ما اقدر ازعل اواتكلم والسبب

اعرف ان الشكوي لغير الله مذلة
لكن فقط مجرد فضفضة لكي يخف الالم اللي بقلبي
انا زوجي رغم انه مديون واعرف انه مايقدر يدفع للسايق راتبه الا انه حط لنا سايق وزوجي من النوع اللي مايعطيه كل شهر لا يخليهم يتراكمون لما يصير مبلغ كبير وما يقدر يدفعهم كل شي اجار سكن سيارة سايق وهذول لوتجمعينهم ما يكفون راتبه بس عيبه ما يعطي اول باول وفوق هذا عايشة والحمدلله لكن بالحسرة والحمدلله علي كل حال
ومن جا هذا السايق وانا اودي واجيب حق المدارس واهو نايم واذا كان مو موجود اطر اقعد بناتي الصغار علشان ما اخليهم بروحهم في البيت
انا ودي ازعل واعلم اهله عن تصرفاته اللامسولية بس ما اقدر
انا زوجي مستغلني يدري اني ماقدر ازعل لانه وبحكم مرضي انا مقصره معاه بس الله الشاهد علي اني تعباااانه كثيييير بس شنو اسوي ما اقول غير انا لله وانا اليه راجعون اللهم اجرني في مصيبتي واخلف لي خيرا منها
نسيت ما اقول ادري انه راح تقولون علمي اهلك بمرضك انا ما اقدر انا مريضة بالوسواس واهلي واولهم امي ماراح تتقبل هالشي ولو تدري اني مقصرة بحق زوجي راح تلومني وتقول لي انت الغلطانه واذا طلبت منها اقعد عندها علشان اتعالج راح تمل مني وتضغط علي اني ارجع لبيتي امي ما عندها صبر اذكر قعدت عندها شهر واهي كل مرة تحن علي متي تروحين وانتوا تعرفون العلاج النفسي يبيله اقل شي سته اشهر
بنات شنو الحل مع زوجي اللي مانعني من العلاج خصوصا ان حياتي اصبحت ممله وفيني خمول وتعب وارهاق وقلق مو طبيعي
وما اقدر ازعل ولا اتكلم