mrs.abk :

شوفي أنا بقول لك تجربتي .. أنا أمي وأبوي ما انفصلوا .. أنا أبوي توفى الله يرحمه .. وبرغم صعوبة هالموضوع .. بس الحين بعد مرور السنين وأنا أفكر .. لو كان أبويه حي وأمي الله يحفظها هي اللي ماتت .. بمعنى أمي هي الطرف الناقص في العايلة .. ترى أي شتات اللي كنت بعيشه ؟؟ غياب الاب ولو كان صعب وقاسي لكن وجود الاكم يقدر ينظم الحياة بعده .. الام ربي وهبها قدرة تقوم بمهام الاب .. أغلب المهام .. هي تنصح وتأدب ولو تيسرت لها الامور تودي وتجيب وتشتغل وتحاسب .. لكن الاب ما يقدر يقوم بمهام الام .. غياب الام عن الأطفال هو نقص عظيم في حياتهم .. نقص لثلاثة أرباع الاستقرار والامان واحساس الطمأنينة ,.. هذا السبب اللي يخلينا نصبر . .نعرف في داخلنا كم العذاب اللي بيواجهونه الصغار لو غبنا عن حياتهم .. كم الالم .. اليوم بنتي لو انجرحت تدورني من غرفة لغرفة تبكي في حضني .. صعب اتركها تروح تنزوي ورا الباب وتبكي تحاول تتفاهم مع المها النفسي وخوفها وهي طفلة .. اليوم أنا اللي ألبس عيالي وأركبهم السيارة وأطلع معاهم وأصورهم وألاعبهم .. صعب أتركهم لشخص ممكن جدا يخليهم في البيت ولا يعبرهم أساسا .. واحد من محارمي متزوج زوجتين .. الاولى كانت مريضة عندها ولد واحد لكن مريضة .. والثانية ربي رزقها الذرية .. من كم شهر ماتت الاولى اللي يرحمها .. ولدها عمره 10 سنين يمكن .. بعد وفاتها بشهرين أخت الزوج مسوية حفلة لبنتها وعازمة العايلة كلها .. نفس اليوم أختي تشوف الولد اليتيم في بيت أمي تقول له ما بتروح الحفلة .. يقول أمي فلانة قالت انت لا تروح موب لازم .. تقول اختي الغبنة كل اطفال بيتنا رايحين الحفلة وهو قاعد .. تقول من حسرتي قلت له بوديك الالعاب .. خذته الالعاب .. قضت اختي الليل تبكي على أمه وعليه .. وبكتنا كلنا .. يعني زوجة ابوه ما تضربه لكن تضرب قلبه .. وهذا أسوء اللي يصير للولد اليتيم هذا قابل يصير لكل طفل يعيش بدون أمه .. الام هي جناح المحبة والظلة الباردة اللي تظلل البيت ..

شوفي أنا بقول لك تجربتي .. أنا أمي وأبوي ما انفصلوا .. أنا أبوي توفى الله يرحمه .. وبرغم صعوبة...

دمعه زمان :

صدقتي والله.... الأم غيييييير

صدقتي والله.... الأم غيييييير

ام نايف 🌸 :

صادقه بكل كلمه انا جربت ورحت لاهلي وتضايقو من عيالي خاصه انهم اربعه وصغار ورجعت لابوهم الله يعوضني بصلاحهم وبرهم

صادقه بكل كلمه انا جربت ورحت لاهلي وتضايقو من عيالي خاصه انهم اربعه وصغار ورجعت لابوهم الله...