في الخدمه حبيبتي البابذنجات خرميه بسكين وضعيه علي النار يكون اطعم بالهنا

سلام للجميع
بالنسبه لشوي الباذنجان انا عندي طريقه مريحه ..المشكله انو لما تحطي الباذنجان على النار بيشر ماء كتير وبعدها بأه التنظيف والفرك .. لذلك انا اثقب الباذنجان بالشوكه وبعدين اضع على النار غطاء علبة حليب معدنيه يعني متل النيدو وغيرها واضع عليها الباذنجان .واقلبها كل 5 دقائق وهي بتستوي بسرعه يعني حوالي 15 دقائق وتأكدي من نضجها بغرس الشوكه فيها لازم تكون طريه.. وبعدين اتركيها تبرد وشقيها بالطول بسكين وشيلي اللب الأبيض من داخلها بملعقه واطحنيه.وهيك يبقى البوتاغاز نظيف لأنو الماء بينزل على الغطاء وتحصلي على نكهة الشوي اللذيذه في الباذنجان..اغسلي الغطاء واحتفظي به للمره القادمه .بتعرفي في فرنسا ما في علب حليب معدنيه ولكن عبوات كرتون لذلك احضرت معي واحد من 10 سنين ولسه بستخدمه للآن ..طبعا الباذنجان المستخدم لازم يكون كبير ..وبالهناء والشفاء.

الغالية ...wedd...

طريقة belle هي ألذ طريقة ممكن تصنع لك أشهى متبل بالكون

على فكرة belle أنا حليت مسألة نظافة الغاز باستخدام غاز الرحلات (أبو شعلة واحدة الصغير)

أشوي عليه الباذنجان بقرب المجلى وبهذة الطريقة نضمن نظافة الغاز ..ولذاذة الباذنجان

المشوي ...

شوفتي الشطارة :rolleyes:

بالنسبة للبابا غنوج هذه اضافاتي وإن شاء الله تعجبكم :

نصف كيلو باذنجان مشوي ومقشر
نصف بصلة مفرومة ناعم
م.ك فلفل حلو مفروم ناعم
فص ثوم مهروس مع ملح
حبتين طماطم مفروم ناعم
2م.ك بقدونس مفروم ناعم
ربع عصيركوب ليمون
نصف ملعقة صغيرة طحينة
نصف ملعقة صغيرة ملح
زيت زيتون للوجه

الطريقة:
يشوى الباذنجان بطريقة belle على الغاز ثم يدق حتى ينعم (بعد تقشيره)
ويخلط مع باقي المقادير.
يضاف دبس رمان حسب الذوق ويزين الوجه بزيت الزيتون وشرائح الفلفل
الحلو.
تناوليه بألف عافية وادعي لي :26:

سلام لأحلى بنات ......
حبيبتي belle جربي إضافة قليل من المايونيز مع ( اللبن والطحينه والثوم والملح والليمون )

وشوفي النتيجه :o صدقيني ما راح تندمي ...

و حيطلع أحلى متبل ذقتيه في حياتك :32:

جربيه وردي مني ....... تراني مستنيه الرد منك ومن باقي الأخوات :time:

العزيزه طوق الياسمين والله خجلتيني:42: بس متبل الباذنجان بالفعل لذيذ اما البابا غنوج فأكلته بالشام مره بطريقه بتشبه طريقتك يعني فيها فلفل اخضر حلومفروم ناعم ولكن مع اضافه ايضا جربوها وهي قطعه صغيره من قشر الليمون مغسوله ومفرومه ناعمه وهي تعطي نكهه لذيذه جدا للباباغنوج..انا احيانا اضيف ايضا قطعه من قشر الليمون المفروم للسلطه تعطيها طعم لذيذ جدا..
العزيزه مباركه أنا متأكده مئه بالمئه ان المتبل تبعك من الذ مايكون وماعندي في ذلك شك ..ولكن تعليقي كان فقط من قبل ترسيخ الوصفه الأصليه اللي تعمل بالشام ما بيحطولها ميونيز ولو انو كلامك فيه وجهة نظر قويه لأنو الميونيز عباره عن زيت يعني..مستحلب بالخفق إذا صح التعبير.فبيطلع المتبل ادسم..وبالشام في ناس ما بيشووا الباذنجان ولكن بيقشروه وبيقطعوه شرائح بسمك حوالي 1 سم وبعدين بيقلوه وبيطحنوه وهالطريقه موجوده.. وبيطلع المتبل لذيذ جدا كمان ولكن ادسم بالزيت اللي فيه متل المتبل المشوي اذا اضفناله ميونيز..هاه شفتي هي فتيتلك ياه:07: