ما اعرف لبنتي جوعانة ولا شبعانة

السلام عليكم
مرات اتمنى يكون الصدر شفاف :(
عشان اشوف بنتي شربت الحليب ولا لأ
انا ام جديدة زيما بعضكم عارف هنا
ارضع من صدري الحمدلله بس ما ادري بنتي شبعت ولا لأ
هي كلما بكت عطيتها ، ولا تبي تنام اعطيها ، بس المشكلة انها ما تطول عليه ابد تجلس بس 5 دقايق وعلى طول تنام
حاولت انظم رضاعتها مثلا كل ساعتين ارضعها ،، بس احسها تجوع بسرعة وما اقدر اخليها تنتظر ساعتين مسكينة تجوع
لاحظتها تشرب كل ساعة 5 دقايق تقريبا ، بعدين على طول تنام وتجلس ترضع وهي نايمة حبة حبة مدري هل هذا يعتبر شرب ولا لأ
المشكلة لو خليتها ترضع وهي نايمة معناه ما بقوم ابد ، تجلس تطول حيــــــــــــــل ، صرت اخليها ثلث ساعة ترضع وهي نايمة
لكن بعدين تحطمت جد لأني مرة شفطت لها حليب صدري ، بعدين عطيتها رضعتها ثلث ساعة من صدري وهي نامت
شوي كذا وصحت من النوم رحت عطيت لها الرضاعة ((اللي من صدري)) تخيلوا اسم الله عليها شربتها كلها كأنها جوعانة
وهذا اللي حيرني جد ،، هل هي ما تشبع من صدري ولا وشو ؟؟؟
والاحظها دايم تمص يدها :44:
ماني عارفة شسوي بنات ، بنتي كل من شافها قال ما كبرت ونحيفة حيل
والله سويت كل اللي علي ، بس مدري وين المشكلة
دلوني

الحين بنتي عمرها 3 اشهر وللحين ماني عارفتلها ، ارجوكم ساعدوني وربي بنتي جد احسها ما كبرت