ما اعرف اذا يلي طلبته صح ولا غلط

بنات انا متخرجه من خمس سنوات معاي بكالوريوس هندسه مدنيه تعبت تعب مو طبيعي ل اخذت الشهادة كنت متفوقه و فوق كل هذا درست بحالة ماديه صعبة و ضروف نفسيه لا يعلم بها الا الله تخرجت بمعدل عالي انتظرت الوظيفه و ما جات و اذا جات لازم فيها تحرش بسبب انه شركات ما قدرت اتحمل ولا انه ع راتب يسوى و صراحه كرامتي ما تسمح لي المهم انا قررت ادرس مره ثانيه قطاع الصحه صيدله انا ببيع ذهبي و بدرس ع حسابي لكن ابغى زوجي بس يدخل بنتي روضه و يشتري لي سياره حتى لو مستعملة ب 8000 ريال سعودي اهم شي امشي اموري اودي بنتي و ارجعها من المدرسه و بس سمع بالسيارة بغى يموت علي ازعج البيت و الحين ما يكلمني الشي الثاني نحن مستأجرين قلت له ننقل قريب الكليه بنفس المنطقه عشان اروح و ارجع مشي رافض بعد ينقل مسكرها علي من كل الجهات بصراحه بديت اكرهه ...انا ما عندي خبره بالحياة لكن بديت احس انه بخيل الصراحه صرت مو طايقيته واقف بوجه مستقبلي ...تحسوني انا غلطانه و ظالمته ...هو يعطيني مصروف 400 ريال سعودي عطاني ياه بعد ما سويت مشكله عشان المصروف ما كان يعطي شي لكن عشان اكون حقانين هو من شهر تقريبا سفرنا تايلند و كانت سفره تجنن طبعا بعد ٥ سنوات زواج و صرف فيها 20000 ريال سعودي و يقول حاليا انا ما معي فلوس حال اي شي ...السؤال الاخير عندي بنت عمرها ٣ سنوات قلت احمل الحين اجيب لها اخ او اخت حرام تقعد وحيده لكن اخاف تتراكم علي الامور دراسه و حمل و مسؤوليه و نفس الوقت احس حرام اتخر الحمل اكثر من كذا بنتي صارت كبيره انتوا شو رئيكم شوروا علي والله ادعيلكم اليوم بهالليلة الفضيلة