ما اصدق موضوعي الاول له سنه رغم دعواتكم انا انا ((الا يباع الموت فا اشتريه ))

الأسرة والمجتمع

منو كثري شكى همه
و عانق حرقته و غمه
منو جرب في قلبه يوم
هموم الدنيا ملتمه ..!
انا الي مكتوي باحشاي..
وانا الي مضيع بخطاي..
الا يا همي الباقي..
وتالي قصتك وياي..
نخيتك يا زمن هدي..
ويكفي واقف ضدي..
ياليتك مره لو تسمع..
تدفي لوعتي وبردي..
تعبت امشي مع الدنيا..
واعيش بصيرة النيه..
حسافه بالزمن هذا..
ولا احد قد ذكر حيه..
انا والله يكفيني..
سؤال الناس وش فيني..
وحتى لو غدا جايز..
لهم باللي يبكيني..




http://forum.hawaaworld.com/showthread.php?t=3432920


موضوعي الاول كله شكاوي .. وماقصروا البنات سواء اللي ردت او ارسلت خاص

واللي جاني على الخاص من تخفيف

انا مشكلتي ... عندي مس وعين وحسد وسحر
في ردود قالت انتي تتوهمي

كيف اتوهم و الاعراض واضحه
وشي اشك فيه تعطيل زواج لدرجة اليأس
مافي احد دق الباب علي ... مافي احد رفع السماعه يسأل عني ... بالرغم من انه والله اروح مناسبات اشوفهم يناظرون واحيان يسألون .... بس ابد مافي شي يذكر
والله صرت فوق ال 30 واللي قدي واصغر مني .. كل سنه اشيل هديتي وابارك لوحده فيهم ببنتها او ولدها

و يجيني السؤال محد يجيك .. الله يكبر حظك .. زوجوها اي احد لو في اخر الدنيا >> اقسم بالله كذا يجي الكلام
واللي يبكي اكثر ويحرق

ابوي واخوي تجريح فيني

تخيلوا ابوي من زمان يوم كنت في الثانوي وده يزوجني على اي واحد لدرجة شايب أوضاعه مو تمام وعنده عيال
وصار مع الوقت يجرحني ويضربني .. ويقول والله لا ادعي عليك واخليك خدامه

وامس ضربني عشان قلت له فيني نوم ادهن جسمك بعدين اخذ غفوه
مع اني كل يوم ادلك جسمه وادهنه ... بس جرحني يقولي انتي دبه شوفي جسمك.. مافي منك فايده
قصده انا عاله عليه.. ومحد راح يجيني
وتدرون الجرح في الشكل يجرح اكثر

عشان كذا ماحبيت ادهن جسمه صرت اتحجج بالنوم .. صار يهدد والله راح جاب الخيزارن ويقول اكلمك بالطيب
قلت ماني قايمه بالتهديد انا مو طفله تمشيني باالخيزرانه


والله ضربني باقوى ماعنده على ظهري 4 ضربات واعطني كف , جريت للحمام وقفلت ماتحملت صرت ابكي و اقول حسبي الله
والله ابكي في الحمام واكلم نفسي واهدي نفسي لدرجة اني مسكت نفسي عن البكا
واقول لا تبكي انتي قويه ؛ وين القوى وانا كذا

وقبلها بداية الشهر ... اتخاصمت مع اخوي وضربته على راسه .. رجع اعطاني كف دفيته .. رجع دفني ورماني من فوق السرير على راسي تخيلوا بس الرميه والله يدفني من رجلي على ورى دف وطحت على راسي

جلست اسبوعين اصلي وانا جالسه مقدر ركبتي احسها تهشهشت عظامها
وقال الكلمه اللي متعوده عليه .. متى تروحين ونفتك منك تراك عاله علينا








تعبت والله ضرب واهانه وجرح من جهه .... ومرضي الروحي من جهه
بتقولون ارقي نفسك بالفاتحه .. مو قادره اقرأ الصمد موقادره اصلي .. مو قادره ارفع يدي واقول ياالله
ولا عندي احد يقرا علي ولا يقرا على الاشياء ولا حتى اروح عند شيخ اهلي يقولون انتي موسوسه
وامي تقول لا تسمعين الرقيه مافيك شي تراك راح تصيري مجنونه
لي شهرين واحاول اقرا على الاشياء اللي طلبها الشيخ مويه وزيت مو قادره
مو قادره حتى اردد ورى الآذن اكره نفسي لو رددت امل بسرعه



المشكله الثانيه :

جهازي ثقيل ودخلت شات وطلبت مساعده .. وحظي تكلمت مع مهندس خبره 20 سنه
صلح الجهاز بس .... وده يتعرف علي بشكل رسمي لانه عرف اني من نفس قبيلته
انا رفضت لانه متزوج وعنده عيال ... بس هو قال ماراح اضرك ولا راح افضحك ولا احد راح يعرف امرك
قلت ماني خايفه من الفضيحه بس خايفه من الله


اليوم قال لي تقبلي تدخلي حياتي وتغيرها .. تقبلي تكوني زوجه ثانيه
رديت عليه انت عندك زوجه وعيال وهم الاهم .. وانا ما ارضى اخرب بيت احد لاني حاطه نفسي مكان زوجتك
قال لا تحكمي بسرعه من دون ماتتعرفي علي اكثر

انا ودي اتزوج شاب اكون اول وحده في حياته ... يكون لي .. مو وقته مقسم بيني وبين عياله وزوجته
وانا خلاص عمر عدى ... صرت عاله على اهلي
اوافق .. او لا

افتك من اهلي ويفتكون مني .. بس اخاف يظلمني
وش اسوي ... اخاف مافي الا هو اللي مكتوب لي وارفضه
والله يابنات انا عاله على اهلي .. ولا يصرفون علي





اقسم بالله ... ماشتري ملابس عيد لي اكثر من 6 سنوات
اروح وملابسي رثه ومقطوعه واستحي والله منها
وبنات عمي والله العظيم يوم اجتمع عندهم ... من افخم الماركات لبسهم , وكل شهر جديد ولا يتكرر
و يقولون لي احمدي ربك حالتك احسن مننا
لانهم اذا ماقدروا يشترون قطعه بــــ 100 او 200 اللي نفسهم فيه ... قالوا محرومين
وانا قطعه وربي 10 ريال مو قادره

الحمــــــــــــــــــــــــــــــــــــــــــداللــــــــــــــــــــــــــــــــــــــــــــــــــــــه يارب عوضني


وحده من زوجات عمامي كانت تتريق علي ماعندك الا هذا القميص تقول نفسي ارميه
واللحين هي تتمتع بالملاين ... وتقول ماعندنا فلوس



الحمـــــــــــــــــــــــــــــــدللــــــــــــــــــــــــه انا فقيره لكن اقول مستوره .



زواجات ودي الغيها من حياتي حتى تبع العايله ماعندي شي يجملني والناس ماهمها الا المظاهر
اصرف فلوسي على اللبس والا اشتري الموهم لي
نومي مخربط مخربط مقدر انام الليل ما انام الا الظهر واصحى المغرب بالقوه
والجيران ... تعليق ليه تنام للعصر ... ليه تسهر وش عندها

والله يابنات ان المس اللي فيني يسهرني ... وتحرشات وتضيع فروض وخمول
كله منه


ماصليـــــــــــــــــــت من امس




اتزوج المتزوج ... نظرات الناس واهلي ووضعي .... او لا لا لا
ممكن يشك فيني ... بس خلاص اهلي يقولون جيبي لك عريس يمكن هذا نصيبي
هو يقول اعطيني جواب محدد بنعم او لا على اني
اتعرف عليك اكثر .




في اشياء كثير ماذكرتها صارت لي في صغري من حرمان بكل شي
انا الحمدالله احاول التزم .. احيان استغفر واحيان اتعب من الاستغفار والذكر
و البقره عجزت احافظ عليها

آآآآآآآآآآآآآآآآآآآه ياقبي كم فيك هم كثير وساكت

انا كتبت لان مالي غيرهنا
انا من النوع الكتوم ولا اخلي احد يشوف دمعتي مهما كان
واللي حولي يحسبني مبسوطه وحاسدني
تخيلوا ما ابكي الا في الحمام اذا مالقيت غرفه وغالبا تكون مشغوله اروح اصيح في الحمام واكتم انفاسي
ويوم اخرج اخرج اضحك بعد ما اكون صفقة خدودي عشان تتغير ملامح البكا والاحمرار



آلهي الى من تكلني الى نفسي ... اما الى الناس
اشكو لك ضعفي وهواني على اهلي والناس
شكيتك ربي وانت شايف كل حروفي ودمعتي على موضوعي و عمري

كن لي ولي في الدنيا والاخره ... و آله ... وحبيب ... ارحم ضعفي .. او خذني اليك من عالم يتعبني
توفني وانت راض عني غير غضبان وان احييتني لا تفتني في هذه الدنيا ولا تحرمني فرحه انتظرها
ومن لي سواك تعلم سري وجهري
27
3K

يلزم عليك تسجيل الدخول أولًا لكتابة تعليق.

تسجيل دخول

امل واعد
امل واعد
يَ قلبي انتِ
الله يفرج همك ويريح بالك ويبعد عنك كل مكرووه
بس وش يحدك ننعرفين ع وآحد عن طريق شات خليك ببيت أهلك ولابعد هالمده
تحملين لقب مطلقه !!
ترجعين لهمك أكثرمن أول
يَ قلبي والله مهما قلنا لك وعالجنا مشكلتك مافيه شي مثل الأستغفار
اغصبي نفسك ومسبحه لاتفكيها من يدك أو خاتم الأستغفار عشان ع طوول تكوني مدوامه ع الأستغفار
والله مشاكل تشيب لها الراس بس سبحان الله ربي يفرجهآ وتشوفين كل شي تغير
أهتمي بنفسك لاتسمعين لناس أرمي كل شي تسمعينه ورا ظهرك
ادخلي دورات أو دورة تحفيظ وأبعدي كل البعد عن الشات ووالله العظيم ماراح تحصلي إلا الندم
الله يرسل حظك وقبل كل شي تحصني صباح ومساء وربي يحميك :26:
ريوف فهد
ريوف فهد
حبوبه عااااادي حتــــــــــــى انا محد طق بابي بس ماحزنت اولا لاني ما افكر كثير ثانيا انا قالوا لي معاج تابعه التابعه هذي تعطلج امورج ..!!
طبعا انا ماكنت ادري @_@ ..!!
بس كانت الاعراض اللي تجيني اني دوم طقاق مع البيت وهوااااش ..!!
دووووم مكتئبه وحزينه ..!!
ما اطلللللللللللع ماروح ما اجي كل بغرفتي
بيتنا يطلعون ويروحون ويجووووووون وانااااا لاااااااا ..!!
حتى ما اهتم بنفسي ...!! ما احب الناااااااس او اني اختلط معهم
احنا الحمدلله رب العالمين بخير ..!!
لكن اناااااااا ما اهتم بنفسي ..!!
دايما ابجي ..!!
شعري يتسااااااقط ..!!
كله خامله وكسوووله ..!!!
مالي خلق شي ..!! راسي كله مضغوط ويعووووورني ..!!
كثيرة النسيااااااان حتى صلاااااتي اسرح فيهاااا ..!!
وسواس اعيد وضوئي وصلاتي ..!! اتكيسل احيانا
مو بس جذيه ..!!
حتى الاشياء اللي اشتريها تخترب مثل لا بتوب جوال يعني كل شي كل شي مااتوفق فيه
الشيخ من قالي بطلت عيني كيف يعني كنت اسمع بهالشي بس ما اعرف شنو يعني ..!!
بديت اثقف نفسي ..!!
نصحني بنصاايح اتبعتهاااااااااا ..!!
وبديت الحمدلله اتغير ..!!
وبدا البيت يهدأ معاي ..!!
رقيه شرعيه اغتسال بماي مقري عليه بخور اتبخر فيه صدقااااات كل شي بديت فيهالحين كملت تقريبا سنه ضغط راسي رااااح صرت اطلع مع البيت اروح اجي في اشياء كثيره لسه ما تغيرررررررت لكن ايماني با الله مقووووويني ..!!
صار الكلاااااام ما يهزني الوسواس راااااااح
وبديت اتحسن يبيلج تقوووووين نفسج ولاتعطين لشياطين مجاااااال ونصيحه من مجرررربه اطلعي على قسم ملااااااااذ روووح استفدت كثير منه ..!!
غير احلاااااااامي
:)

انا الحين مسويت لي جدوووووول
استغفار , رقيه شرعيه , بخور , سورة البقره 24 ساعه بغرفتي , الصدقه ..!!
احيانا اسوي لي لمدة اسبوع ماي مقري عليه بالرقيه اقسمه قسمين قسم اغتسل به وقسم اشرب منه وعلى طول الله اتبخر وجلس استغفر واقرا سورة البقره والرقيه الشرعيه واطلع صدقه :)
لما ترقي رواحنيتج وتخلين قلبج فيه رب العالمين تستصغرين كل شي كل شي حتى المووووووت طاريه ما يهز لما تداومين في المسير الى الله ..!!!

ويا الله حبوووووووبه ابتسمي ..!!
لا تخلين لشيطااااااان مجال يضحك عليج لااااااا كوني اقووووووووى ..!!!
سوي لج جدوووووول لمدة تقريبااااااا شهر ,,,
في ايام العذر الشرعي ..!!!
استمعي لرقيه الشرعيه وسورة البقره ورددي اسماء الله الحسنى ولا تخلين لشيطان ثغره ..!!!
موبس انتي لووووووحدج لكن الفرق الوازع الديني والايمااااااان با الله

:26::26::26::26:
بــــصـــمـــة روح
يَ قلبي انتِ الله يفرج همك ويريح بالك ويبعد عنك كل مكرووه بس وش يحدك ننعرفين ع وآحد عن طريق شات خليك ببيت أهلك ولابعد هالمده تحملين لقب مطلقه !! ترجعين لهمك أكثرمن أول يَ قلبي والله مهما قلنا لك وعالجنا مشكلتك مافيه شي مثل الأستغفار اغصبي نفسك ومسبحه لاتفكيها من يدك أو خاتم الأستغفار عشان ع طوول تكوني مدوامه ع الأستغفار والله مشاكل تشيب لها الراس بس سبحان الله ربي يفرجهآ وتشوفين كل شي تغير أهتمي بنفسك لاتسمعين لناس أرمي كل شي تسمعينه ورا ظهرك ادخلي دورات أو دورة تحفيظ وأبعدي كل البعد عن الشات ووالله العظيم ماراح تحصلي إلا الندم الله يرسل حظك وقبل كل شي تحصني صباح ومساء وربي يحميك :26:
يَ قلبي انتِ الله يفرج همك ويريح بالك ويبعد عنك كل مكرووه بس وش يحدك ننعرفين ع وآحد عن طريق شات...
انا ما احب الشات دخلته عشان القى احد يشرح لي المشكله
واللحين محذوف عندي الجافا ويمكن ماعاد اركبه
والله ادري انه دمااااااااااار الشااااااااااااااات ومستنقع ... لاكن هذا اللي صار

صح مابي ارجع مطلقه بس وش خياري الثاني الحمدالله على كل حال

والله عندي عجز اني اهتم في نفسي ... الاستغفار ما ادري ليه ما اداوم عليه نفسي حتى مع السبحه او الخاتم .. شوي وارميها

تصدقين دخلت يوم واحد التحفيظ وكان شرح لسورة البقره الاية ]

جتني ضحكه مو مني من العارض ... و بدا يسوي دغدغه برجولي .. والله اني اضحك وانا منزله راسي

صرت اخاف انصرع لو سجلت
وجدانة كيووووت
أسأل الله تعلى ان يعوضك على صبرك وتحملك
وان يكتب لك مافيه خير وصلاح لك ولدينك
المنتدى مليان رقية استمعي لها اولا واخيرا
لاتتركين نفسك اعيدها مليون مرة
تفائلي بالله وادعي حاولي اضغطي على نفسك

اذا ماضغطتي على نفسك وش الفايدة من العلاج
صدقيني اضضضضعف الخلق الجن واحنى اقوى منهم
اتمنى من كل قلب انك تغيري من وضعك ارجوك

ان الله لايغير مابقوم حتى يغيوا مابأنفسهم
الجوQــــرQ
الجوQــــرQ
انتي وش اللي تتعرفين عليه اكثر وش هالمسخره منه وش يبي يعني يعرف وهو عرف انك من قبيلته شوفي هالطريق بالشكل هذا لاتمشين فيه للأنه مظلم وماتدرين وش تنصدمين فيه غير اهلك اللي وراك وخليها في بالك الله يكفيك الشر المطلقه اللي عند ناس زي ابوك واخوك بيعيشونها في جحيم وخطر لا يحبسونها فعشان كذا ياتخلينه يبدا العلاقه معك بخطبه رسميه طبعا بعد ماتستخيرين او يكف عنك انتي موناقصه لايمسك عليك شي وتتمنين متي قبل عرفتيه.. الله يفرج همك