ما تلاحظون على وراعينا شي

الأسرة والمجتمع

السلام عليكم



الكتاب امبين من عنوانه
ماتلاحظون ان بزارينا وراعينا اطفالنا ماعندهم ذكرياااات مثلنا
ماتلاحظون ان الورع يسهر للفجر عادي عنده واذا لعب لعب بلعابه ولا نام
عكسنا حنا قبل نلعب من صباح الله خير الين الليل واذا تفرجنا على التلفزيون على طاري التلفزيون تذكرون التلفزيون القديم من دون ريموت لازم تروحين عنده وتغيرين القناه طق قناة السعوديه الاولى طق قناة السعوديه الثانيه يازين ايام اول ولا افلام كرتون بزارينا كلهاااا خرابيط اما حنا قبل كابتن ماجد هايدي سالي الرمية الملتهبه مو الحين اسبنج بوب والبنات 3مدري وش فيهم خراااااابيط كلها ماعادا توم جيري....
ماعندهم مواقف هذا اذا درسو يمكن, عكسنا حنا انواع وشكال من مواقف
خلوني اقول لكم موقف مره كنا مجتمعين بيت جداني وكانت عمتي توها جايه المهم لعبنا انا وبنات عمي ولد عمتي عاد انا حاقده عليه افكر وافكر منا ومنا وخطرت لي فكره:42: سحبت بنت عمي وقولها الخطه المهم خليتها تمسك الولد وتلف يدينه على ورا وانا قدامه وعطيه ذاك الكف ونحاااش وانا وبنت عمي .....ههههه



المهم الزبده ماخرب بزارينا الا الدش لو مافيه دش الورع طلع سيد الرجاجيل


بالله وش رايكم بالجيل هذا؟؟؟؟؟
27
2K

يلزم عليك تسجيل الدخول أولًا لكتابة تعليق.

تسجيل دخول

يتيمه الفهد
يتيمه الفهد
جيل تعبان الا القليل منهم
غرووووب نجد
غرووووب نجد
هههههههههههههههههههههههههههه

ياحوبي لتس صادقه يازين

برائتناااا من اول

والا الحين الورع يفهم اشياء مايفهمونهااا الكبار الله يستر هالزمن يروع
فاقدة عزوتها
فاقدة عزوتها
صدقتي والله ماافسد عيالنا الاذا الدشوش
جارة القمر4
جارة القمر4
فعلا الله يذكر ايامنا بالخير
يووووه مصيبه تجي الساعه 11 واحنا مانمنااااااا
والحين مافيه طفوله ولا فيه براءه ابد
يطلع فااااهم كل شي
مس ليمونه
مس ليمونه
ههههههههههه موقفك تحفه..
ولله صادقه انا الحين اذا جيت بقص قصه لولدي الحمدلله يقول سكتي انا بقول واسمع من ذي الخربيط بسيط سبونج بوب وشفيق ويرفع ضغطي وعليه خياااال ماخذ منه حكي ولا اذا طلبت شي يقول مااقدر الاشباح تلاحقني(على فكره الصفه الوحيده الزينه الي اخذها ولدي من افلام الكرتون اللغه العربيه الفصحى)
اذكر مره عمه خذ سيارة ابوه ويركض ولدي يعلم ابوه بابا عمي الاحمق اخذ سيارتك..
عمه مدرس لغه عربيه ماااات ضجك وكلن يحكي معه لغه عربيه فصحى..
طولت عليك..
تقبلي مروري...