ما اقدر اتابع في المستشفى بسبب هالدوخة!

السلام عليكم

يا اخواتي عندي مشكلة و هي دوخة مستمرة معاي في فترة الحمل والحمدلله.. و تعيقني لدرجة ما اقدر اروح المستشفى اتابع بقسم الحمل لان تعرفون يباله متابعة وانتظار علبال ما يجي دورنا و اان ما استحمل 10 دقايق بالكثير و أدوخ و خلاص بيغمى علي حتى لو كنت جالسه
اخر مرة رحت المستشفى تفشلت فشيلة دخت و نمت ع الكرسي و وحدة جزاها الله خير خذتني غرفة ثانية اريح فيها ولا راحت الدوخة هذا و انا بعدني ما خذت الوزن والضغط ...و جت السستر و دخلتني على طول للدكتورة و يا حرام خذت دور اللي ينتظرون قبلي والله كسروا خاطري هم بروحهم تعبانين و ينتظرون مدري من متى و جيت انا خذت دورهم :44: والسستر قالت لي اخر مرة نمشيكي المرة الجاية لو صار لك نفس الشي تروحي الطواريء
مع العلم اني كنت فاطرة مش جوعانة
و نتيجة تحليل الدم مش لهالدرجة ناقصة يعني 9 و نص حتى السستر تقول مو لهادرجة عندي فقر دم علشان تجيني مثل هالدوخة ...و لما قاست الضغط قالت لي طبيعي مافيه مشاكل
للعلم حصل معاي نفس الشي المرة اللي طافت لما حملت ببنتي لدرجة مرة خلاص كان بيغمى علي و تجي السستر و ترش ماي على وجهه و ينيموني و يرفعون رجلي علشان تروح الدوخة مع أن هاذيك الايام اذكر ماكان عندي فقر دم
خبروني شو اسوي ..
بستحمل الدوخة بالبيت بس ابغي شي يشدني وقت المتابعة في المستشفى الله يجزيكم خير ويبارك فيكم
تنصحوني بشي اسويه قبل اطلع؟ اكل معين مثلا ممكن يشدني ساعتين ع الأقل؟ افيدوني افادكم الله جالسة احاتي كيف بتابع و انا اصلا ناوية افتح ملف فمستشفى ثانية لان هالمستشفى مايمدحون فيه
افكر بس افتح ملف بالمستشفى الثانية و خلاص ما اراجعهم مرة ثانية ليما أولد واللا شرايكم؟ مع العلم اني بالخامس