رسيل :

يا قليبي والله.. الله يكون في عونك وييسر أمورك دنيا وآخرة.. بس حبيت أقولك بعض الأمور: - بالنسبة للجسم طبيعي انا ما أرجع وزني الطبيعي إلا بعد الولادة بسنة.. وأحياناً أكثر.. - بالنسبة للكرش: عااااادي جداً أيضاً يبقى مرهل 6 شهور.. لكن أنصحك كل ليلة قبل النوم ادهنيه بزيت زيتون وامرخيه لفوق بشويش عشان ينشد.. وإذا فضيتي ادهنيه بطحينة (لأنها تبيض) واتركيها لمدة ساعتين.. - اعملي تمرين شد البطن: شفطه للداخل.. تمرين بسييييييط جداً مجرد شفط بطنك للداخل وكتم النفس لعدة ثواني.. ممكن تعملينه وأنتي جالسة وأنتي واقفة تطبخين وأنتي بالحمام الله يعزك وأنتي منسدحة أو ترضعين.. - بالنسبة للبس لا تشيلين هم ترى أهم من اللبس الجديد هو اهتمامك بنفسك ونظافتك وشوي ميك أب.. زي ما قالوا الخوات بيجامة مرتبة وشعر مسشور وشوي ماسكرا وروج زهري وحلقات ناعمة.. وماشاء الله بيشوفك أجمل الناس. أهم شي لا تتركين نفسك تتحولين لعجوز ويزيد اكتئابك.. - عودي عيالك يساعدوتك بشغل البيت.. ولا تهلكين نفسك أهم شي صحتك.. وإذا زوجك مو حاس تدلعي واطلب منه يجيب غدا من مطعم كيييفه لا ترحمينه صدقيني يدبر نفسه.. والرز البخاري ب10 ريال يكفي عايلة.. - بالنسبة لسلس البول لا تخاااافين أنا جاني بعد ولادتي الثالثة واستمر معي فترة بعدين خف - لكن الحمدلله ما تأثرت ولا له دخل بالمنطقة- والحين لما حملت وثقلت رجع.. بس الدكتورة تقول عادي إذا خفيف مو مشكلة أعملي تمارين كيجل ويخف بإذن الله.. يعني استمري تمارسين حركة كأنك تحبسين البول - أعزك الله كل شوي.. شدي المنطقة بقوة.. - اعملي شاي الأعشاب اللي في نظام فيافي واشرب منه دايم كل يوم كوبين وركزي عليه فترة الدورة يتبع..

يا قليبي والله.. الله يكون في عونك وييسر أمورك دنيا وآخرة.. بس حبيت أقولك بعض الأمور: -...