ما بعد العملية ؛ أخبار وأسئلة .

الحمدلله على سلامتك وسلامة طفلك..جعلة الله من عبادة الصالحين

والحمدلله على كل حال..

العملية القيصرية أشد آلم وأطول فترة نقاهة..

وقد يمتد الآلم معك لمدة شهرين لكن بيكون أخف مع مرور الوقت..

بحكم تجربتي أنصحك..

* بالحرص على غذائك وأكل الأكلات الشعبية المفيدة..

لأنها هي اللي بتساعد الجرح يلتئم بسرعة..

* عليك بالحلبة..وبصراحة كثيرين لخبطوا متى ياخذونها..

لكن تجربتي تغنيني عن ألف كلام..لذلك خذيها من اول يوم ولادة ولمدة شهر وأكثر..

ملعقة مطحونة كبيرة يومياً كليها بأي طريقة ترغبين..كسفوف أو تذوب مع الحليب

أو في حساء اللحم أو......الخ

عني أنا كل ولادتي أكل الحلبة من اول يوم..

ولا لاحظت إنها مسببة لي شي..لأني أهتم في نظافتي بشكل

حتى ما أعطي الميكروبات والإلتهابات مجال تلعب بي..

* جرحك أطبخي مرة في ماء لين يصير لونها أبيض..وبقطنة نظفي جرحك..

أحرصي على نظافة الجرح وتجفيف مكانة منعاً للإلتهابات والصديد..

سواء فترة النفاس أو في الأشهر الأولى..

مافية فرق بين نفاس القيصرية وغيرها..تعاملي نفس الشي..

بس أحرصي على نفسك من الحركة..أو من الثقيل حتى يلتئم الجرح..

وحمل الطفل عادي خلي تحتة وسادة ترفعة لك..ورضعية عادي..

بس أنتبهي لحركاتك..

لأني أنا مثلاً كان سرير ولدي شوي مرتفع عني ومع اللف الخفيف

ومحاولة أخذة حسيت بآلم أستمر معي أسبوع..

فا أضطريت أنام بالأرض وهو جنبي أريح لي..

__

غاليتي الأمر عادي جداً لكن صدمة القيصرية هي اللي تروع..

أحرصي بس على الجرح في الحر ومع العرق..

غسلية ونشفية أكثر من مرة في اليوم..

الله معك ويساعدك ويشفيك.

الحمدلله على السلامة حبيبتي زوجة زوجها...

الله يخلي لج البيبي إن شاء الله... مشكووووووووووووورة حبيبتي على مشاعرج الطيبة...
وما بيسهلها إلا الله سبحانه وتعالى... وهذا أنا في إنتظار حمودي باقي أيام معدودة ويجي موعد ولادتي مع أني توقعت أولد بسرعة.... بس الحمدلله على كل حال...
الله يكتب له الساعة الطيبة...

بالنسبة لأسئلتج الغالية جاوبت عليها الأخت ونة خفوق وما قصرت... تعرفين عاد أول ولادة بعدني ما أعرف لا طبيعي ولا قيصري... والله يساعدج إن شاء الله ويخفف عليج حتى تقومين بالسلامة إن شاء الله...


تحياتي :26:

الحمد الله على سلامتك اختي وعلى سلامه المولود ويتربى بعزكم انشاء الله :26:


بالنسبه إلى اسئلتك اختي ......في العمليه لازم يكون هناك خياط داخلي بس الخارجي بيكون على حسب نوع العمليه يعني عمليه الكبس مابيكون هناك خياط مجرد كبس الجلد على الجلد.. وعمليه اللقطه بيكون فيها خيط ويقولون انه لخياط افضل من الكبس لان الكبس يمكن ينفتح الجرح واهم شىء انك ماتحملين شىء ثقييييييييييل


على حسب ماسمعته انه النفاس سؤاء كانت الولادة طبيعيه او قيصريه بيكون نفس الشىء ......بس انا بصراحه شفته غير لانه بولادتي الاولى كانت طبيعيه واستمر النفاس معي عشر ايام او اقل بعد .....اما ولادتي الثانيه بعمليه استمر ولازال معيي اللحين شهرين وزيادة -.......مع انه اقل من الطبيعي إلانه مطول معي ومثل ماقالت الدكتورة شىء طبيعي مع تغيرات الجسم


الحركه اختي ضروريه حتى يلتئم الجرح في وضع سليم يعني لما توقفين لازم تكونين
مستقيمه وغصبي على نفسك انك كل يوم لازم تمشين شوي وبالتدريج زيدي المسافه اللي تمشينها ..



بالنسبه الى للألم تحسين بين الفترة والثانيه بوخز مكان الجرح ......حتى بعد مرور اشهر وهالشىء طبيعي ولاحظي اختي انه اذا كان الجو بارد راح تحسين بالم وانا احس بالم بعد لما اجلس فترة طويله
واهم شىء اختي انك دايما تخلي مكان الجرح جااااااااااف ونظيفي مكانه كل يوم بواسطه البيتادين او الكحول


بالنسبه الى الرضاعه خلي راس طفلك بحضنك وامسكيه بيديك من تحت وخلي رجليه تحت على السرير يعني بس راسه بيكون انته ماسكته .......انشاء الله تكوني فاهمتني اختي






ومره ثانيه الف الحمد الله على سلامتـــــــــــــــــــــــــك

:26: :26: :26:

السلام عليكم ورحمة الله

الحمدلله على السلامه ومبروك ماجاكم

الله يرزقك بره

ويشافيك ويعافيك من آثار العمليه

أهم شي قومتج بالسلامه أنت والبيبي

والحمدلله على كل حال

حمد الله على سلامتك اختى و الله يهون عليك

اهم شئ انك توقفي مستقيمة و غصبي علىنفسك لكي ياخد الجرح مكانه مستقيم لاني سمعت وحدة ما كانت تقدر توقف مستقيمة و لما التئم الجرح و لما تبي توقف ظهرها عدل ما قدرت و راحت للطبيب و عاود لها الجرح تاني ارجو انك تكوني فهمتي كلامك