ما ارتحت ف بيت اهلي

السلام عليكم
بنات صار لي فتره ف بيت اهلي وباقي مطوله
انا صارت لي ظروف وقطعت دراستي وجيت اجلس بيت اهلي .... واللي صار عارفين الوضع اجازات ومافي دوام وعندي اختين وحده بالجامعه والثانيه بالمتوسط ويعاندون بشغل البيت مايشتغلون وامي ماترضى تشوف الوساخه وتقوم تاخذ المكنسه وتشتغل هي بالبيت وهي تعبانه ...؟ والبنات الوضع عندهم عادي كل وحده ماسمكة جوالها ومتسدحات محد يقوم .... وانا يابنات عندي اختبارات ولازم اجلس اذاكر انا نزلت عشان الاقي وقت واذاكر وعذرهم ليش ما اشتغل وهم والله عنيدات اذا شافوني قمت يعتمدون ومايهتمون اكثر واكثر ... انا ماعندي مانع اساعدهم بس ان كل الشغل يكون فوق راسي صعب والله العظيم صعب مقدر الحق البيت كبير وملياااان اطفال ... وانا والله العظيم طفشت مدري وش اسوي ماقدرت ارتاح وانا اشوف امي تشتغل وتعبانه ولا قدرت اخذ الشغل وهم ماعندهم شي غير جوالاتهم ودي لو زوجي ياخذ لي شقه مفروشه واطلع لان حتى امي احسها بدت تتضايق مني محد مقدر وحاس ان عندي اختبارات ولازم انجزها جدا مضغوطه انا مو فاضيه يوم كنت فاضيه والله ما اقصر وكل شي فوق راسي بس ذحين وضعي تغيير انا مو فاضيه وصار عندي التزاماتي وهمومي والبيت يبي احد فاضي بس يكنس ويطيخويتابع العيال انا اساعد بالطبخ واحيانا بعض التنظيف بس اني اشيل كامل المسؤوليه انا مايمديني مع العلم انو الحين بيرجع الدوام ولازم امسك البيت والطبخ وحتى الاطفال الصغار بيخلوني امسكهم
المشكله زوجي من غير وظيفه ومايقدر يطلعني عشان كذا انا جالسه عندهم احس لا انا ارتحت ولاهم ارتاحو


شورو عليا يا بنات😪😪