ما الاخطاء التي يجب ان نتفاداها عند تصميم المنزل

سأكون أول من يرد عليك :17:
_الفناء الخارجي (الحوش)
هل من الافضل ان يكون واسعا بحيث تكون فيه حديقة ومسبح ..ليستمتع به افراد العائله ويقضون فيه سهرة جميله ...وليلعب فيه الاطفال ويمرحون

ام يفضل ان يكون صغيرا او معقولا لتوفير المساحه للمنزل ليكون واسعا برحا

وعند وجود الحديقه ..هل من الافضل ان تكون في واجهة المنزل((حديقه داخليه )) ...او داخل المنزل ..او ان تكون حديقة خلفيه
==== عزيزتي المسألة مسألة ميول شخصي .. فهناك من الناس من تحب قعدات الحوش و حول المسبح ..
و هناك ناس تعشق الحدائق الداخلية و هناك ناس تفضل الا تضيع المساحة على حوش ..
و خصوصا اننا في بلاد .. القعدة في الحوش تسلق .. لوووووول .. يعني انتفاعنا بالحوش بس كم شهر بالسنة و باقي الشهور إيد الباب باليالله تمسكينها .. الا اذا حطيتي مرشات .. و هي بذاتها مكلفة .. و حسب الأراضي ..
إذا كانت صغيره .. يتجنب الحوش الكبير علشان البيت .. و إذا كانت كبيرة .. ممكن يكون فيها الحوش كبير .. بكل سهولة و البيت بنفس الوقت كبير .. يعني كل الموضوع على بعضه .. مسألة ميول شخصية ..

2_الدرج.
.هل الافضل ان يكون في داخل الصاله لتحقيق عنصر الجمال ...او ان يكون معزولا لتحقيق عنصر الراحة والعمليه لاستخدام العائله له بكل حريه رعند وجود الضيف في الصاله
ام الافضل ان يكون في المنزل درجان الاول في الصاله والاخر معزولا لتحقيق عنصرا الجمال والعمليه في آن معا...ام يستعاض عن الدرج المعزول بالمصعد .
===== الدرج .. حسب .. الميول .. بس يفضل واحد للاستخدام الدائم .. الدرج الكبير و درج خدمة للعمال و الخدم والرجال في حال كان فيه حريم .. عند الدرج الرئيسي ..

3_المسبح
هل وجود في المنزل ضروريا خاصة عند وجود الاطفال ...وان كان ضروريا فاين يكون مكانه في الفناء الخارجي...في الواجهة او في الفناء الخلفي ...ام في القبو
====برضو .. ميول شخصية .. عن نفسي .. بسوي واحد داخلي .. أو في القبو .. غبار الرياض ما أحد يلحق عليه ...
4_القبو
..هل وجوده ضروري ... ام ان وجوده لا يستحق تكلفته......وكيف يستفاد منه
القبو حلو.. مساحه .. مفيده في العزايم ..

5_ المخازن
.ربما تكون ضروريه ...لكن كثرتها هل هي ضروريه ...خاصة مخزن المطبخ هل يمكن الاستغناء عنه عند الشعور بانه سيضيق مساحة المنزل والمطبخ
===== اذا كان المطبخ كبيرو ما عندك أشياء و خرابيط ممكن تستغنين عن المخزن بس اذا عندك بلاوي زرقه .. لازم و ضروري المخزن ..

6_المداخل
هل نكتفي بمدخل واحد للجنسين بحيث يكون له بابان ..باب يفتح على مجالس الرجال ..والاخر يفتح على قسم النساء...ام الافضل ان يكون هناك لكل جنس مدخل خاص.
====حسب المزاج كمان .. فيه ناس عادي .. و فيه ناس ترفض .. الشي هذا .. و يفضل انهم يكونون مدخلين للبيت .. للبيت
أفضل .. واحد رسمي للرجال و أخر ثانوي ..

7_سقف الصاله
هناك من يفضل الاسقف المرتفعه جدا لاعطاء الصاله بعدا جماليا وشعورا بالفخامه والاتساع....وهناك من يفضل ان تكون الاسقف ذو ارتفاع معتدل ..حتي يمكن الاستفاده منه في توسيع الدور الاول الخاص بغرف النوم ...انت ايهما تفضلين
والله حسب المساحه اذا تسمح أهلا بالسقف العالي ما تسمح .. مع السلامه للسقف العالي .. لوووول

8_غرفة الصلاة
لاحظت مؤخرا ان بعض التصميمات تحوي غرفة صلاة ..وقد اعجبتني الفكرة..فما رايك هل هي مهمه ام يمكن ااستغناء عنها
==== حلو يكون فالبيت مصلى .. بس يمكن الاستغناء عنها لأن الصلاة بأي مكان ..

9_المطبخ
هناك من يحب المطبخ واسعا ..وهناك من يفضله متوسطا
وهناك من يفضل ان يكون ذو باب اخر يفتح على الفناء الخارجي ..وباب اخر يفتح على غرفة الطعام ..فهل كثره الابواب ضروريه ..
وهناك من يفضل ان يكون في منزل لكل دور مطبخ ,,يحيث يكون المطبخ الخاص بالدور الاول للاستخدام اليومي للعائله ..ومطبخ الدور الارضي لاستخدامه فير حالة وجود الضيوف فقط ...فهل هذه الفكره عمليه ان انها تكلفه لا داعي لها وتسبب التشتيت والارباك
==== ما أحد يحط مطبخين .. أوفيس و مطبخ .. بالذات للبيوت الصغيره .. أما القصور عادي .. بكيفهم انشالله عشر مطابخ ..لوووول ..
يفضل مطبخ شرح .. وواسع ..للاستخدام اليومي و مطبخ صغير جنبه 2في 3 علشان القلي و الطبخ علشان اذا حبيتي تتفنين بالمطبخ و تسويه خشب .. ما تكرفينه و كل شغلك يكون فالمطبخ الصغير الألمنيوم ..

10_مجلس النساء
هل يجب ان يكون معزولا بباب ...ام من الافضل ان يكون مفتوحا مع الصاله حتى يعطي شعورا بالاتساع
حلو الشرح .. و الواسع .. و ممكن ينعزل في باب .. حسب الرغبة .. بس الأجمل الوساع ..

11_غرفه نوم الضيوف
هل هي مهمه
حسب ضيوفك .. اذا يجونك و ينامون عندك واجد .. ايه .. اذا كل عشرين سنه مره مالها داعي انتي أولا بالمساحه .

12_ التكييف
ماهو الافضل التكييف المركزي ....ام مكيفات السبيلت ..ام الشباك
الشباك = لأ
المركزي = حلو للصالات ..و المجالس و اللمطبخ ..
السبليت = حلو لغرف النوم .. علشان كل واحد يتحكم في درجة البروده بكيفه .. ما يمووت برد .. أو يموت حر ..
هذا الي بسويه في بيتي .. لا جاب الله الأرض لووووول

و تحياتي لك يا قلبي ..


:26:

جزاك الله كل خير حبيبتي ملكة الحسن

يشرفني ويشرفني انك اول واحده ترد على هذا الموضوع

وردك انت يعني شي كبير لي وللمنتدى

استنتجت من ردك ان التصميم بشكل عام يعتمد على الميول الشخصيه ...فعلا انا معاك في هذا الشي

لكن في كثير ناس كان تصميمهم على حسب ميولهم بس في النهايه ندموا...

لانهم حسوا انهم محتاجين شي وما انتبهو له عند التصميم ...

او صممو شي كان نفسهم فيه بس لما عاشوا حسوا انهم ما استفادوا منه


يعني راح اضرب لك مثال...

يعني اعرف ناس كثير كانو يتمنون يكون عندهم فناء خارجي واسع ... عشان يلعبون فيه الاطفال مثلا

وصمموا بيتهم على هذا الاساس ولما عاشوا في بيتهم عضوا اصابع الندم لانهم كان بامكانهم يستفيدو من المساحه في البناء والبيت ويزيدو غرف ...او يوسعوها

هذا مثل واحد بس ...والامثله كثيره ........

وعشان كذا انا كتبت هذا الموضوع عشان كل واحده تقول تجربتها ..

يعني وش الشي اللي كانت تتمناه في التصميم وفعلا سوته وندمت عليه بعدين في النهايه ..
.ووش الشي الي استبعدته او ما انتبهت له ..وبعدين ندمت انها ما سوته ..
ووش هو الشي اللي سوته وتنصح فيه بنات المنتدى

الحين جا دوري انا

انا الحين في مرحلة البحث عن تصميم ..يعني ما عندي خبره ..بس راح اتكلم على حسب اللي استفدته من تجربه الاخرين

الفناء الخارجي (الحوش)

افضله يكون معتدل المساحه لا صغير ولا كبير خاصة عند ما تكون مساحه الارض صغيره ..اما ليش افضله يكون معتدل ..عشان اضرب عصفورين بحجر ..يعني اسوي حديقه خلفيه عشان سمرتنا مثلا .. .وعشان ااطفال ياخذوا راحتهم فيه .وكمان استفيد من المساحه عشان اكبر البيت ...وابغى الحديقة تكون خلفيه عشان تقدر نستفيد منه عند وجود الضيوف يعني حريه اكبر .....وكمان افكر اسوي حديقه داخليه للمنزل ... يعني تكون داخل المنزل ..وباقي الغرف تكشف عليها ..وفي الاجواء الحاره الشديده او البارده جدا ..اقدر استفيد من الحديقه الداخليه

ما ابغى الحوش يكون بمساحات شاسعه ..لان في ناس احواشهم كبيره وما استفادوا منها ..بالعكس ضيقوا على انفسهم في البيت ....وبعدين ندموا
وانا صراحه ما ابغى اغلط نفس غلطتهم


الدرج
افضل وبشده ان يكون درجين للبيت ..الاول للصاله عشان يعطي منظر جمالي ولاستخدام العائله .....ودرج اخر ولو كان صغيرا اغو حلزونيا ..عشان استخدام الخدم ..وكمان استخدام بقية العائله له عند وجود ضيوف في الصاله

اما االمصعد ارى ان مشاكله اكثر من منافعه ..زيعني خرابه كثير ..وصيانته دوريه ومكلفه ..عشان كذا افضل ان يستعاض عنهبالدرج المعزول ..اوفر وكمان عملي اكثر



المسبح

وجود ضروري في المنزل حتى مع وجود الاطفال ....ولو كان في الحوش(اذا كان واسع ) يكون افضل..وخاصة عند توفر الحديقه الخلفيه للمنزل بيكون روعه عشان رطوبه المسابح ما نحس بيها ..لان لو كان في القبوا راح تاثر رطوبته على الاجواء في القبو .....


القبو

كثير ناس ندما انهم بنوا القبوا في بيتهم ..وقالو ان تكلفته وبناءه وتعب تنظيفه اكثر من استفادتهم منه ..يعنى لو استفادوا منه بس في العزايم ....ومتى تجي العزايم هذي الا في السنه حسنه ...
بس في حالة لو الارض صغيره مررره يمكن تكون فكرة القبو حل لمشكلة صغر المساحه ..يعني يكون مخصص لمجالس الرجال ودورات مياههم ..وفي جهة اخرى غرفه للخدم او السايق ..يعني هنا راح يكون للقبوا استفاده كبيره ..تناسب تكلفته ....



المخازن

نع ااؤيد المخازن .لانه تحل مشكله العفش الزايد او الاشياء اللى ما نستخدمها الا من سنه لسنه ..يعني واحد قريب من المطبخ ..عشان التموين وعشان ادوات النظافه ...الخ ..مع العلم ان يمكن الاستغناء عند عند صغر المساحه .. وفي رائي انه في الامكان ان يستعاظ عنه بتفصيل كبينه كبيره
نوعا ما للمطبخ وتخزين بها ما نشاء

ومخزن اخر يكون في الطابق الاول عشان الشراشف ةالمفارش واغطيه الاسرره وعشا تخزين الملابس الشتويه ....الخ

ومخز فوق في السطح عشان العفش الكبير والكثير ....

ويمكن عمل مخزن كبير في السطح الاول عشان الشراشف ةالمفارش والاخرعشان العفش الثقيل ..ونستغنى عن مخزن الدور الاول


المداخل

يفضل عمل مدخلان للمنزل الرئيسي للرجال واخر جانبي للنساء ...اما فكرة المدخل الواحد فبصراحه لا احبذها لما فيها من الحرج للجنسين


سقف الصاله
طبعا يفضل الاسقف المعتدله الارتفاع ..حتى نستفيد من المساحه للدور الاول ...اعرف ناس ...بنوا بيتهم على هذا الاساس ..لكن في المقابل ..ضيقوا على انفسهم غرف النوم في العدد والمساحه ...واضطرووا ان غرفة المعيشه الخاصة بالدور الاول ..اضطروا انهم يخلوها في السطح ..رغم كبر مساحة الارض ..بس الصاله كانت مساحتها كبيره


غرفة الصلاة

فكره جميله بس يمكن الاستغناء عنها لان الصلاه كما قالت اختنا ملكة الحسن في اي مكان


المطبخ

افضله يكون كبير و واسع..حتى تشعري بالراحه عند العمل فيه لاسيما عند وجود الضيوف ..وافضل ان يكون في الدور الاول مطيخ صغير عسان الاشياء الخفيفه مثل الشاي الفهوه .....الخ

وبالنسبه لعمل مطبخين لكل دور اعرف واحده ناويه تسويها ..رغم الانتقادات والاراء الغير متوافقه معها ..تقول المطبخ في الدور الارضي للشغاله ..وللاستخدام عند وجود تالضيوف فقط ..اما المطبخ الخاص بالدور الاول فلها هي وبناتها ..وللاستخدام اليومي لها ولعائلتها..وارى ان هذه الفكره غير عمليه وتؤدي الى الارباك والتشتيت


مجلس النساء

افضله يكون مفتوحا مع الصالة لمزيد من الاتساع والراحه...لاني اعتقد ان وجود مجلس مستقل للنساء قكره قديمه ..وفي هذه الحاله لا يستفاد منها لان الضيوف يكونون في الصاله ومجلس النساء مغلقا ولا احد يجلس فيه ..وفكرة فتحه مع الصاله تعطي كما قلت مساحه اضافيه للصاله ..وايضا يستفاد من مجلس النساء بالجلوس فيه ...

الا في حالة عدم توفر درج ا معزول ..فطبعا عند ذلك بفضل مجلس النساء المغلق


غرفه نوم الضيوف
غير مهمه وعلى قوله اختنا ملكة الحسن ذا كانوما يجوني كل 20 سنه ..فانا اا ولى بالمساحه ...رد مقنع


التكييف

نفس رد اختنا ملوكه

الشباك = لأ
المركزي = حلو للصالات ..و المجالس و اللمطبخ ..
السبليت = حلو لغرف النوم .. علشان كل واحد يتحكم في درجة البروده بكيفه .. ما يمووت برد .. أو يموت حر ..


:27:

المشاركة الأصلية كتبت بواسطة الماسة2001
الحين جا دوري انا


المطبخ

افضله يكون كبير و واسع..حتى تشعري بالراحه عند العمل فيه لاسيما عند وجود الضيوف ..وافضل ان يكون في الدور الاول مطيخ صغير عسان الاشياء الخفيفه مثل الشاي الفهوه .....الخ

وبالنسبه لعمل مطبخين لكل دور اعرف واحده ناويه تسويها ..رغم الانتقادات والاراء الغير متوافقه معها ..تقول المطبخ في الدور الارضي للشغاله ..وللاستخدام عند وجود تالضيوف فقط ..اما المطبخ الخاص بالدور الاول فلها هي وبناتها ..وللاستخدام اليومي لها ولعائلتها..وارى ان هذه الفكره غير عمليه وتؤدي الى الارباك والتشتيت


ياليت توضحي يعني الافضل مطبخ الخدمة تحت الدور الاول والمطبخ الرئيسي بالدور الثاني
محل قعدة العائلة.....
:27: مشكورة يالماسة ومشكورة ياملكة الحسن منكم نستفيييييييييييييييييد

الماسة ..

الله يوفقك ان شاء الله وتلاقين التصميم الي يرضيك 100 %
مع انه صعب !!!!! لكن دامك افكارك بالشكل هذا ان شاء الله بتتوفقين ..

نصيحتي يا الغاليه انك تشوفين كثيرمن البيوت المعروضه للبيع علشان
تقدرين تحددين وش التصميم الي يناسبك ..
انا تصميم بيتي اخذته من بيت معروض للبيع كان ابو زوجي يبغانا نأخذ البيت
لكن تصميم البيت رائع لكن فيه بعض الامور الي ما تناسبني زائد انه كان مبالغ
بدرجه رهيبه في السعر .. وبرضوه الواحد ما يضمن البيوت الجاهزه ..
فلما جينا نبني كلمنا صاحب البيت وطلبنا منه المخطط فعطانه الله يجزاه خير
ولاني داخله البيت وعارفته قدرت اتخيل كل التصميم واطبقه على ارضنا ..

بالنسبه لساحه الخارجيه ..
انا عملت بيت الشعر في مقدمة المدخل الرئيسي علشان زوجي يستقبل فيه اصحابه
ويكنون صادين عن باقي لبيت يعني اريح لي ..
اما المسبح والحديقه فانا عملتها في الجهه اليمين من الساحه علشان تكون ساتره عن الجيران
في وقت السباحه وعلشان تطل على اغلب اماكن البيت الداخليه يعني يطل على مجلس الحريم
والصاله والدرج الداخلي ..ويعطي منظر حلو لداخل البيت لان اغلب واجهاتي زجاج ..

بالنسبه لالدرج ..
خليته في وسط الصاله علشان يعطي شكل واتساع بدال ما يأخذ جزء كبير من المساحه ..
وعملت درج منعزل خاص لشغالات في الدور الثاني يتسكر بباب علشان ما يكشفون الجلسه الي فوق ..

بالنسبه للمسبح ..
عملناه في الحوش الخارجي لانه تعرفين كل وقتنا في ها الغرف المصككه !!!
فالواحد يحب يشم هواء بره في الحديقه وقادمه هاالمسبح .. يعني يوسع الصدر ويعطي منظر حلو
خصوصا للساحه الخارجيه وحتى لو كنتي جالسه في الصاله الداخليه الي تطل على المسبح تكونين مستمتعه
بالمنظر قدامك ..

القبو ..
احسه مره مفيد يعني اذا عندك ضيق باي مكان في البيت ممكن القبو يساعدك
مثلا عندك ضيوف كثير ممكن تعملين بوفيه العشاء في القبو
اذا عندك اطفال وما فيه مساحات كفايه ممكن تخلين القبو مكان مريح لهم العابهم وحوستهم فيه
اذا عندك مجالس صغيره ممكن تعملين فيه جلسات رائعه وتحطين حديقه صغير تحت الدرج مع نافوره
مع اضاءه حلوه وتعملين كاونتر خدمه صغير ويصير مكان مهيأ للاستقبال ..

المخزن ..
على حسب كبر المطبخ اذا المطبخ مساحته مناسبه ممكن تستغنين عن المخزن
لاكن انا احسه ضروري وانا عامله مخزن صغير داخل المطبخي علشان اكيد ابحتاجه
للفريز للمقاضي لادوات التنظيف يعني مهم لكن مو اهم شي ..

المداخل ..
طبعا لازم اقل شي مدخلين ..لانه في مجتمعنا صعبه الحريم يدخلون قدام الرجال ......

سقف الصاله ..
صادقه يعطي اتساع خصوصا اذا المساحه متوفره .. لكن مشكلته ينقل الصوت ممكن ينزعج
الي في الدور الثاني والعكس ..

بالنسبه للمطبخ ..
انا في بيتي عملت المطبخ صغير نوعا ما لان عددنا صغير والشغالات هم الي يستخدمونه فحرام اكبر
المطبخ مره على حساب الصاله ..
والاوفيس احسه ضروري لدور الثاني خصوصا اذا عندك اطفال ..

بالنسبه لمجلس الحريم ..
على حسب اذا بيتك صغير افتحيه على صاله اما اذا عندك مساحه اعملي مجلس لحاله علشان اكيد
بتستغلينه كثير ..

المكيف ..
افضل شي المركزي وبعدين السبلت المخفي وبعدين السبلت الجداري
اما الشباك احس الناس ما يستخدمونه كثير الحين ..

الله يوفقك ..


..


:24: :24: :24: