ما اعرف اعبر عن اللي بداخلي

السلام عليكم ورحمة الله وبركاته

مرحبا خواتي
ان شاء الله تكون كل وحده فيكن بألف خير و نعمة

خواتي ... انا اكتشفت شي فظيع :(
انا ما اعرف اعبر عن مشاعري و احاسيسي :44:

قبل فتره توفت عمتي ( ام خطيبي ) الله يرحمها .. و خطيبي كان متعلق في امه كثير لانها كانت مريضه رحمة الله عليها .. كان يراعيها ليل نهار .. و كان يحاول قد ما يقدر يكون بجانبها في كل لحظه لانه اصغر اولادها و اقربهم الى قلبها
المهم يوم توفت انا انصدمت واجد .. و ما اقدر اوصف لكن مدى حزني بفقدان عمتي .. بس المصيبه اني ما قدرت اوقف مع خطيبي في هاللحظه المهمة .. يعني ما عرفت كيف اعبر له .. ما عرفت اواسيه لحظتها
ما بس كذا ... حتى هالايام .. هو عنده دورة مهنية و امتحانات تخص العمل .. و اذا تكلمنا و جاب طاري الامتحانات و الدورة اسكت ما اعرف ويش اقول .. يعني ما اعرف اشجعه ولو بكلمة .. اسكت لين ما يجيب هو موضوع ثاني
والله يا خواتي منقهرة من نفسي ... ما اعرف ليش ما اعرف اعبر عن اللي بداخلي .. حتى بعد ما انهي المكالمة احس انه في كلام كثير في قلبي ما قلته و ضيعت الوقت كله و انا ساكته .. يعني حتى لو بغيت اتكلم و اقول شي لساني يخوني
حتى اذا حصل ظرف معين و ما كلمته لايام قليلة يرجع يكلمني هو بشوق و يحسسني باهتمامه و انا ما غير اقول تسلم و الله يخليك
والله يا خواتي احبه وااااجد .. بس ما اعرف ليش ما اقدر اقول له ولو كلمة بسيطة تحسسه اني مهتمة فيه و اراعيه واني معاه حتى في اصعب اللحظات
هو ما اشتكى ولا قال شي بس انا عارفه نفسي .. حتى مرات احس اني ممله .. اتكلم في اي شيء بس في الامور اللي تعنينا و تعنيه بالاخص ينربط لساني
ليش كذا ؟؟؟؟؟
اخاف انه يجي يوم و يخليني لهالسبب
ابغاه يعرف اني مهتمة فيه و انا اول انسانة بهالدنيا المفروض يتوجه لها اذا صادفه اي شي بس ما عارفه كيف



ويش اسوي ؟؟؟ تعبت والله احس اني بجن