والله يا حبيبتي كلامك صحيح 100% وهذا واضح من مشاهداتي في كل مكان في البيوت وفي أماكن العمل وحتى في الأسواق. وفعلا الناس تهاب وتخاف من القوي وهذا ما أسميه احترام لا هذا خوف.
وأنا انصدمت مثلك وأكثر من زمان وتعلمت ان المشكله ان احنا تربينا غلط. كنا نعتقد ان كوني مؤدبه ومهذبه وهاديه ورح تصيري مثل سندريلا وتجيكي الدنيا على طبق من فضه علشان أدبك وأخلاقك .وهذا المفهوم ثبت فشله التام مع التجربه.
الأدب والأخلاق شئ مهم طبعا لكن هما نسيوا يعلمونا انك ممكن تكوني مؤدبه لكن قويه في الحق وعندك شخصيه.
تصدقي أنا عايشه في الغرب في شمال أمريكا وشفتهم كيف يربوا بناتهم والله بكيت واتحسرت على حالي وحال بناتنا أو كثير منهم.
يا أخواتي الأجانب يعلمون بناتهم من الصغر ان انت مثلك مثل الولد وما نتوقع منك انك تكوني أقل منه في شي. تتفوقي وتدرسي مثله , تلعبي رياضه وتتفوقي فيها مثله ولا انت أضعف ولا أقل منه, تدخلي أحسن جامعات وتشتغلي وتنافسي بذكائك وشخصيتك ولا انت أقل من أي رجل. وفوق هذا وذاك أشوفهم يركزون على تقوية الشخصيه عند البنت والولد . يعلموهم في المدارس من الإبتدائي كيف تقف قدام الفصل كله وتعمل "بريزنتيشن"يعني تقدم موضوع أمام المدرسه والفصل بكل ثقه وقوه. يعلموهم كمان كيف أنك تتكلم مع الناس بأدب نعم ولكن بقوه وراسك مرفوع فوق وعيونك مثبته في عيون الي يكلمك. تصدقوا انهم يعتبروا الي ما يطالع في عيونهم وهو يكلمهم انه عنده مشكله؟؟؟ عندهم اذا ما حطيتي عيونك في عيونهم وانت تكلميهم معناه يا اما انك تكذبين في كلامك أو انك مريضه وعندك طيف توحد أو شي. واحنا علمونا ان لا ترفعي عينك في أي أحد حتى لو حرمه خوفونا في المدارس من المدرسات والا المديره كان لو وحده ضحكت سموها قليلة أدب !!!!ولا نقدر نرفع عيونا فيهم ليش عاد مدري وكسروا شخصياتنا من بدري والله يآجرنا بس على ما شفنا في دنيانا.
بس أيضا عشان أكون منصفه أحيانا تكون الشخصيه الخجوله او الضعيفه من طبع بعض الناس يعني موجوده في جيناتهم ولكن التربيه اما تعمق ذلك واما تخففه.
الخلاصه : كلامك صحيح الأقوياء ما ضرهم شي ولا عزاء للضعفاء, الدنيا دنيا القوي حتى في الدول والسياسه الأقوى يحتل الأضعف أو يتسلط على مقدراته. وكما قيل البقاء للإقوى. آسفه على الإطاله
والله يا حبيبتي كلامك صحيح 100% وهذا واضح من مشاهداتي في كل مكان في البيوت وفي أماكن العمل وحتى...
ويبين اللي تسوية في حياتها ما اقول الا الحمدلله الذي عفانا