بصراحه احسن شي للشعر الحنا وتخلطين معاه زبادي يطلع شعرك نااااعم وصحي جربي بس مره وبتدعين لي
لانك اكيد ماراح تصبغينه وهو تالف صح؟ مالك الا الحنا
وفيه احد يقول تحطين بيضه مع الحنا علشان التقصف يروح بس ماجربت

وجربي غيري الشامبو حقك اكيد هو السبب لان دايما الشامبو هو اللي يخرب الشعر مهما حطيتي زيوت وخلطات مايفيد مادام الشامبو مو زين..استخدمي شامبو دوف مع بلسم دوف كلمة روعه شويه عليه اليوم روحي جربيه هو والبلسم وقولي لي وش صار

وشوفي اكيد عندك نقص فيتامينات الظاهر فيتامين ب المركب هو اللي خاص بالشعر

مرحبا اختي بحرينية قمر :

اذا تبين نصيحتي لا تقصين شعرج لان هذا مش علاج للتقصف .. و بيرد يتقصف لان انتي الشعرة نفسها من البصيلة فيها مشكلة فكل ما بتقصين شعرج راح يرد يتقصف ...

اذا تبين بالفعل الحل جربي السدر مع الروب و عصير ليمونة .. خليها في شعرج المدة الي تقدرين عليها .. اسبوعيا
و بعد كل مرة تحطين السدر حاولي تزيتينه لانه السدر يجفف الشعر بس بعد الغسل .. لكن بعد ما تزيتينه بيرجع تمام .. و لا تنسين تدعين لي

صدقيني هذا حلج انا عرفت طريقة شعرج و ليش ما قاعد يستفيد من الزيت .. و على فكرة انتي من النوع الي السيريم ما ينفع لج لان شعرج مش من النوع الي يمتص الدهن ..

اتمنى اكون وضحت لج الصورة الصحيحة :)
و سلام

Bـــدر الـــBـــدور:أنا في شي محيرني احين انتوا تقولون لي ابتعدي عن السشوار بس في وايد بنات يستشورون شعورهم دايم و ما فيها شي لمعة و طول و ما شاء الله شعورهم اتينن ودي اعرف بس وين الغلط عندي؟ و بعدين اي طبيبة ممكن اروح لها؟ قصدي من هم الاطباء اللي مختصين في هالنوع من مشاكل الشعر؟:06: و انا مثل ما قلت اغسل شعري مرتين لأنه جاف و كثرة الشامبو و الماي مب زينة له حتى انه وحدة فلبينية تشتغل في صالون تقول الشعر الجاف ما لازم ينغسل الا مرة بس انا ما أقدر طبعا فمرتين و احس انه وايد زين بس مو تفكرين اني مو نظيفة و ما تهمني نظافة شعري بالعكس انا وايد مهتمة فيه :( مشكورة على مرورك و جزاج الله كل خير :26:
!i! سكر نبات !i!:هلا اختي فكرتج زينة خصوصا انه الحنة تغذي الشعر صج انها مملة و يبي لها بارض بس شنسوي من يبي الدح ما اعرف بقية المثل المهم انا وايد استعملت شامبوهات بعضها من ماركة نزيه و اهي وايد معروفة و شامبو دابر فاتيكا و احين استعمل جارنيير ان شاء الله بستعمل دوف و تستاهلين الدعوة حبيبتي حتى لو ما فاد معاي يكفيني مرورج الحلو الله يوفقج ان شاء الله :26:
I.S.A.O: وييييييينج من زمان اختي تصدقين اليوم قاعدة افكر بمشكلتي العويصة مع شعري و كنت اتمنى بيني و بين نفسي انج تردين علي لاني متابعة مواضيعج في قسم الشعر و حاسة انه عندج خبرة وممكن تفيديني :06:
والله انج صادقة انه كل مرة اقص شعري عشان يروح التقصف بس ما في فايدة يرجع يتقصف من جديد !!! و لا كأني سويت شي بس اذا ما عليج امر ممكن تعطيني المقادير بالضبط؟ و الليمون ما بيجفف شعري؟ و الله انج صادقة ازيت شعري و اغسله و استشوره لكن ابدا و لا كأني مسوية شي :( الله يوفقج دنيا و اخرة و ينولج كل اللي في بالج يا الغالية

السلام عليكم بنات كيفكم وش مسوين
اهلين اختي قمر بحرينية شوفي اختي لما تقصين شعرك روحي حق العطار واشتري منه (زيت السمسم)
وحطيه في شعرك قبل الإستحمام بساعة ولما تستحمين استخدمي شامبو صانصلك بالبيض وراح تشوفين اللمعة
طوالي أنا مرة استخدمه دايماً لي ولبنتي ومرة قالتلي بنتي شوفي ياماما الخط الأبيض على شعري ..تقصد اللمعة
مع لإنها لسه صغيرة لكن لاحظت اللمعة اللي في شعرها . :27: :27:

قمووووره عيوني الطبيب الي تروحيله مال الجلديه باجر تحجزين على طووووووووول ما في حل غير جيه صدقيني
وبعد ما تاخذين العلاج على اقرب صالون ويكون المقص يديد من عندج لان المقص الي استعمل في اغراض ثانيه غير الشعر يسمم الشعره !!! وقصي التقصف من عييييييييييييييييييينه
وبعدين دام شعرج في الاصل جاف يا عمري لازم بيتقصف مع السشوااار
فالي تسوينه التالي
1_ حبوب فيتامين
2_ شامبوا بلسم طبي لا تقربين البلسم الفروه يضعف البوصيله ويسوي قشره
3_ انبولات للشعر اسالينه عن اكرنل
4_ خذي زيت لوز حلو واخلطيه بالتساوي مع خروع وخليه عندج
5_ خذي ربطات مثل مالات اليهال .

اغسلي شعرج بالشامبو المخصص للشعر الجاف والمقصف
يوم ينشف حطي في شعرج الانبولا بس انتبهي الله لا يبارك فيهم يوم بتكسرينها لا تحركين السائل الي فيها
لين ترفعين الانبوله للبه وتشوفين اذا فيه على الحواف زجاج ونظفيه بشوي بقطن الاذنين وحطيه على الفروه وسوي مساج من القلب
وبعدين حطي زيت على شعرج بعيد عن الفروه خفيف لين اخر الشعره وحالي تجدلينه وتخلينه بنقول الاربعاء
الساعه 5 العصر تغسلينه بشامبوا الخميس العصر وبعدين تحطين الانبولات من اول ويديد بس بدون زيت وخلينه للجمعه الساعه 5 العصر وتغسلين شعرج بماي بس يوم ينشف حطي الانبولا وتغسلين شعرج بشاموا السبت وتحطين الانبولات مع الزيت وتخلينه وتستمرين على هالموال شهر وانا متاكده باذن الله بتدعيلي لاتقربين السشواااار ابدا
خذي كلبات اونج غيرتي التسريحه وتريدينه كيرلي ولعبي في شعرج تلفلفينه وتسوين تسريحات فيه بدون سشوار واونه ستايلج فاهمه عليه ويا رب فتحين من مشاكلج على فكره الطريقه هذي بتفجج من التقصف والجفاف والتساقط ومع الوقت بيكثر شعرج وبيطول بس شهر وبعدين طرشيلي رساله بقولج شو تسوين مع السلامه