ما اظن احد بيصدق اللي اقوله ......سبع سنوات

السلام عليكم ورحمة الله وبركاته
صباح الخير جميعا
بنات ماعليش سوري الموضوع طويل شوي لكن مهم ابيكم تجوبوا لها حل
بنات عندي مشكلة ماظن اكو اصعب من هالمشكلة طبعا المشكلة ما تخصني تخص اعز صديقاتي وكل يوم اشوف حالها اردى من اليوم اللي قبله وانا ما اقدر اشوفها وهي حزينه واسكت بس ما اقدر اسوي لها شي يعني زي ما يقولوا ما باليد من حيله المشكلة ان قصتها ما تدخل العقل لو انا مو جارتها وازوها كل يوم ما كنت صدقت اللي ينقال


قصتها ان ابوها متزوج على امها وصار له سبع سنوات ما يشوفهم نقول العيال متزوجين وعندهم بيوت لكن وش ذنب البنات ثلاث شباب مع امهم ما يشوفهم ولا يسأل عنهم وهم ساكنين في بيت واحد وبينهم ستارة تفصل البيت لو طفل يهشها تنفتح والاب مو قادر يفتح الستارة ويشوف اهله ولا بعد هو مبتري منهم وبدون اي سبب مقاطع العائله الاولى لا مصاريف ولا شي حتى تصوروا احفاده ما يعرفهم يعني ما اغلى من الولد الا ولد الولد ما اضن في اب بهل القساوة مع انه كان يحب عياله وبناته حب ما تتوقعوه واليوم ينتضر متى يموتوا

اما زوجته الثانيه يعاملها احسن معامله يادهينه لا تنكتي هي وعيالها وياليت انها طيبه معاهم الا تدور لهم الشر تشتريه بفلوس وكل يوم طالعه لهم بمصيبه اكبر من المصيبه اللي قبلها يعني ما ضنيت اني بشوف وحدة اشر من هذه المرأة ولا الاب يصدقها بكل شي تقوله يعني لو تقول له اضرب امك وابوك بيصدقها مع انه قبل كذا ما كانت طبيعته كذا كان ما يطاوعها بشي واليوم لوتقول له طب بالنار يطب من غير كلام وش تبغى اكثر من كذا الاب واخذته وغيرته عليهم وبعد تدور لهم مشاكل

برايكم شنو فيه هل الاب معقوله مسحور ولا فيه شي ثاني
ارجوكم بنات ابغي حل لصديقتي كل يوم اشوف الدموع بعينها والحزن في وجهها والحسرة في قلبها وقلب امها وخواتها

بنات الله يرضى عليكم لا تستهونوا بالموضوع ترى الموضوع مهم بالنسبه لي ابغى اهون عليها شوي
الله يبعد النار عن يد كل وحدة تشارك بالموضوع