انا وزوجي نمووووووووووت بالقطط وكله اخليه يروح يدور لي ولما تصير السالفة جد اهوووووون
مااحب اعتني فيها .... ناقصني انا ... ودي في هذيك الببغاء الكبيرة مرة يجي لونها ازرق او احمر اظن اسمها امازون بس كمان مافي امل ... مابي اتعلق في حيوان ويمووووووت ... رح اتأزم
حبيبتي oOROo الطيور اللي حطيتي صورتها هذي اظنها ببغاوات مكاو او شي ثاني بس مو طيور الحب ... طيور الحب تشبهها بس على اصغر وتجي الوان ابض ازرق اخضر ... وصراحة لاتزعلون ... مرة دمهم ثقيل ... لايعرفون يغردون ولاشي ... صوتهم مرة مزعج ... مو مثل الكناري ..
اللي تحب التغريد .... البلبل تغريده يهبل ... اذا عندكم حديقة احتمال كبير يجي احيانا يوقف عالاشجار ويغرد خلي احد يصيده لك ... ولو كان صغير احسن واحسن يصير لك مثل البيبي يتعلق فيك ودمه خفيف

اختي وفي السماء رزقكم وشو الجيني بيج ؟؟؟ يليت اللي عندها صورته تورينا
يسلمووووووووووووووووو

هلا اختي سعوديه كول تفضلي معلومات عن السلحفاه

طعام السلاحف البرية:
الطعام المفضل للسلاحف هو الخس.....
يمكن للسلحفاة أكل:الخيار،الجزر،الطماطم،التفاح،العنب، ، كرفس،شمندر، ملفوف،لوبيا خضراء، الكرنب، باميا،شمام ،أوراق البروكلي أو بروكلي مسلوق،قرنبيط....
والاحسن تعطينه الكثير من الخضار والقليل من الفواكه..الماء يفضل وجود كميات بسيطة وقريب من السلحفاة دوم...وفي مسحوق ((بودرة))يبيعون في محلات الحيوانات يحتوي من المعادن الهامة للنمو السليم للسلحفاة خصوصاً الكالسيوم و الفوسفور((وترشين كمية على الطعام بمقدار ربع ملعقة شاي للسلاحف الصغيرة وكل ما كبرت السلحفاة في السن اتزيدين كمية البودر )).
وفي محلول اتحصلين عند الطبيب البيطري من الفيتامينات المهمه خصوصاًA وD3امهم جداً بالنسبة للسلاحف((تضيف منه نقطتين على الطعام ويوزع جيداً وكلما تقدمة السلحفاة في السن كلما زدنا كمية هذا المحلول))

أختي الأرنب بتتركوه طليق بالبيت ؟
ما بيوسخ ؟
وهل هو مسلي بالنسبة للأطفال؟

اختي هند عبد الله السلاحف البرمائيه وش تاكل غير الاكل الجاهز وبالشتا ء نحطه بالماء ولالا

هلا بيج افنان ام عمر

سمعي الارانب ما يستوي تتركينهم بالبيت لازم تسوين لهم قفص اوحضيره لارانب وتحطين الصندوق داخل القفص وتوصلين بيب بالصندوق ..لان اذا ترتكتيهم في البيت بيحفرون وطبعا بيوسخون لج البيت بيقطعون الزراعه لو زارعه ..ويتم إخراجهم في أوقات معينة ..ولازم اتنظفين اماكنهم يوميا ..
ومعروف أن الأرانب صديق الطفل ولهذا السبب يتم احتجازهم في أقفاص مغلقة كأنهم سجناء ويتم تغذيتهم وتنظيف أماكنها يومياً في هذا المكان الضيق