ما الحل مع أختي ؟

السلام عليكم
بنات انا متزوجة و عايشة بغربة و لي اخت متزوجة لكن في بلدنا
من لما كانو اطفالنا صغار كنت كل ما التقيت فيها تقول من كبرو اولادنا بزوج ابني لبنتك , و كنت دايم اقولها لا مستحيل أغرب بنتي عني من كثر ما شفت من الغربة و مشقاتها , رجاءا لا تحرجينا و تحرجي نفسك
مرت السنين و كبرو اولادنا و اتصلت فيا طلبت بنتي لابنها و تم الرفض من زوجي قبل لا أرفض أنا و السبب ما يبي يغرب بنته
من وقتها و هم تغيرو علينا 180 درجة
و طوال سنتين ما فقدت الامل كنت اتصل فيها دايما و اطمن عنها
ما ابي يصير قطيعة رحم
كانت و مازالت تقسى علي بالكلام
و لما قررت اسافر لبلدي زيارة بعد طول غياب , حبيت ازور بلدي انا و بناتي و اولادي و زوجي
حسيتها تضايقت من الخبر
و آخرتها لغيت السفر تجنباً للمشاكل معها
الحين هذا رميته كله وراء ظهري
المضحك المبكي انها تبي تجيني زيارة اول الشتاء
تقعد عندي شهر هي و عيلتها كلهم
و قالتها صريح انها تبي تسافر علشان الاسواق اللي هنا
يعني مو جاية علشاني
بصراحة لا عاد ابيها ولا بي شوفتها لا هي ولا عيلتها
كيف اقدر اتهرب بدون ما اخبص الدنيا معاها
و خاصة انه اهلي متوفين و مالي حد في هالدنيا
لا أقدر اتحجج اني مسافرة لانه بيكون وقت مدارس
ولا أقدر اتحجج في ضيق المكان لانه بيتي كبير
ساعدوني ولا حد يقول استقبليها انا اللي فيا مكفيني بغربتي