مدخل وفاء ..}
أنا الغريق اللي غرق في مياهك
............. وانا الشجاع اللي طعنته ولا خان
وانا الوحيد اللي سمع صوت آهك
.............لا صرت بـ احزانك تبي وقفة انسان
لو كنت تدري عن شعوري تجاهك
.............ما كنت تسقيني مهانة وخذلان ..!
السواد اللي على جفوني من آثار سهري
.......لو عرفتي كيف كحّلني به الليل المرير
كنت لا جا الليل قلّطته على الجفن الطري
.......لين نصّبني السهر لعيون خلق الله سفير
وان نفاني للسهر يا مترفه حكم قدري
.......هالسهر يا ما نفى لي من ضحاياه الكثير
والبياض اللي تشوفينه تنامى بشْعري
.......من مظاليمه هلال اعرج ونجم ٍ مستجير
يا رُفات الطيش في تابوت الاحلام البري
.......من خذلني بالبدايه كيف اصونه بالأخير
ما بقى لك غير بعضي واستميحك باكثري
.......ضاع مثل النور لما ضاع عن عين الضرير
مثل ما ضاعت عصافيرك عن اغصان شجري
.......مثل ما ضاع الامل عن صبح شباكي الصغير
وما بقى لك غير سالفتي وشعري وصوري
.......سولفيهن للشموع الحمر والفرش الوثير
للستاير ، للأساور ، للحاف ، السكّري
.......للهدايا ، للتحف ، للمزهريّه ، للسرير
واوعدك وقت الحصاد اتجاهل الجوع العُري
.......بس لاجل اكتب حروف اسمك بحبات الشعير
ولاجل اعلّم هالزمان المستبد العنصري
.......كيف يحتاج الغني لخبزة أحساس الفقير
مخرج طوارئ ..}
للي يبي بعدي...أنا ماني قريب
..........هو ماربحني، وإلا أنا ماخسرته !!
عيوني للحزن معنى @aayony_llhzn_maan
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
لاتحرمينا جديدك يالغلا..
تقبلي مروري بود..