ما اقدر افهم طيب وش فيني ؟؟؟؟

السلام عليكم ورحمة الله وبركاته


ودي اسألكم عن حالتي لأني والله جدا تعبانة ولا فاهمه انا وش فيني :( عندي مشكله في عدم الفهم احس لما اقرأ أي شي كأني اقرأ طلاسم ، حتى في دراستي لما اكون جايه بعمل بحث او اذاكر ما استوعب واذا في محاضرة مثلا مدري الدكتورة وش تقول !!! كأن في حاجز يمنعني عن الفهم والتركيز ، واكره شي عندي اني اقعد احضر محاضرة او اخذ درس ، ومرة سجلنا محاضرة لدكتور لأنه كان يتكلم بسرعة ولا نقدر نكتب عشان نرجع البيت نفرغها ونذاكر ، انا صدفة اخذت المحاضرة اللي في الكاسيت وسمعتها بعد ما فرغوها البنات ، لقيت نفسي فاهمه كل شي قاله الدكتور مع ان المادة صعبة !!! ليه طيب ما افهم وانا في الجامعة وليش لما اقرأ كتب ما افهم واحس اذا صار عندنا امتحان يكون زي الهم على قلبي ولا افتح كتاب الا في اخر شي لما انحط تحت ضغط ان الوقت ضاع يعني مثلا ما اذاكر الا اذا قالوا بكره امتحان واذاكر وقت العصر بعد ، احس بضيق والله وقرفانة وعندي شغل متعطل ولازم اقرأ فيه ولا قادرة اقرأ وش اسوي ؟؟ :( ودي اعرف انا وش فينــــــــــــي والله اني ابكي وقلبي صار يعورني من كثر التفكير وشيلة الهم

وعلى فكرة في ناس اقاربي يحسدوني عشان انا ادرس وتعرضت في حياتي لمآسي ومواقف صعبة وفاقدة والدي وخجولة وكل المشاكل اللي صارتلي ماكنت اطلع منها او احد يخفف عني ولسا اتذكرها هل هذا كله له دور ؟

ساعدوني الله يفرج همكم مالي الا الله ثم انتم ياليت اي احد يقدر يفيدني