الله يهديكم ويحنن قلوبكم على بعض..

طبعا انا زوج عديل الروح معليش لو تطفلت ودخلت هنا وطرحت المشكله اللي بيني وبينها عشان تشوفون الحل اللي يريحني ويريحها وابيكم تكونو صريحين الى ابعد درجه

انا تزوجت عديل الروح من اكثر من سنتين وعلاقتي معاها تمام التمام ومن ابدع مايكون احبها اكثر من نفسي والحمد لله هي بعد نفس الطريقه لكن الشهر والنص الماضيه اللي راحت الله لا يعيدها
بدت بيني وبينها المشاكل بشكل ماتتصورون يعني بصريح العباره بدت تسوي حركات تثير الشك عندي وحاولت كذا مره اني اقنعها انها ماتسوي الاشياء هذي ولكن مافيه فايده حاولت معاها بكل طريقه ولكن مافيه فايده
المشكله ان المشاكل هذي بدت من الشهر ونص هذي وانا بعيد عنها مسافر يعني هي في بلد وانا في بلد ثاني لا سباب العمل
المهم بداية المشكله هي النت يعني انا اقولها ماتدخل نت الا باذني واتفاجا القاها داخله نت واش معنى الكلام هذا برايكم عناد ولا ايش ؟؟
طبعا اني عديتها لها مره ومرتين وثلاثه واربعه لكن في الاخير بدا الشك عندي بسبب النت
الشي الثاني انها اذا صارت بيني وبينها مشكله تعاندني وتجلس تسوي حركات تثير الشك عندي يعني اخر مره صارت بيني وبينها سؤ تفاهم قامت واشغلت التلفون من بعد ماكلمتها

واش هذا في نظركم ؟ تلوموني اذا شكيت ولا ماتلوموني ؟

ولا حظو ان شكي مو من زمان شكي بدا من الشهر ونص هذي
اذا قلت لها لا تدخلين نت دخلت اذا قلت اتركي النت خلاص ترفض

وتسوي مشكله عشان الشي هذا واش معنى الكلام هذا
لدرجه ان ماعندها استعداد تتناقش معي في موضوع يعني كلامها هو اللي لازم يمشي وانا بصراحه مااحب الطريقه والاسلوب هذا وفيه اشياء ثانيه كثيره تصير لكن ماودي بفضايح اكثر من كذا

ارجوكم تفهمونها ان الموضوع مو في صالحها لو اصرت على عنادها بتصير مشاكل اكبر من كذا

واتمنى اكون ماطولت عليكم وللحديث بقيه

اخوي لك الحق تمنعها ولا لا بس التصرفات الي تسويها زوجتك عاديه وبصراحه مش شرط اذا اشغلت التلفون يعني معناته اتكلم مع حد غريب عندها اكيد اهلها وربعها ويمكن هي تعاندك لانك قاهرها وتشك فيها لازم تعطيها الثقه دام ماشفت منها شي بس لاتثقل عليها

احمدي الله اختي عديل ان المشكله مومشكلة شك
بناء على كلام زوجك
المشكله انت ما تسمعين الكلام
والواجب طاعة الزوج

اللي بينكم مو من زامن انما من فتره قصيره
والظاهر انك تحبينه وهو يعزك
بس سمحتم للشيطان يشاركككم حياتكم
فاستعيذوا من ابليس ونوايااه

واذا اردت دخول النت فبحضوووره وهو الحكم
طالما بيقرأ عدد مشاركاتك
انك مقابله حواء وبس
على العموم
شدي حيلك واسعدي زوجك
وانصرفي لبيتك اولا واخيرا
وخلي النت بعد موافقته امر ثانوي لابعد الحدود

والله يسعد ايامكما على طاعته ورضاااه

أختي عديل الروح0
والله أني حزنت يوم شفت مشكلتك وأنا مقدرة تصرفاتك لأن باين انك عنيده شوي(مثلي) وصدقيني الآن بعد مرور أكثر من عشر سنوات بديت افهم الحياة قبل كذا كنت عنيدة وذلك لعدم نضجي وقلة خبرتي وصغر سني وكنت أجلب المشاكل لنفسي0أعذريني أختي عديل الروح كلامي سيكون قاسي عليك ولأنك حديثة زواج فأنت تكابرين ومتخيلة ان زوجك ورقه رابحه في يدك وذلك لأنه يحبك0 وصدقيني أنت بذلك (مكابرتك)توسعين الهوه بينك وبين زوجك0 وتجعلين حبة لك كره 0راجعي نفسك وأسلي نفسك من أهم رضا الزوج ولا النت0
اتوقع انك وانت تقرأين ردي بتحسين بالقهر 0 بس والله من حبي لك انصحك اذا كان النت هو السبب فيروح في ألف داهيه ويبقى الحبيب0
انصحك اختي بالصبر 0



وهذا الكلام الآن اختي عديل الروح اوجهه لزوجك وانصحكما بالسفر للتغيير النفوس وتجديد المحبه لأن كل واحد راح يقابل الثاني 0 وانسوا الماضي ولا تخلوا الشيطان يلعب وما يتركم الأ وهو مرتاح من زعلكم0


وبشرينا عنك ياعديل الروح مو اذا جاء وقت الزعل قلتيلنا واذا استانستي نسيتينا0
تحياتي لك والله يوفقك والله انك عزيزه وغاليه0:24: