوالد وقلت له كل شي وزعل وكلمه قال ليش ومن هلكلام لانه قريبي استحى ابوي يكلمه بالقوه وجلست عند اهلي اسبوع بعد اسبوع رجعت للبيت اخذ شوي اغراض ناقصتني ومكنت ابي اواجهه عشان منتهاوش جلست عند امه وامه كانت تبي تصلح الموضوع وصار صوتي يعلى من القهر عليه دخل وبكل قله ادب قال انتي جايه ترفعين ضغط امي اطلعي برا برا برا قلت انا مو جايه عشانك ايه اسلم على امك واخذ لي اغراض واطلع ومن هذيك المره مافكر يكلمني ويراضيني او يتاسف وللاسف ابوي انقلب علي فجاه صار يقول ترجعين له بالغصب وانا طالبه الطلاق الحياه معه مستحيله كم مره ازعل نفس السبب بارد بكل شي بالحياه الحميميه والحياه العامه مايهتم فيني لارحت وسافرت ورجعت مايحسسني باهتمامه بس يفرح في بنته وانا لا يعني ما احس اني انثى معاه انا ضاييعه بين ابوي اللي يحاول يجبرني عليه وبينه اللي ماتنازل حتى يطيب خاطري بكلمه حلوه