والله تفاعلت :( :( معاكي لأنك نفس عمري والله يفرج عليكي بالدنيا والأخره وما أقدر أفيدك لأنك ما وضحتي المشكله (هل التقصير منك أو من زوجك أو من أم زوجك) أحسك صاخطه على الدنيا ترى ما تسوى جناح باعوضه عند إلي خلقها قوي علاقتك برب العالمين والنهايه ترى حفره وقماش أبيض

الله يصبرنا وحسبي الله ونعم الوكيل
والله يا قلبي العله اهله القشر وحظي الردي وعدم مبالته

السلام عليكم ورحمة الله وبركاته
غاليتي.....
الله يصبرك ويفرج همك وهمي وهم كل مهموم اللهم اااااااااامين....
:26: :26: :26: :26:

أحمدي ربك أختي..أنه زوجك بس يسمع من أهله وماعنده أحد غيرك

بقولك سالفه عسى أنها تخفف عنك وتعطيكي أمل في المستقبل

بقولك سالفه وحده اعرفها عز المعرفه هاذي المره كان زوجها متزوج عليها وبعدين تمت زوجته الثانيه تشيشه على زوجته الاولى حتى تركها ساكنه في بيت اخته ولا عاد يصرف عليها وكان عندها أولاد ومسكينه حتى المصرف ماصرف عليها مع أن الرجال عنده خير ومعروف أنه ولد أصل وكانن الحريم دايما يتناغزون عليها واشتغلت على اولادها وبعدين صار معها بيت بعد ماحنت عليه اخته وظلت تشتغل على عيالها تركها ولاصرف عليها زوجها وظلت تربي عيالها ليما كبروا واتخرجوا من الجامعه واشتغلوا وصار عندها بيت أحسن من زوجاته السابقات طبعا والله لو تشوفينه بس كيف كأنه قصر من حلاته من عز عيالها وزوجت بناتها أحسن من أزواج بناته وعندهم خير ونعمه وولدها زوجة أفضل من زوجات أولاده وصار عندها الخير ولوتشوفين العز اللي هي فيه بس كلمه ماتفارق لسانها ودايما تقولها حتى بوسط حديثها ((لاإله إلا الله)) شفتى أختي من يذكر الله يجعل له مخرجا حتى لو بعد حين فحطي الأمل بعيالك ولا تقنطين من رحمة الله وما في داعي تعصبين بنفسك والله الدنيا ماتسوى وخلي بالك على صحتك مو عشان حد عشان عيالك محتاجيلك والله يوفقك ويهديلك زوجك ويسخره لك..آمين يارب العالمين

والنعم بالله
مشكوره يا قطره ندي