ما تعرفيش الأتون للبشره؟ يبقى ما رحتيش للعطار

السلام عليكم ورحمة الله وبركاته

أزيكم يابنات أن شالله دايما حلوين ومنورين وزى القمر
أنا عضوة جديدة وسعيدة جدا أنى أنضميت للعيله الحلووووووووووة أوووووووى دى فرحانه بيكم كتير بنات وستات ومشرفات :41:أيوه كده برافو للبنت العربية اللى من أول الزمان وأسرار الجمال ووصفاته بين أيديها . أحنا على طول حلوين وكمان طعمين واللى مش عارف ييجى هنا ويعرف ويتعلم:42:

أنا حبيت أشارك معاكم بوصفة خطيره وأنا شخصيا مواظبة عليها
وصفه سهله ورااااااااائعة لتبييض البشره وشدها و لنعومه فوق التصور
سمعتو عن حب الأ تون وفى ناس تقول عليه أتون بس.ده عباره عن حبات صغيرة تشبه للسمسم بالضبط بس لونها بنى غامق.دى موجوده عند العطار ورخيصة

1* تاخدى 2 ملعقه طعام من الأ تون فى طبق مجوف (طبق شوربه) وعليهم 5 ملاعق طعام ماء أو زياده شويه
2* تخلطيهم وتقلبى كويس لحد ما تلاقى الخليط بقى زى الجيلى وملمسه لزج و مطاطى شويه وممكن قبل ما تقلبيه تسبيه 5 دقايق عشان الميه بتطلع اللزوجه اللى فيه ويبقى أسهل فى خلطه وتقليبه.

3*تفرديه على الوجه بضهر المعلقة أو ب استيك (اللى بيحطه الطبيب على اللسان عند الكشف على الحلق) أو بأيديكى. أنا باستعمل ضهر المعلقه لأن أيدى لما بافرد بيها بتكون لزجه شويه وبيلزق فيها الخليط

3* تسيبيه لمده ساعه على وجهك ورقبتك لحد ماينشف خالص تشيليه بأيديك وبعدين بالماء وفى الآخر بقطنه مبلله بماء الورد تمسحى وجهك

وروحى ع المرايه ومش هتعرفى البنت الناعمه اللى بشرتها صافيه زى ورق الورد اللى بتبص علبكى فيها:27:

*** أحيانا كنت باخلط مع الأ تون السعد (اللى بيمنع طلوع الشعر) لأن السعد المطحون بيكون بودره ولما باحط الميه عليه بيبقى سايل شويه وممكن يتمسح بسرعه , الأ تون بيديه قوام متماسك وعلى فكره ( السعد لما بيكون صالح للأستعمال بتحسى بشكشكه أول ما تحطيه على جلدك وده عادى لأنه بيدخل يحرق بصيلات الشعر) باقول يا حلوات شكشكه مش حساسيه واحمرار عشان لو بشرة حساسه لكنى متأكدة أنه صالح للكل لأنى أنا أصلا بشرتى حساسة


بخصوص ماسك الأ تون باستعمله مرتين فى الأسبوع. وبيكون رائع لو أتعرضتى لشمس ومضايقك السمار وممتاز بعد المكياج وبصراحه فى كل وقت

:11:معلش نسيت أقول قبل مانستعمل الماسك ياريت نكون منظفين البشره بسنفره أو حتى بميه فاتره وصابون البشرة الخاص

أتمنى أكون أفدتكم و تجربو وتدعو لى:02:

.