ما توقعت هالصبغه الطبيعيه بتخلي شعري كذا!!

السلام عليكم

اول شي ادعوا لي بالشفاء والله مصدعه مع التهاب الحلق والزكام :44:
ثاني شي ادعوا لي بالتوفيق في شغلي وحياتي <<< مصختيها

ثالث شي بقول لكم موضوعي هذا ليه نزلته رغم انه موجود سابقا

اول شي انا شعري دهني الجذور .. دهني ما يمزح من قللللللللللب
و الاطراف جافه و تالفه .. ليه تالفه؟؟
لاني اصبغ

و الحين طلعت الجذور السودا وشعري لمعته حلوه و ناااااااااااعم حيل و ما ابي اخربه زي الجزأ المصبوغ
وبنفس الوقت ابي اعتني فيه لانه ابتدى يتساقط بعد عملية التحوير .. مر علي ثلاث شهور و عندي صعوبه في ابتلاع الفيتامينات لانها عملاقه بالنسبه لي

رحت سويت صبغه حور الجنان بس بدون بيض لان ببساطه ما كان عندنا بيض

بيالة نسكافيه اررررررررررررخص نوع عادي
علبة مظهر لون ((60 ملل)) يطلع حوالي بياله
اعبي علبة المظهر زيت ((اي زيت تحبينه)) انا حطيت ربعها زيت فازلين والباقي الزيت المعتاد اللي ازيت فيه شعري ((خلطتي اللي احبها لشعري و من ضمنها ترى دابر املا))
ملعقة حمام كريم اللي ترتاحين له ,, انا حطيت فاشكول

انا ما ابي اشقر .. ابي بني رمادي وسط

حطيتها خمس ساعات على شعري وتراها تسيح .. المره الجايه بحط ملعقة سدر علشان يثقلها شوي

لما غسلتها ((مره وحده فقط بالشامبو)) و طبعا ريحة الشعر لك عليها مو ذاك الزود
و استخدمت عقب الشامبو حمام كريم

ايش طراوه و رطوبه بشعري

صحيح اللون مهوب فاتح بالحيل بس انا عاجبني كذا
مرررررررررررره حلو

و شعري متغذي ومصحصح

اطراف شعري طريه و رطبه و تجنن
وشعري اللي ما فيه صبغه ((سابقا)) ما فقد لمعته نهائيا بالعكس محافظ على طراوته وجماله
واللون حلو مو محمر ولا مهبب ولا شي!!




اللي مضيق صدري خفة شعري بسبب سوء التغذيه
يعني عادي اقعد اليوم كله اكل جح والا اشرب حليب والا ما اكل شي خير شر!!