انتظروني كمان ثلاث شهور ان شاء الله احكي كل شئ وربنا يعين الكل على الولادة ويسهلها للجميع الحوامل ان شاء الله

ما شاءالله ديوان الحوامل اشكثرهم حوامل و بعدين يختفون ..يلا تعالوا اكتبوا قصصكم عشان نستفيد..

السلام عليكم ورحمة الله وبركاته

شدني هالموضوع والله عشان أقول كل اللي في خاطري عن التجربه اللي مريت فيها بالولاده

بنات حواء ..

الله رزقني بالحمل من بعد طول انتظار .. والحمدلله مرت أشهر الحمل بخير مع بعض التعب واللوعه وغيره .. وكان موعد ولادتي المتوقع 15/3/2005 .. لكن تجري الرياح بما لا تشتهي السفن
في الأسبوع الأول من الشهر الثامن .. بالضبط يوم الجمعه تاريخ 28/1/2005 .. رحنا زيارات كثيره للحجاج .. ويومها حسيت بتعب وثقل مو طبيعي :09:

نمت في الليل ( ليلة السبت ) على أمل يروح التعب .. بعد 45 دقيقه بالضبط صحيت أحس برطوبه .. قمت من على السرير وإلا الماي مال البيبي كله نزل تقريباً .. مثل صنبور الماي المفتوح .. وأنا أصرخ وأنادي زوجي .. وأقول ماي البيبي طلع وقعدت أصيح وأرتعش .. حسيت روحي بردانه وخايفه كثييييييييييييييير :(

المهم أخذني زوجي عالطواريء على طول ورقدت يوم ونص في غرفة الولاده على أمل يجيني الطلق بس بدون فايده .. ماكان في أي علامات للطلق .. وتصوروا خواتي إن الزيارات ممنوعه ويوم ونص زوجي يجيني دقيقتين ويطردونه وأنا نفسيتي في الحضيض محتاجه له ولا أدري شنو اللي ينتظرني :06:

المهم .. حولوني على غرفه خاصه بعد مايأسوا ويأست من الولاده الطبيعيه .. وعطوني ابرتين عشان رئتين البيبي يكتملون لأنهم ما اكتملوا .. وسووا لي سونار عشان يتأكدون الماي اللي بقى كافي ولا يعطوني طلق صناعي .. الحمدلله كان الماي قليل بس كفايه .. بس وزن البيبي كان 1.8 كيلو .. قالت لي الدكتوره لازم تتغذين زين هالأيام عشان يكبر البيبي يوصل لكيلوين على الأقل

ظليت على هالحال اسبوع كامل أحاول أتغذى زين وكانت الحركة ممنوعه علي .. بس روحة الحمام مسموحه وانتو بكرامه ولازم بمساعدة الممرضه أو زوجي .. وليلة السبت بعد أسبوع بالضبط وسبحان الله نفس الوقت اللي نزل فيه ماي البيبي بدأ علي الطلق ..

صحيت من النوم على وخز فضيييييييييييييييييع .. وناديت الممرضه .. قلت لها عندي ألم .. عطتني بندول وحطت علي جهاز فحص الطلق .. ماطلع شي .. قالت لي مافي ولاده .. انتي يمكن عندك التهاب .. بس أنا حاسه إنه طلق .. لأنه بدأ كل نص ساعه يجيني وبعدين كل 20 دقيقه :44:

تصوروا يابنات .. من الساعه 12 الليل إلى الساعه 4 الصبح مو مصدقين إني بولد .. لأنه الجهاز مايطلع إن عندي طلق .. الساعه 4 ناديت الممرضه قلت لها يمكن عندي غازات لأني كل مايجيني ألم أحس إني أبغي أدخل الحمام وانتو بكرامه .. وقتها صدقتني وقالت لي لاااااااااااااااا .. لا تدشين الحمام تعصرين .. وفحصتني طلعت متوسعه 2 سم بس .. يعني قدامي مشوار طويل .. وحولتني لغرفة الولادة .. كنت خايفه ومرعوبه .. اتصلت في زوجي أصيح .. قلت له أنا بولد وخايفه ..
:06:
وظليت على هالحال أتألم وأتعذب وارتعش من الخوف والبرد لحد الساعه 10 الصبح عطوني ابره ونمت .. وصحيت الساعه 12 .. كنت وقتها وصلت 6 سم .. وعطوني ابره ثانيه .. أذكر إن أمي وزوجي كل ماكانوا يجون يطمنون علي أقول لهم روحوا انتظروني بره واقرأوا سورة مريم .. ماكنت أبغيهم يشوفوني على هالحال .. ونمت للساعه 1:45 قعدت على ألم أقوى من اللي قبل وأحس روحي أبغي أعصر .. فحصتني القابله .. وصلت 10 سم .. وبدأت عملية الولاده بعد معاناة 14 ساعه ونص :09:

الحمدلله نزول البيبي ماتعبني واجد لأنه كان صغير .. والخياطة كانت غرزتين بس

الله رزقني ولد صغنون أمور وكان تاريخ الولاده 5/2/2005م الساعه 2:25 .. ووزن البيبي كان 2.25 كج .. لاحظوا بنات .. كله 2 و 5 :)

بنات .. أحلى شي .. نزول الطفل .. سبحان الله .. شعور غرييييييييييييب .. احاسيس مختلطه .. سعاده .. راحه .. فرحه لا تنوصف .. خصوصاً لما حطوه على بطني .. وكان يصيح .. صغيييييييييييير كلش كان مسكين .. وصيحته يادوب تنسمع .. وأنا ماسكه إيده ودموعي على خدي

خذوه مني وحطوه في الحاضنه يومين لأنه كان بردان وأزرق .. ولكن ماجاء بعد الولاده كان أصعب من الولاده نفسها .. :(

بنات .. تعرفون شنو كان سبب الولاده المبكره عندي ؟؟ التهاب بسيط أهملته سبب لي ولاده مبكره

نصيحه مني .. لا تهملون الالتهابات .. تره كلش خطيره عليكم وعلى البيبي .. أول ماتشكين إن عندش التهاب لأن الحوامل معرضين للالتهابات .. روحي الدكتورة واخذي مضاد حيوي .. عشان ماتعانون اللي عانيته

طولت عليكم وايد .. عشان جذي بقول لكم تجربتي بعد الولاده مره ثانيه .. لأنها قصه أطول وأصعب وأمر :06:

كيفكم يا حلوين :30:
بسم الله نبدأ ....
:icon28: احم احم بداية السالفة يا حلوين انى ولدت عملية قيصرية كان موعد ولادتى 22/5/2005 وولدت بتاريخ11/5/2005 يوم الاربعاء وبعملية قيصرية وسبب العمليه ان الطفل كان مستعرض ببطنى اي راس الطفل كان عالجنب ومقعده تحت مما اضطر الامر لان يعطونى المستشفى موعد للقيصرية قبل ان اشتكي بالم طلق واتعب بطلق وتوسع وبعدها عمليه ويصير الم طلق والم العملية المهم كنت باسبوع 38تنومت بالمستشفى وعملو فحص لوزن البيبي كان يزيد عن كيلوين قالو خلاص نستطيع عمل العمليه وصار موعد العمليه صومونى من عشرة بالليل للصباح الساعه 12 صباح او ظهرا :39: خذونى لغرفة العمليات وحطو لي وانتو بكرامة بيب لخروج الابوال بكيس ووضعو لي كمامة اكسجين وبعدها خيرونى بين نص بنج او كامل فطلبت كامل ونصحوني بنص البنج يقولو انه اسهل وتشوفي حين خروج البيبي قلت مابي ابي انام واصحا خلص كل شي اخترت البنج الكامل دقونى بيدي بابرة وخلاص استسلمت للنوم بعدها حسيت حد يكلمنى الا يقولو جبت بنوته تشبه اخوها ربي يخليها ووزنها كيلوين و400 مية بس صغنونه كانهاقمر :icon28:
كانت امى ودكتورة يضحكون يقولو كل هالعملية عشان هالصغنونه كانها لعبة هههه وبعدها نقلونى لجناح خارج غرفة العمليات وبعدها فينى اثار البنج ونمت ومن صحيت اااه عالالم ضليت اون ابغي شي يريحنى من الم العملية عطونى ابرة ونمت وظليت يومين ما استطيع التحرك اجلس احس بالالم واطلب مسكن الم بعدها باليوم الثانى شالو منى بيب كيس الابوال ااه من الم تركيبه ونزعه بس نزعه اهون من تركيبه مؤلم وخلونى اتحرك عشان يكون اسهل علي وساعدونى لكن شفت الموت بكل خطوة وظليت خمسة ايام بالمستشفى واتحرك لكن اتسحب برجلي تسحيب من الالم وااه لو بغيت انزل من السرير اصيح صياح :icon33: ومن تجينى كحة او بغيت اضحك او اعطس احس ان العملية بتنفجر :) عارفة طولت عليكم شسوي ههههههه :) :27: تدرون متى حسيت الالم خف بعد 10 ايام ظليت اتحرك عادي واقوم وانام زي الناس بس في بقايا الم خفيف بس ما يعيق الحركة زي قبل يلا اخليكم طولت عليكم... :angry: بااايو....

هلا والله ومرحبا بأختي UmMaryam
كيف الحال وألف مبروك ماجبتي وأنا والله بصراحه تعبت وأنا أدور عليك وحتى أعرف عنك خبر من أحد.... لما شفتك أنقطعتي عرفت أنك ولدتي ..... ما أدري إذا تذكريني ولا لا أنا كنت معك بنفس اليوم موعد ولادتي 16/3/ 2005
وأنا ولدت بنفس اليوم المحدد لي لكن ولدت بطلق صناعي أعطوني 3 تحاميل طلق وجلست أطلق 15 ساعه .... تخيلي من الساعه 1 الظهر لين الساعه 9 بالليل وأنا أطلق ولا أنفتح الرحم ولا سانتي واحد.... بعدين أعطوني طلقين الساعه 9 بالليل وزاد على الألم ولما جت الساعه 1 الفجر أنفتح الرحم 1 سانتي .... ثم جلست لين الساعه 3 الفجر وأنفتح عندي 3,5 سانتي .... ونقلوني على طول لغرفته الولادته لأن الرحم قام يفتح بسرعه وكانوا مره خايفين من سرعة إنفتاح الرحم لانه خافوا أنه يصير إنفجار أو تمزق بجدار الرحم لكن رحمة من رب العالمين ولدت بعد ماتم 10 سانتي ..... وبعد ما شفت الأمرين .... والحمدلله

شرفت دنيتي بتوته زي القمر لكن الكل يقول عنها صغيره .... أحد يقول كأنها عصفورة وأحد يقول كأنها ميداليه .... وأحد يقول نقطه صغيره ....

وأنا والله أشوفها دتيني الصغيره ..... بصراحه أنا مدري كيف كنت عايشه من قبل ..... لا أنا ماكنت عايشه أنا كنت أتوهم أني عايشه .....
الله يحفضها لي من كل شر يارب ويبارك لي فيها ويجعلني أشوفها في بيت رجلها معززه مكرمه....

يعني بيني وبينك 10 أيام فقط .... تذكرين لما كنت أقولك من فينا الشاطره اللي تسويها قبل الثانيه.... طلعت أشطر منك ياحلوه...هههههههههه
يلا عاد إنشاءالله نتنافس على الثاني .....
أدعيلي ياأختي أنا عندي هرمون الحليب مرتفع وبصراحه أخاف يصيرلي ضعف بالمبايض ولا أقدر أحمل ..... الله يستر يارب.....

طبعا أنا سيتها ((ديـــــــــــــــــــــــــــــــــــمه)) ,,,,
وأنتي وش جبتي وش سميتي ؟؟؟؟
إذا مافيه إحراج طبعا.....