اذا ماتشتكين لنا تشتكي لمين نحنا هنا اخواتك والانسان دائما يحتاج انسان مايعرفه عشان يفضفضله بس انتي انتبهي تبيني لاحد حزنك وبيني انك مبسوطه فيها وبتموتين عليها ترى قيمتها في عيون الناس تجي من قيمتها عندكم والله

الله يخليلك بنتك يازوجه رقيقه ويعافيها ان شالله ماعليش لاتقسي عليها ابن ادم معروف انه طماع

نفسي اوريك صور اولادي وعمرهم من الولاده الى 4شهور
بعدين الفرررررررررررق صورهم من 6 شهور وفوق
والله حتى الممرضات بعد الولاده يضحكون من ولدي بالانجليزي يحسبوني ما افهم خشوم مفغوصه و كبار وروس اكبر وما فيها شعر وسمار على حمره
واللي جنبي ولدها يزنن ما شاء الله صغييييير وشعره اسود طويل ونعوم
بولدي الاول جاني زي اللي جاك لا واكثر بعد لان عندي اختي نفاسنا سوا
بنتها مملوحه وناعمه وصغيره
وولدي المحترم الكل يطالعه ويقول ما عليه الولد مايضره الشكل
لكني ولله الحمد ميزته باللبس والاكسسوارات والعطور الناعمه والنظافه الزايده ولا سمحت لاي احد يتكلم
ما اخلي فرصه لاي احد اقعد امدحه من يجون لين يمشون علشان يستحون
ومع الثاني سويت نفس الشي بس كانت نفسيتي احسن لاني اقول ان شاء الله يطلع زي اخوه
لان شكله وهو مولود نفس اخوه بالضبط
بس ما شاء الله تبارك الله الحمدلله صاروا يهبلون بشهادة الكل حتى الممرضات لما اوديهم للتطعيم
ياخذوهم ويبوسوهم والمضحك بعد الخشونه هذيك كلها يسألوني ولد او بنت

ملاحظه.. ودي اروح لقسم الولاده اوريهم ولدي ومعي صورته قبل واقول لهم لاعاد يسبوا طفل قدام امه لو بالفلبيني حسبي الله عليهم حطموا نفسيتي

يقولوا القرد في عين امه غزال
لاتحكمي عالبنت لسه صغيرة مابانت ملامحها
اصبري عليها الين تخلص6 شهور واحكمي بعدين
وترى اسلوبك راح يأثر عليها في المستقبل وراح يهز شخصيتها وثقتها في نفسها
يعني اذا انتي ماحبيتي بنتك راح تطلع عدوانية وماتحب نفسها
واحمدي ربك على النعمة
ناس كثيرة محرومة منها

لا تخافين بيعزها ربي باذن الله .. ولد اختي اول ما اولد ما تصدقين صراحه شين شويه عليه اسسسسمر وعيونه كأن فيها حول وافطس وبراطم مع ان اختي حللللوه .. وكانت تسمع انواع التعليقات .. يوم صار ولدها سنتين والله ما اكذب عليك صار ملك جمال والكل يتكلم فيه ورفعه ربي على الكل

وعاد معروووووووف اللي حلو وهو صغير يصير عادي او شين اذا كبر وشوفي اللي حولك ولاحظي