باب اهلي مفتوح طول الوقت والجيران رايحين جايين مافي خوف ولها لذه

الحين الباب مصكوك ويالله الخراج والجيران يدوب نتلاقا

ذكرت ايام زمان انا عمري 30 سنه
يعني ببدأ يومكنت بالابتدائي
يصحينا ابوي للمدرسه وامي على المطبخ بس كان البيت مايخلى من الخدامه من قبل ماتجيبني امي
بس امي ماكانت تثق بالخدامات هي الي تسوي لنا كل شئ
تسوي لنا الفطور حليب بالشاهي اوحليب بالنسكافيه
وتشغل الرادو ونسمع احرث وازرع ارض بلادك
بعدين يأخذنا ابوي ونركب السياره وتطل امي براسها
وتنادي قبل ماتمشي السياره الا ناسي شنطته والي ناسي سندوتشه وحااله على الصبح
بعدين تتابع امي دنيا الاسره وتشوف الطبخ
واذا رجعنا لازم طبخه جديده امي تحب الطبخ وتحب التنويع
ويجي ابوي ونتغداء وأول مانتغداء مع اخواني البنات مع امي والاولاد مع ابوي مدري وش الحكمه
والعصر يكون فيه دوريه جيران تروح امي
او يجونا الجيران بس مو يوميا
وأحنا نتابع فقرة الاطفال وافتح ياسمسم واخواني بالشارع يلعبون كوره
واذا اذن المغرب
تلبس امي عبايتها تجمع اخواني من الشارع عاد انواع الفشيله واخواني تجي امي تأخذهم قدام زملاهم
انتهى اليوم تصلح لنا امي حليب ومعها احيانا كيك او خبز
ونأكل وننام واذا كان صيف ننام في السطح وكل واحد يرش فراشه بمويه عشان يكون بارد ونصلي العشاء وننام
وما عندنا سهر ولا نوم ظهر
ننام بدري ونصحى بدري
حتى الخميس نصحى من الساعه 6
الله يذكر ايام زمان بالخير
الدنيا تغيرت الحريم تغيروا والرجال تغيروا
أنا خلصت الابتدائي من هنا وابوي تزوج من هنا ومن بعد زواج ابوي صارت حياتنا فيها من المشاكل والتعاسه
كثير والحنمدلله على كل حال
الحين امي تعبانه الله يشفيها ويعافيها ويعطيها طولت العمر

ااااااااااااااه اثرتي شجوني كانو اهالينا زمان اول عايشين على البركه لا اثاث ولا ماركات ولا حركات تقديم .. اذكر في قريتنا وانا صغيره كان عندنا حوش وفارشينه بزوليه ام خمسطعشر لون والجيران يجونا ونقعد في الحوش احنا نلعب مع الاطفال وامهاتنا يسولفون مع بعض وتجي الجاره ام حبيب راعية البضاعه اللى تبيع وتفتح بقشتها والله وربي انها في زمننا هذا تعتبر تافه ومحد يستعملها تجيب شيل واقمشه وبخور وديرم ..والروج السحري اللى لونه اخضر ..وقطع القماش لها شكل غرييب الوان ورسمات غريبه ..ولمعات .. وشيفونات .. وعندها بقشه خاصه ماتفتحها قدامنا لأنه عييييييييييييييييب..بس بعدين عرفت انها شلح وثياب داخليه واشياء شعبيه للمتزوجات ... ويكملونها ضحك ووناسه الى المغرب ..وكل وحده على بيتها ... وتجي امي تجمعنا وتكون مجهزه العشاء وتحط العدس في زبديه كبيييره ونجتمع مع الوالد والاخوان عددنا فوق التسعه وعلى زبديه وحده ...الله على البركه الذ اكله اذكرها بحياتي وانا طفله.. وكنا نتزاعل مرات على المكان جنب ابويه ..وامي وابوي يضحكو علينا ....اياااااااااام ما احلاها وبعد العشاء كلنا بغرفه وحده على فراش عريض على الارض وننام متراصيين وبطانيه وحده تغطينا كلنا طبعا هذا واحنا اطفال بس بعد ماكبرنا انفصلنا الاولاد بمكان والبنات بمكان ونصحى الصبح على ريحه الخبز اللى تسويه الوالده وتكون مجهزه لنا فطور خفيف مكون من جبن وحليب وبيضه مسلوقه .. وعلى مدارسنا نمشي مسافه طوووويله مانوصل الا واحنا هلكانيييييين ومع هذا ننسى التعب طبعا ماانسى ان مصروفنا ريال لكل واحد والشاطر اللى يستلم الشهاده يعطيه الوالد اكراميه 5 ريالات نرجع البيت والوالده مجهزه الغدى واحلى غدى من ايدها كبسه ولبن .. وبعد الغدى نحلي بالحبحب او البطيخ ومافي شي اسمه نوم او قيلوله ..الوالد يطلع للعمل واخواني يروحو معه يساعدوه ببعض الاشغال بالرغم ان اعمارهم ذاك الوقت ماتتجاوز الثمان سنيين ولكن من باب تعوديهم على المسؤؤليه واحنا البنات نقوم بالتنظيف وحلب الغنم وتعلمنا الوالده خبز الميفا والاكلات الشعبيه الثانيه وتمضي الايام الحلوه ويقرب العيد وكل منا طاير فرحه عشان بيحصل على ثياب جديده .. والحلويات وفي احد الاعياد كلنا البنات والاولاد اخذنا مصروف العيد وجمعناه كل واحد عنده حلم يبي يحققه اذكر كان حلمي بسيارة اللي مع ريموت والريموت موصول بالسلك الكهربائي ..اكيد تتذكرونها السياره تمشي وانا وراها .. واخواني اللى حلمه سيكل واللى حلمه نضاره ووحده من خواتي متطوره زياده كان حلمها شنطه اللى تتعلق على الظهر زي الخواجه خخخخخخخخخخخ ايااااااااااااااااااااااااااااام ااااااااه تعبت والله وحنييييييييييييييييت لأيام زمان

الله على ايام زمان استانس لما تجينا جدتي الله يرحمها
وامي من الصباح قايمه وتسوي لنا الفطور ونفطر ونروح للمدرسه
الحمدلله تخرجنا وارتحنا (داخله عرض باالموضوع )ياليت ذيك الايام ترجع ياحلوها تلقين كل القرايب مجتمعين وقلوب وحده الحين كلن لاهي بعمره
والحديث ذو شجون ويطول ايه تذكرت الحليب من الغنم اه يازينه واروب حق الغنم مو الروب الحبن ماله طعم بس الحمدلله على النعمه
الله يستر علينا وعليك هيضتي مشاعرنا

ياااااااااااااه الله يسعدك فتحتي باب بذاكرتي من زمان ماانفتح
تدرون من وعيت عليه مو على امي وا ابوي لا جدتي !!ام امي
لمى كنا صغار امي مرضت جلست بالمستشفى اربع سنوات تخيلوا؟!!
وطوووول هالفترة كانت تطلع من المستشفى بس للمشايخ او المعالجين الشعبيين وترجع؟!!وابوي ماتركها كان معاها وودونا لجدتي ترعانا ..

حنا واخواني نسمي جدتي ماما وعينا عليها كانت لمى تجي من دوامها ماتجي الا لمى تجيب لنا حلاوة وهدايا..وخالتي الصغيرة ماكانت تدرس فاصله فهي اللي تطبخ!! لان جدتي مطلقه عشان كذا توظفت تصرف على عيالها
وخلاتي الثنتين موضفات بعد اول مايجوا مافيه راحه لا الكبيرة ترتب البيت من إلى واللي اصغر منها تغسل ملابس العايله حتى ملابس خوالي تغسلهم وتكوي وكل يوم يبادولن الشغل..
ماشاء الله كلهم سنعات طبعا كنا عايشين بقريه وقدام البيت نفووووووود كبير وفيه بيوت فوق واهل القريه متقاطين وحاطين مراجيح للبزران فوق النفود فكل عصريه نتجمع احنا يالبزران ونلعب يازيننا بس وه..والبنات الكبار لاصار العشاء وقت يكونون الشباب متجمعين ببيت واحد منهم لان وقت طلعتهم من العصر للمغرب ولاصار العشاء طلعوا البنات والبزران لعب وهسترة بس طبعا كل وحدة تطلع بجلالها عشان اذا مرت سيارة او شي والله يابنات ونااااسه للاخر واللي يساعدهم على الطلعه ان القريه مافيها انوار على نور القمر بس يعني يادوب تشوفين واحيانا البنات يطلعون معهم سراج <<عرفتوه
اه بس الحين جدتي انتقلوا لبيت جديد وطلعوا عن ذيك القريه ومرضت صار طريحه الفراش وصارت ماتسولف!!والله العضيم اني اشتاق لسواليفها واحنا لمى قربت ادخل المدرسه طلعت امي من المستشفى ورحنا لبيتنا بس اشتاق لذيك العيشه طبعا بيتنا بمدينه يعني فقدنا المراجيح والنفود والبنات وكل شي صرنا مانطلع الا لحديقه او بس بالبيت !!ياليت تدعون لجدتي بالشفاء وترجع تتكلم زي اول وتمشي وتروح زي اول