ما تركز عليه تحصل عليه

لكل من أحلام والكل يريد ان يتميز ويصبح شخصيه ناجحه يحتذي بها الأخرين ولكن القلة منا من يصل لهذا النجاح لماذا ؟!!!
الجواب بسيط لأنهم يوجد لديهم دافع يدفعهم للوصول دافع داخلي والحماس والاصرار هي الطرق للوصول للهدف مثل لو كنت ابي اوصل للاداره واصير مديره الدافع حقي هو اني ابي يكون لي مركز اجتماعي الهدف هو الأداره وموجود عندي حماس واصرار الى هنا حلو نبدأ بالخطوه اللي بعدها الا وهي التخطيط وهي اهم شي هنا اذا خططتي صح بتوصلين باذن الله بأسرع وقت يقول براين تريسي ( كل دقيقة تقضيها في التخطيط توفر عشر دقائق في التنفيذ )
شفتي لو انك خططتي صح بتوصلين بأذن الله وبتنجحين رغما عنهم لا وابقولك شي اذا وصلتي واعنتي نجاحك وقوتك وتمسكتي به وطورتي منه اعداءك بيضربون لك تحيه مهب حب لك لا خوف منك خلاص فرضتي شخصيتك رغم عنهم وانا كتبت هالموضوع في هالقسم عشان الاشياء اللي كل يوم نقرأها هنا
هنا بقولكم اللي تعلمته وقرأته والتجارب اللي استفدت منها :
شوفي يا اختي اللي زوجك بيتزوج عليك او اللي متهاوشه مع زوجها او اللي بتتزوج او حتى البنت حطيها حلقه في اذنك
انتي لازم تحطين لك هدف وخطه مهب هدف وخطه للحرب :35: لا لا هدف وخطه للنجاح يعني لو انتي مقدمه على الزواج وش هدفك تبين تكونيين مجرد مزهريه اضافها للبيت ولا شغاله تقوم بالتنظيف واللذي منه ولا انسانه تدخل مهب البيت بس لا تدخل حياته كلها وتقلب فوق تحت ويحسب لها الف حساب
ويشتاق لها ويحترم رأيها وتكون كيان لها احترامه وتقديره وحشمته ؟!!
حددنا الهدف اللحين لازم نرسم الخطه ياحبيبتي مع عفشك اللي ترتبينه للزواج رتبي عمرك وتثقفي وانا هنا عندي نقاط انا معتمدتها في حياتي كلها
1_لاتشتغليين فوق طاقتك يعني لا تتعبين نفسك مره لا اشتغلي الشغل اللي بقدرتك ولا تسمحيين لها يرمي وانتي تخمين وراه بس طبعا مهب بالهواش لا بأسلوب حلو .
2_لا تطوريين من نفسك ولاتغييرين من شكلك عشانه يا تتغيريين عشان نفسك او لا لان اذا سويتي عشانه بتستنيين المدح والشكر والثناء واووو ياعمري وش ذا الزين واللذي منه واذا ماقال لك بتحبطيين وبتقولين جعله العمى اتزيين واقرأ ومايشوف وشو لها اجل ماعدا بسوي شي وهنا بيوقف شغلك على نفسك وهذا غلط بيشوفك ناقصه وبيدور على غيرك وبتكثر نقاط ضعفك وبتقل خبرتك وبتكونيين موقفه على حقبه زمنيه معينه .
3_لا تحسسينه ابدا أنه مركز السعاده الوحيده لك لانه بيعرف وبيقول خلاص ماراح اتعب نفسي لها هي اصلا بتجي من نفسه وبكذا بيدور احد غيرك عشان يتعب معه ( يدورون الشقا ) خليك انتي مصدر سعاده لنفسك اسعدي نفسك بنفسك .
4_حبي نفسك حبي شكلك وكل شي فيك يعني لاتقوليين يوه أنا خشمي كبير ولا أنا بطني كبير ولا انا قصيره لا قولي أنا جميله وانا حلوه وخلقني ربي كذا لان هالشي يناسبني قال تعالى ( لقد خلقنا الانسان في أحسن تقويم ) ترى كلنا حلويين وكلنا عندنا جمال بس فيه ناس تحب نفسها وتعرف نقاط جمالها وتلعب عليها وفيه ناس لا تحبط نفسها بنفسها .
5_ لا تضعيين نفسك في مقارنه مع اي احد سوا فنانه ولا اخته ولا اي احد قولي أنا فريده من نوعي .
6_عدوك يستمد قوته من ضعفك لاتبيني نقاط ضعفك بقدر الامكان خليك متحفظه على هالشي لانه لو عرف هالشي بيلعب عليه وكل ما زعلتوا بيربطك به يعني لو انتي ماعندك ظهر وتخافيين من الطلاق لاتبييني هالشي لا كل ما زعل بيهدد بالطلاق وتخسريين انتي لا بس لو هو مايعرف انتي هنا بتقدرين تجيبين راسه بدون اي خسائر
7_لا تكوني كتاب مفتوح كل شي تخبرينه فيه لا خلي لك شوي اسرار وبعد مع الزمن حي لك اسرار جديده لان كل ممنوع مرغوب
8_لاتعيشيين يومين وراء بعض بدون مزح او للعب لا العبي وامزحي وغيري من روتينكم اليومي كل بين فتره والثانيه .
9_جعلي من زوجك هو ربان السفينه وهو البطل وهنا بتستفيديين شييئين وهم بعض المسؤوليات بترتاحيين منها والثاني بيجيب لك اللي تبين من دون نكد
10_ لاتسويين نفسك طرزان في كل شي لا كذا غلط حسسي زوجك بضعفك الجسمي وليس العقلي والعاطفي يعني لو اطفالك تهاووشو وهو موجود وبدا الطقاق بينهم سووي نفسك كأنك تتدخلين وبعديين سوي نفسك تعبتي منهم وقولي له ساعدني في عيالنا عجزت افكهم وعاد مع بعض التمثيل الجدي وكذا وهنا هو بيسوي فيها قرند ديزر ويجي يفكهم .
11_ فيه أشياء لاتساوميين فيها ابدا :
أ_استقرارك العاطفي
ب_ثقتك بنفسك
ج_كمال شخصيتك

12_ اغراضك الشخصيه من عطور وكريمات ولوشنات ومقشرات وهذي الاشياء لاتتركينها قدامه خليه يحس انك معجزه سويتي شي بطل .
13_ اذا تهاوشتوا لا تتركيين مسؤلياتك عشان انتي زعلانه لا كذا بتفتحيين عليك جبهه للحرب وبيقول انك منقصه من حقوقه ايه لاتستخفيين بها الشي ترى هم مايشوفون اللي سويتيه امس لا يشوفون الاشياء القريبة المدى بس وهذي صفه حلوه عشان لو انتي كنتي مخبصه من قبل تقدريين تتغيرين وتثبتين هالشي في مخه .
14_ اذا كنتم جالسيين جلسه رومنسيه خليك حمل وديع بس لو كنتم جالسيين جلسة مصارحه فسري عن مخالبك
واخيرا اتمنى لكم حياه سعيده ورديه احبتي