انا ما احب كذا ابد مدري ليش

سبحان الله انا يومي صغيره صادني موقف ان عمتي عطتني فستان بنتها ولبسته وكانوا هناك وو اول ما شافتني عمتي قالت اووه هذا فستان (....) بنتها يعني
ومن ذاك اليوم وانا اكره اخذ ملابس احد او البس صوغة احد عشان ما يقولون هذي الملابس اللي جبناها لج اتحاشى البسها عالاقل في المكان اللي بيتواجدون فيه

و حتى عيالي الحين الحمدلله للحين محد عطانا لبس مستعمل والله لايقوله يعطوننا لاني يا بانحرج يا باتهور و باقط كلام مب حلو

احس لو اختي عادي بس اخت زوجي صعبه

على حسب النفسية
انا مستغربة اللي يقولون اختي عادي اخت زوجي لا
والله النفسية هي اللي تحكم مو القرابة يمكن وحدة اختها او زوج اختها يمنون ويعايرون لكن الاخ وزوجته زي العسل
اذا كانت تجيب الملابس من باب عادي وانا عارفة ولدك مليان بس مايضر لو حبيتي تلبسيه عادي
لوكانت تجيبهم من باب شوفي ملابس ابني ماركات وحلوة وانا اساعدك اعطيك لا

حرام عليكم بنات

فعلاً جاني وسواس من هالموضوع لدرجة أني أمس حلمت به !! حلمت أن أخت زوجي هاوشتني لأني عطيتها لبس ولدي اللي صغر

وألحين قاعدة أحلل ... تصرفاتها متغيرة شوي " معنها لا متغيرة ولا شي توها مطرشة لي مسج مقلب مثل عادتها " تطالعني بنظرات غريبة إلخ

شوروا علي خلص يعني ما أعطي أحد ثياب ولدي ؟؟ الحركة مو حلوة ؟؟ أو فيها إهانة لا سمح الله ؟؟

أنا ياما لبست ولدي من ثياب ولد أخوي " من أول ما ولدت جمعت لي زوجة أخوي ثيابه الصغار في كيس كبير وعطتني إياهم مع المهادات ووو إلخ " رغم أني كنت شارية لولدي ثياب ومهادات بالهبل " البكر وفرحانه فيه " بس استخدمتهم

وليومكم رغم أني وللأسف الشديد أشتري لولدي أكثر من حاجته " أدعولي الله يهديني وأقدر أغير هالطبع " لما تعطيني زوجة أخوي لبس ولد أخوي القديم ألبسهم ولدي وخصوصاً لما أروح أزورهم عشان تشوفهم على ولدي وتفرح أني لبسته إياهم ... وأتعمد أقول لولد أخوي الصغير " سنتين " شوف هذا لبسك لما كنت صغير عشان يتعلم على العطاء