ما تصدقوا اشكان مخبا تحت شعر بنتي ...

اول شي بنتج كم عمرها ...؟؟
بس احتمال اتكون ثعلبه ... لازم اتودينها للطبيب..

اذا هي طفلة صغييييييييرة مرة عادي لسه مانبت لها شعر في كل المناطق ويمكن هي تنام على هالجهة اكثر شئ ....
الا كم عمر بنتك؟؟؟؟<<<<< ملقوفة هههههههه

اما اذا كانت اكبر فلازم تعرضينها على الدكتور يمكن ثعلبة لا قدر الله وممكن تنتشر اذا ما عالجتيها بسرعة او تعدي احد ثاني لا سمح الله

أعتقد والله أعلم أنها ثعلبة، لأن زوجي سبق وجته الثعلبة وأتذكر راح لدكتور جلدية وعطاه شي مثل العايدين إذا تعرفونه الأحمر مال الجروح، يفرك به ودوا ثاني بعد وراحت.....
وبعضهم يجرحون المنطقة ويفركونها بالثوم وتروح على طول........
ماعليها شر بنتج ترا السالفة هينه إن شاء الله

لازم اختي تودينها للدكتور لو انا مكانك من شفتها وانا رايحه وطمنينا عليها وانشالله ماشوف شر

كيف حالكم يا بنات

والله اني ما قدرت اصبر رحت لدكتور جلد و كشف على المنطقة اشتتوقعوا طلع بنتي و الله انكم صادقيين هي الثعلبه و انا مومصدقة لان بنتي بعدها صغيرة الله يحفظها شهرين بس .. الدكتور يقول انه عادي لانها تختلف عن ثعلبة لكبار و علاجها سهل بالمره و يقول احتمال تكون مصابة بالثعلبة من هي في بطني لان طبيب الاطفال ايلي يكشف بعد الولادة يمكن ما لاحظها ... و يقول انها تصيب بدون سبب بالنسبة للاطفال .. و صفلها كريم و شامبو

الله يشفي بنتي و يحفظها ادعوا لها يا بنات

اختكم

روضة