الحمد لله على سلامتك وسلامة البنوته
تدرين.. ذكرتيني بنفسي مع بعض الفروق
لما كنت حامل كان الكل يتوقع اني بولد شي.. وولدت وجبت شي معاكس لتوقعاتهم
انا لمن شفت ولدي انصدمت بس كتمت في نفسي.. واللي حولي نفس الشي لما شافوه
ماحد يعلق وانا كنت افهم من نظرتهم انهم مستغربين شلون هذا ولدي؟؟!!
لليوم أتذكر وجه اختي لما شافته ؟؟!!!
كبر الولد ومن خلصت الاربعين بدا يحلو بس انا بقى في بالي ان ولدي مو حلو وسلمت أمري لله
وحمدت ربي على الصحه والعافيه..
وكل ماكبر يحلو وانا اقول الحمد لله بس ما زلت اشوفه طفل عادي .. لما صار عمره 6 شهور صديق ابوه كان يموت عليه ودايم يقول عنه قدامنا انه يجنن وانا اقول في نفسي يجاملنا.. وفي يوم زوجة صديق زوجي تقول ان زوجها في البيت يقول يارب ترزقنا ولد قمر مثل ولد فلان... هالكلمه كان وقعها علي مثل اللي كنت نايمه وصحيت..
اكتشفت ان ولدي مو بس حلو الا قمر وان انا ما كنت طبيعيه كنت اشوفه عادي وهو ماشاء الله عليه
كل من شافه يسمي عليه من حلاته.. وانا اظن انهم يجاملوني
لليوم لما اتذكر هالسالفه يأنبني ضميري وأستغفر ربي وأحس اني ماقدرت هالنعمه اللي عندي
واني ماكنت أم طبيعيه؟؟
الحين عمره تقريبا خمس سنوات وماشاء الله عليه يلفت النظر في أي مكان نروح حتى اني اخاف
عليه احيانا من عين الناس
طبعا بتقولين انا امدحه لاني أمه بس والله يشهد انه طفل مميز وملفت للنظر من جماله..
تصدقين.. لما صار عمر ولدي سنه اكتملت ملامحه زين وصار قمر اختي اعترفت لي انها لما شافته
انصدمت وقالت في نفسها شلون انا جبت مثله؟؟؟ بس ما قالت..
والحين دايم تدعي انها تجيب مثله والحوامل بعايلتنا يجيبونه ويجلسونه قدامهم ويدعون انه ربي يرزقهم مثله.. صار ولدي ملك جمال أطفال العائله مع ان أطفال عائلتنا كلهم ماشاء الله عليهم جمال
مش طبيعي...
أدري كثرت عليك كلام بس حبيت اكتب لك تجربتي وتشوفي انك في حاله طبيعيه ومؤقته وهذي حالة مابعد الولاده.. بس ربي يفرج عنك وما تطول عندك مثلي..ههههه
خلي بالك من البنوته وربي يخليها لك ويرزقها حسن الخلقة والخلق ويفرحك فيها ..

شوفي انا بنتي الاولى طلعت حلوة بس التوأم طلعوا سمر مرررررره على ابوهم ومو حلوين وكنت من جد حزينه (حاسه فيك ) وخصوصا انهم توام وكل الناس كانوا يستنوا ولادتي وكان نفسي في ولد

بس سبحان الله((اللهم لا شماته انما عظه وعبره)) جاره لنا ولدت بعدي جابت ولد ابيض مرررررره
بس عنده متخلف وعنده في جميع اطرافه 6 اصابع الله يصبر والديه يا رب عندها حمدت ربي

ولدت للمره التاته (قولوا ماشاء الله هههههههههه) جبت بنت بس بيضا وحلوة مررره


تدرون اش نغص فرحتي وحده من التوام عمرهم دحيم 4 سنين قالت لي لي ((ماما لونيني زي لون لولو))

يا الله مره حزنت بس اتداركت الموقف وقلت لها ((انتي لونك يجنن لونك شوكليت عشان انا احب الشوكليت قلت يا رب يجي ططفلي شوكلت وانتي جيتي كدا)

الحمدلله اتقبلت الموقف حاليا بس اكيد كل ما تكبر بتعرف لان الفرق في اللون مرره بينهم وبين اختهم الرضيعه

قررأت الموضوع كاامل .. بصـراحة ردود البنات حلووة .. كل وحدة تقول قصتها هههه .. ماشاء الله الله يحفظ لكم أطفالكمـ..^^..

يا عمري لؤلؤة خجولة .. الله يحفظ لكـ بنتكـ.. وهي توها صغييرة .. تكبر وتتغير ..^_^..
بكرة بتكتبين موضوع كيف أحصن بنتي من العين .. من جمالها خخخ ..^_^..

انتظري عليها شوي... راح اتحبينها وراح اتكون الجمل الجميلات في عيونك...
وترى الطفل كل يوم شكل.. وراح تكبر ... وتسمن... وتطلع ملامحها عدل... وراح تكون جميله... مب بس في الشكل .. لا بل في الخلق ... تعوذي من ابليس... انتي للحين في فترة النفاس.. والنفاس مع الكئابة وكره كل شي... تعوذي من ابليس .. وكلمي اي احد ترتاحين لراية في عيلتك ...

استغفر الله العظيم
اختي العزيزة قولي الحمدلله
في غيرك يتمنوا ريحة الاطفال
واحمدي الله انها سليمة متعافيه يعني مش مشوها او معاقه او فيها مرض
والجمال جمال الروح و الاخلاق و التربية لا جمال الشكل

وعلى العموم هي لمن بتكبر بتتغير تماما