ما تصدقون قصتي ؟؟ تعالوا احكيها لكم

انا اخر دوره لي كانت في11-2 -1428 هـ
تمام
وقتها استعملت خلطة عيون وليد الله يجزاها خير
حللت هرمونات ثاني يوم الدوره والحمدلله طلعت ممتازه
حللت هرمون البرجسترون في اليوم 21 من الدوره وكان جدا ضعيف
و رحت عند دكتورتي اللي بالسعودي الالماني و وريتها التحاليل
وكنت يومها في اليوم 26 من الدوره يعني باقي اربعه ايام واكمل شهر وتجي الدوره (( اساسا دورتي غير منتظمه ))
قالت لي انتي جايه متاخره لو انك جايه في يوم 14 من الدوره اشوف التبويض عندك يكون افضل قلت ((قدر الله وما شاء فعل ))
قالت اطلعي على السرير ابي اشوف المبايض عندك
المهم طلعت على السرير واستعملت السونار المهبلي وطفت الممرضه النور
فجاه صرخت الدكتوره خوفتني ((ماشاءالله ماشاءالله )) وانا اصكر رجولي على بالي انه حمل وهي مدخله ذا السونار فيني قالت (( انا دلوقتي باشوف بويضه حجمها كبير 18 و ديه جاهزه حتنفجر لازم التلات ايام ديه جماع )) (( وان شاء الله حيصير حمل انتي التبويض عندك متاخر بس انه ممتاز وما تحتاجين اي منشطات وبطانة الرحم ممتازه )) حللي بعد اسبوعين
انا ما صدقت بس فاتحه فمي مثل اللي ماهي مصدقه
والحمدلله رحت البيت وانا النفسيه تمام التمام
وكملت اسبوعين يوم الاثنين اللي راح
بس ما حبيت استعجل قلت خلني اتريث شوي
وحللت يوم الجمعه الصباح وشفت خط خفييييييييييف وفرحت وحمدت ربي وشكرته
وكل شوي اطالع ذا الخط الخفيف واتخيل بطني يكبر ويكبر و اولد و اجيب بنوته لا واخترت لها اسم بعد
المهم قلت ماراح احلل دم الا يوم الاربعاء الجاي ان شاء الله (( وحده واثقه ))
و اليوم الفجر :( وادخل الحمام وانتم بكرامه الا واشوف الدم اللي نازل علي لونه احمرررر
انا انهبلت
وقعدت اصارخ ورحت وصحيته قلت قوم انا ما ادري وش فيني ما ادري دوره ما ادري نزيف ما ادري تسقيط
طالع فيني شوي بعدين قال لي ((دوره)) بس روحي
انا ما ارتحت قررت اغيب عن الدوام وطلبت منه يوديني الساعه 8 الصبح للمستشفى اللي قريب من عندنا ابي احلل دم
وقالت لي الممرضه الساعه 9 تطلع النتيجه لان المختبر لسه مافتح
قلت طيب
و سويت التحليل ورجعت البيت
وكل شوي ادق عليهم من الساعه9 الى الساعه10 ما احد يرد احرقوا اعصابي
و زوجي :arb: قاعد يقول اول مره اشوف وحده تسوي تحليل حمل والدوره عليها
الحمدلله على كل شيء اذا هي دوره تقدرين تروحيت تسوين جلسة ليزر لوجهك (لاني لي فتره اسوي جلسات ليزر ) واذا هو حمل راح نتعب لانه نزل عليك دم ( يعني حاط كل الاحتمالات )
وانا بس اطالعه بعيوني وانا ساكته اخر شيء ردوا علي وقالوا النتيجه تبان العصر لان المختبر ما راح يفتح الا العصر

اخر شيء حمدت ربي وشكرته وصار عندي احساس انها دوره

دعواتكم الشهر هذا اصير حامل