انا ماعندي حيوانات

والله مالى خلق اربيهم

هههههههههههههههه

يالا اربي عيالى بالاول

انا ما عندي اي حيوان بس احب الحيوانات من بعيد مو خوف بس احس فيها بكتيريا كفايه
احب الاسماك والارانب مره كثير

جبت لكم صور حيوان اليف ولطيييييييييييف مرة بس مهوب مشهور والي يعرفونه قليل
اسمه عندنا في السعوديه وبر او وبري وهو عشبي 100% ويولد كامل عليه شعر ومفتح عيونه وياكل مع امه عشب مع الرضاعه طبعاوتربيته سهله ولازم نعطيه اكل عشبي من الخضار والفواكه والتمر والخبز العادي الي مافيه منتج حيواني زبده او حليب مثلا

الله يعطيك العافيه ذبحني غلاة
انا عندي هالوبري ومحتارة وش اعطيه
اخوي يقول بس ياكل خبز وانا اخاف يموت وبعدين كل مااحط له مويه يكبها ليش
احترت معاه ولدي متعلق فيه واخاف يجية شي

اختي لمسة ملاك الخبز ما يكفي للوبري ممكن يموت لازم تاكلينه خضار وفواكه وخاصه خيارطماط خس جرجير جزر ملفوف وبقدونس تفاح وكمثرى وياكل البرسيم وقصب الشعير يعني لازم تشكيله ما نركز على صنف واحد لانه لازم يحصل على الياف والا يموت ولازم نعطيه اكل يحتوي فيتامين سي وبالنسبه للمويه هو فعلا يكبها بس لازم نحطها بماعون ما ينكب او نشيك عليه ونغيره الماء لو مرتين باليوم وعلى فكره هو حيوان اكول يحب ياكل طول الوقت وكل ما حطيتي اكل جديد يفرح ويجي ياكل حتى لو توه ماكل فجعان يعني بس ودود وما ياذي ولا يعض