ما ارتحت لها كذا من شكلها

صباحكم او مسائكم عسل
لاحظت كثير من الناس فعلا ينبذون شخص لأنهم ما ارتاحوا لشكله
وهذي المواقف انا شخصيا اتعرض لها وبيني وبينكم انقهر لأَنِّي من النوع اللي أحب الناس فأتضايق لما الاحظ احد يعاملني بفضاضة من بد الموجودين وكثير منهم يعترفون لي بعدين اننا لما شفناك من اول مره ما حبيناك
ليه طيب الا تعتقدون ان هالتصرف فيه نوع من الظلم والإجحاف بحق الآخرين
يعني مين حضرته الشخص اللي يعامل الناس على حسب ارتحت له ولا ما ارتحت له لا يكون شايف نفسه نبي منزل وحدسه لا يخطئ !!
طبعا بالمقابل فيه كثير ناس يقولون ارتحنا لك من اول ما شفناك 😬 يعني الحمد لله فيه أمل
بس للأسف بعض الناس يتعاملون مع الناس على هالاساس وهذا الشي بنظري خطأ وظلم كبير
ومن ناحية ثانية صديقتي تكره وحدة فتشوه صورتها عندي علشان انا ايضا اكرهها وننبذها وَيَا حبذا لو نبذوها كل الجماعة حتى صديقتي ترضى عني وعنهم اما اذا استمريت في محادثة المكروهه معناتها انا خائنة للصداقة
اخواتي يا ليت تقولون لي رأيكم عن هالموضوع ومواقفكم 😘