ما اطيق ام زوجي وش الحل

مرحبا بنات حبيت افضفض كالعاده لاني ما احب انقل اخباري لاحد

انا عايشه مه ام زوجي

ورقسما بالله يشهد علي ربي اني تزوجت وانا بنية حسنة واكن لها كل احترام وتقدير

وحاطه في بالي انها امي الثانية حتى اناديها امي

المشكله بعيلتهم شي غريب00 انتي تزوجتي ولدها يعني اغراضك خلاص ملكها وغرفك ملكها ومالك اي خصوصية

الشي الثاني لو نختلف انا وزوجي بغرفتنا انا طبعي اسكت ولا انطق ولا بحرف بس يبان علي زعلانه

تقعد تنبش مني ومنه الا تبي تعرف

مره قلت لها يا امي اذا كنت متضايقه ما احب اتكلم ولا فيه فايده

غير كذا حتى وانا رايحة لجمعة اهلي تبي تيجي معاي00 ياناس اهلي واخواني رجال:42:

اي عزيمة انعزمها من صديقات امي تبي تيجي معاي

اول زواجي كنت اخذها العزايم بعدين زهقت000 هي تعودت ان زوجة ولدها الكبير تقول لها كل شي لما كانت ساكنة

معاها00 وتعتقد انها تحل لهم مشاكلهم بس بتدخلها تزيد المشكله

فتبيني انا زيها وانا شخصيتي مختلفه تمااااااااااااااااااما احب يكون لي خصوصياتي00 غير كذا تجلس بالصالة وتجلس

معاها الشغالات ويسمعون كل سوالفها وتبيني اجلس معاها انا ما احب اقعد انا وزوجي والشغالات وتتشكى انتو

ماتقعدون معاي قلت لها لاتخلين الشغالات يقعدون وبقعد ولا فيه فايدة0 واهل زوجي طبعهم الشغاله هي ام البيت بكل

شي حتى بتربية عيالهم00 انا تعودت ببيت اهلي ان الشغاله معززه مكرمه بس لتنظيف فقط والتربيه والطبخ لام البيت

طيب لما يجوني اهلي لازم تقعد معانا ماما ماتاخذ راحتها ولا عيال اخواني ولا حريم ااخواني صار محد يجيني:44:

فقلت لزوجي يقول لها00 كلمها بلطف وقال لها

وقسما بالله بنفس اليوم جوني اهلي دخلت عندنا واحرجتني قدام اهلي تقول ماتبيني اجي خايفه على بنات اخوانها

اخطبهم وانا خلصت اولادي كلهم تزوجوا يعني ولا هي هنا

تعبت منها انا تزوجت ووافقت اسكن معها وقلت مو حلوه اخليه يبعد عن امه

غير كذا هي منفصله عن ابوه00 حياتنا كلها مشاكل بسبة ضغوط امه

انا طول الوقت منكده وابكي000 وغير ذا انا ماحملت وكل ما طلع زوجي من الغرفة تقول له وين ولدك كننا مخبينه تحت السرير

طيب لسى الله ما اراد شسوي

يالله قد ايش كانت احلامي كثيره قبل الزواج والحين كلها اندثرت


كنت احلم ببيتي بمملكتي الخاصه00 بعلاقتي بزوجي بدون مشاكل00 كانت امنية حياتي اكون ام00 الحين حتى لما

تعطيني الدكتوره علاج اخذه يومين وابطل مو متشجعه ابد

كرهت كل شي حتى زوجي00 ماعاد افكر بشي حلو بس افكر كيف الايام بتعدي


اللي بتقول لي اهم شي زوجك طيب هي عايشه معانا

ومتسببه حتى بمشاكل مع عيالها وحريمهم اللي ساكنين برى

ماني عارفه ايش الحل

يارب ادعولي الله يفرجها علي بسكن لوحددددددددددددددديدددي لو غرفة وحمام تكفيني بس ابي راحة بالي